Dagblaðið - 14.09.1976, Blaðsíða 24

Yfirmaður á kaupskipi
úrskurðaður í allt að
30 daga gœzluvarðhald

—vegna rannsóknar á ólöglegum innflutningi litsjónvarpstœkja
Yfirmaður á íslenzku kaup-
skipi var í gær úrskurðaður í
allt að þrjátíu daga gæzluvarð-
hald í Keflavík í framhaldi af
rannsókn á meintum ólöglegum
innflutningi litsjónvarpstækja.
Viðar Ólsen, fulltrúi bæjar-
fógeta í Keflavík, staðfesti í
samtali við fréttamann blaðsins
i morgun að umræddur gæzlu-
varðhaldsúrskurður hefði verið
kveðinn upp en vildi ekki gefa
frekari upplýsingar um málið.
Hinn 31. maí sl. skýrði Dag-
blaðið frá þvi að grunur hefði
vaknað um þetta smygl og væri
það í rannsókn. Var þá talið, að
allt að 40 litsjónvarpstæki
hefðu verið keypt i útflutnings-
höfn í Evrópu í einni ferð og
þeim smyglað f land hér í vöru-
gámi. DB hefur ekki tekizt að
fá staðfest að um 40 tæki sé að
ræða en ekki þykir ólíklegt að
varningur af öðru tagi komi
einnig til. Þykir einnig liklegt
að maður sá er nú situr í gæzlu-
varðhaldi hafi átt samstarfs-
menn hér heima, bæði skip-
verja og menn í landi.
— ÓV/BS
✓
Sigalda:
Deila blikk-
smiðanna
blossaði
upp ó ný
Enn hafa deilur blossað upp í
Sigöldu vegna blikksmiðavinnu
á staðnum. Lögðu þeir í sl. viku
niður vinnu vegna ágreinings
varðandi tvo þýzka blikksmiði
sem unnu að ákvæðisverki er
Brown-Boveri hafði tekið að
sér. Lyktir þeirrar deilu urðu
að Landsvirkjun tók að sér
hluta af því verki sem Brown-
Boveri hafði tekið að sér.
Tryggði það að íslenzkir blikk-
smiðir sátu að allri blikksmiða-
vinnu þar eystra.
Lausn deilunnar vegna Þjóð-
verjanna tók viku og síðan var
helgarfrí í Sigöldu. Er blikk-
smiðir komu austur í gær sáu
þeir að unnið hafði verið við
þeirra verk allan tímann sem
þeir áttu í vinnudeilunni og
höfðu lagt niður vinnu. í viðtali
við Kristján Ottósson, form.
Fél. blikksmiða, sagði hann að
vélvirki frá Hellu hefði unnið
að verki blikksmiðanna og
sennilega fleiri. Yrðu þessi mál
rannsökuð i dag og um þau
haldnir fundir réttra aðila.
Ekki væri ljóst hvort blikk-
smiðirnir hæfu vinnu, fyrr en
þessi óvænta aðför að rétti
blikksmiðanna væri til lykta
leidd.
ASt.
r[ Krafla: ]
Gufan lœtur enn ó sér standa
Það er allt ónýtt í bílskúrnum að Asgarði 2 eftir brunann frá
gashylkjunum, sem slökkviliðsmenn vöktu yfir i alla nótt til að
hættulaus í morgun.
Kviknaði í bilskúr að Ásgarði 2:
logsuðutækjunum. Motta er yfir
kæla og enn voru þau ekki orðin,
-DB-mynd Arni Páll.
HÆTTA A SPRENGINGU I GASHYLKJUM
Eldur kviknaði í bilskúr að
Ásgarði 2 í gærkvöldi. Kviknað
hafði í út frá logsuðutækjum.
Bílskúrinn brann nokkuð að
innan en fljótlega tókst að
slökkva eldinn. Bifreið sem var
í skúrnum gjöreyðilagðist og
maður sem var staddur í skúrn-
um brenndist og var fluttur á
slysadeild.
Stöðug vakt er að Ásgarði 2,
þar sem bruni á sér stað í inni-
haldi hylkjanna. Þau er ekki
unnt að fjarlægja þar sem
hætta er á sprengingu við
hverja minnstu hreyfingu. Hér
er um tvö gashylki að ræða og
annað þeirra inniheldur
acetylengas, sem notað er til
logsuðu. Slík gashylki eru mjög
hættuleg eftir að brennsla
hefst í þeim. Og verður að kæla
þau í minnst 24 klukkutíma
eftir að bruni hefst.
Að sögn Gunnars Sigurðs-
sonar urðu slökkviliðsmenn
varir við bruna í hylkinu
klukkan 6 í morgun en kælingu
verður haldið áfram I allan dag.
Eld í gashyikjum sem þessum
er ekki unnt að slökkva. Það
eina sem hægt er að gera er að
halda þeim köldum til að halda
styrkleika járnsins.
—BA
„Það má segja að það verði
ekkert stóráfall þó ekki fáist
nægileg gufa til að keyra
vélarnar á fullu. Það er ljóst að
ekki er ntégilegur markaður
fyrir þau þrjátíu megavött, sem
hvor vélasamstæða um sig
getur framleitt," sagði
Valgarður Stefánsson jarðeðlis-
fræðingur við Kröflu. Hann
hefur meðal annars með stað-
setningu á borholum við Kröflu
að gera.
Valgarður sagði að nú væri
verið að bora holu 7 og 8, en
ekki væri neinn árangur hvað
gufu snertir kominn í ljós. Úr
holu númer 6 hafa fengizt 20
kíló á sekúndu, sem gætu þýtt 2
megavött ti! að knýja vélasam-
stæðurnar. i áætlun er hins
vegar gert ráð fyrir að hver
hola gefi um 5 megavött til þess
V^
að 6 holur geti knúið aðra véla-
samstæðuna.
Holur 1—5 hafa ekki reynzt
nýtanlegar enn sem komið er.
Ekki er þó enn útséð með holu
þrjú sem i fyrstu gaf 70 kíló á
sekúndu en eyðilagðist við jarð-
hræringarnar. Sagði Valgarður
að sú hola kynni að vera nýtan-
leg ef þrýstingur í henni
minnkaði.
5—6 holur boraðar í ár
Valgarður sagði, að áætlun
gerði ráð fyrir að 5—6 holur
yrðu boraðar i ár. Er miðað við
að þeim borunum verði lokið
áður en jörð fer að frjósa.
A þessu ári hafa verið
boraðar þrjár holur og er ekki
að fullu vitað um gufumagn
þeirra. Hola 6 gefur litla gufu.
en verið er að bora hinar og
hola 7 er þegar orðin 1200
metra djúp.
Úr þeim 2—3 holum sem á
eftir að bora verður því að
koma mjög mikil nýtanleg gufa
til þess að unnt verði að virkja
á næsta ári.
Hugsanlegt að óhagkvœm
ar holur verði virkjaðar
Valgarður sagði að alls ekki
væri víst að allar holur, sem
gæfu gufu, yrðu virkjaðar.
Óhagkvæmt væri að virkja þær
sem gæfu lítið, eins og til
dæmis hola 6 sem stendur. Hins
vegar gætu holur sem gæfu
mikla gufu hækkað meðaltalið
verulega.
Er Valgarður var spurður að
þvi hvernig færi ef engar gufu-
ríkar holur fengjust, sagði
hann að þá yrðu miður hag-
kvæmar holur e.t.v. virkjaðar.
Þegar væri búið að leggja í svo
gífurlega fjárfestingu að virkja
vrði holurnar enda þótt' lítil
gufa kæmi úr hverri um sig.
Gufuhorfur svipaðar
og í sumar
Er Valgarður var spurður
að því hvort meiri líkur væru á
því að virkjun gæti fremur haf-
izt samkvæmt áætlun nú en
fyrr í sumar svaraði hann
neitandi. Sagði hann að
ástandið væri óbreytt. Leit að
nýtaniegri gufu yrði haldið
áfram. Gufa væri á svæðinu en
það væri hins vegar ekki 'ljóst
hvenær nægileg, nýlanleg gufa
fengist. — BA
frfálst, nháð dagblað
ÞRIÐJUDAGUR 14. SEPT. 1976.
Timman
á mesta
möguleika
Úrslitaumferðin í kvöld
í kvöld verður tefld síðasta um-
ferð Reykjavíkurmótsins I skák.
Spennan hefur náð algjöru
hámarki og með öllu er óljóst
hvort sigurinn fellur einum í
skaut óskiptur eða fleiri verða
efstir og jafnir.Timman hefur
bezta möguleika og með sigri yfir
Vukcevich í kvöld getur Timman
tryggt sér 1. verðlaun, sem eru
rösklega 400 þúsund krónur.
Fyrir umferðina í kvöld hefur
Timman 10,5 vinninga, Friðrik
og Tukmakov 10 hvor, Najdorf 9,5
og Antoshin 8,5 vinninga.
Úrslit biðskáka í gær urðu
þessi.
Bjöm — Margeir O—1
Guömundur — Gunnar 1—O
Friðrik — Helgi 1—0
Haukur — Tukmakov O—1
Helgi — Najdorf V* — Va
Margeir — Timman 0—1
Vukcevich — Björn O—1
Westerinen — Antoshin Va — Va
í dag kl. 5.30 tefla Friðrik gegn
Inga, Najdorf gegn Gunnari,
Tukmakov gegn Helga og Timm-
an gegn Vukcevich.
—ASt.
Brauzt inn
í konuleit
Maður fór óboðinn inn í
kjallara í nótt i konuieit.
Virðist svo sem maðurinn
hafi talið að hann væri á
þeim stað er konan. sem
hann vildi finna, byggi.
Reyndist svo ekki vera og
fékk maðurinn heldur
óblíðar móttökur. Gistingu
fékk hann ekki í kjallar-
anum heldur uppi á lofti i
iögreglustöðinni.
Maður þessi var nokkuð
við skál.
—IlA
SKEIÐARÁ
VEX HÆGT
„Það er ekki mikill vöxtur í
Skeiðará enn sem komið er en
lyktin af henni er hins vegar
slæm,“ sagði Guðveig N. Bjarna-
dóttir húsfreyja á Skaftafelli er
hún var innt eftir því hvort
Skeiðarárhlaup væri að byrja.
Guðveig sagði að nokkuð mikið
væri í ánni, en hún væri hins
vegar ekkert farin að dreifa sér á
sandana. Hún sagði að smalað
hefði verið á sandinum i gær og
hefðu smalamenn haft orð á því
að áin væri bæði ljót á litinn og
lyktin heldur óþægileg.
Síðasta Skeiðarárhlaup var á
árinu 1972 og var almennt ekki
búizt við nýju hlaupi fyrr en 1977
eða 1978. Nú telja hins vegar
margir af þeim sem til hegðunar
árinnar þekkja að eitthvað sé að
gerast í henni. Áin er farin að
grafa sig niður en breytingar dag
frá degi eru hins vegar lítt merkj-
anlegar.
— BA