Dagblaðið - 20.09.1976, Blaðsíða 32

VEGURINN VESTAN -
y j STCBTT
STRAKAGANGA SIGUR 2S
ALLT AÐ METRA Á ÁRI -
Talsvert jarðsig hefur átt sér
stað undanfarin ár í Siglu-
fjarðarskriðum svokölluðum,
skammt frá opi Strákaganga
við Siglufjörð. Þarna hefur veg-
urinn í hinu hrikalega lands-
lagi sigið talsvert á 100—200
metra kafla.
Vegagerðin hefur borið
árlega i veginn og varið til þess
allmiklum fjármunum. Engu að
síður heldur vegurinn áfram að
síga og myndast oft hvassar
brúnir þar sem útjaðrar sigsins
eru. Rekast bílar gjarnan á
þessa stalla, einkum þeir
minni, og gæti háski stafað af
þessu.
Hjá Vegagerð ríkisins á
Akureyri tjáði Guðmundur
Svavarsson umdæmisverk-
fræðingur fréttamanni DB að
ekki væri nein skýring fundin á
þessu. Jarðfræðingar hafa gert
athuganir á þessu fyrirbæri
sem ekki mun þekkjast annars
staðar í vegakerfinu okkar.
Sumir þeirra telja þó að undir
vegarstæðinu renni vatn til
sjávar, enda mun talsverður
vathsagi vera i hlíðinni ofan
vegarins. Vatnið grefur þá sam-
kvæmt þessari kenningu undan
vegarstæðinu og ber með sér
mölina niður hlíðina og til
sjávar. Vegagerðin hefur sett
upp hættumerki beggja vegna
við þann kafla sem hefur sigið
en ekki taldi Guðmundui^
Svavarsson að veruleg hætta
stafaði af siginu. Einkum er
það í vorleysingum sem vart
verður við sigið og eru þá við-
eigandi ráðstafanir gerðar,
borið ofan í veginn og reynt að
slétta þennan kafla til sam-
ræmis við aðra hluta vegarins.
Þegar fréttamaður DB átti í
gær leið um Siglufjarðar-
skriður var þó greinilegt að
signi hlutinn var 15—25 sentí-
metrum lægri en vegurinn sitt
hvorum megin. Greinilegar
sprungur eru í hlíðinni fyrir
ofan og í vegarköntunum
hripar sandurinn niður ef við
hann er komið.
Að sögn vegagerðarmanna á
Sauðárkróki hefur sigið orðið
þetta 'A til einn metri á ári og
eins og fyrr greinir hefur mest
kveðið að þessu að vorlagi.
— JBP —
ÍSLENDINGAR RÆNDIR í SPÁNARFERÐ
„Aðkoman í herbergin, þar
sem þjófarnir höfðu komið, var
alveg voðaleg. Allt ar á rúi og
stúi og þeir höfðu meira að
segja skorið upp læstar ferða-
töskur," sagði Finnur Þorvald-
son í Sandgerði sem er einn af
Islendingunum sem var
rændur í Benidorm á Spáni 31.
ágúst.
Finnur sagðist hafa verið
búinn að vera í u.þ.b. vikutíma
þegar þjófar brutust inn í her-
bergi hans og það um hábjartan
dag. Brotizt var inn hjá tveimur
öðrum Islendingum og hjá
fleira fólki af öðru þjóðerni.
Finnur sagði að þjófarnir hefðu
farið inn í herbergi allt frá
þriðju hæð upp á áttundu hæð.
Hirtu allt lauslegt
Finnur sagði að þeir hefðu
stolið frá sér bæði gjaldeyri og
eins ýmsu dóti sem hann hafði
komið með að heiman. Frá
öðrum Islendingi hefði
bókstaflega öllu verið stolið,
bæði islenzkum peningum,
gjaldeyri og öllu lauslegu.
Hann sagðist hafa verið svo
heppinn að hafa geymt mest-
alla penina sina í hólfi, sem
hægt væri að leigja á hótelinu.
Einn af Islendingunum sem
rændur var hafði hins vegar
ekki hugmynd um hólfin og var
allt tekið frá honum.
Deildi Finnur mjög á for-
svarsmenn Ferðamiðstöðvar-
innar, sem voru með þennan
ferðahóp, fyrir að segja
mönnum ekki frá geymsluhólf-
unum.
Fó peningana
ekki aftur
Finnur sagðist hafa keypt
farangurstryggingu en hún
tæki alls ekki til þess gjaldeyris
sem hefði verið stolið. Var
hann hræddur um að þeir sem
voru rændir fái engar bætur
fyrir þennan stuld.
Þjófnaður þessi var framinn
á vandaðasta hóteli sem Ferða-
miðstöðin býður upp á í Beni-
dorm á Costa Blanca.
— BA.
í kalsaveðri og rigningar-
sudda vakti nokkur hópur
manna athygli vegfaranda, sem
leið áttu um Reykjanesbrautina
sunnan Alversins. Gengu þessir
menn um hraunið og fóru helzt
með gjám þess, voru þeir sýni-
lega ekki í berjamó. Þarna er
góð aðkeyrsla inn á hraunið
eftir gömlum vegi fyrri tíma.
Er nánar var að gætt kom í ljós
að þarna voru rannsóknarlög-
reglumenn á ferð. Þeir vörðust
fiinlega öllum spurningum
Magnúsar Gíslasonar frétta-
manns DB. Kváðust þeir ekki
vera að leita að neinu og væru
þarna á einskis manns vegum.
Bifreiðar rannsóknarlögreglu-
manna voru þarna skammt
undan. Karl Schútz mun ekki
hafa verið langt undan og í
leitarhópnum voru fleiri af
framámönnum rannsóknarlög-
reglunnar. Er leitin því sett í
sainband við rannsókn Geir-
finnsmálsins og Guðmundar-
málsins, þó ekki hafi fengizt
staðfest. DB-mynd emm
Þingskrifarinn tapaði mólinu:
HAFÐINIÐURSTAÐA JAFN-
LAUNARÁÐS ÚRSUTAÁHRIF?
Lífshœtta af of lógri hóspennu-
línu við Vogaafleggjara
— talstöðvarloftnet rakst í 60 þúsund volta línu
Forsetar Álþingis fyrir hönd
Alþingis og fjármálaráðherra
fyrir hönd ríkissjóðs voru sýkn-
aðir af kröfum Ragnhildar
Smith um bætur fyrir launa-
mismunun vegna kynferðis.
Meirihluti dómsins, Már
Pétursson og Hákon Guð-
mundsson, komst að þessari
niðurstöðu. Adda Bára Sigfús-
dóttir taldi hins vegar að taka
bæri varakröfu Ragnhildar til
g'reina að fullu. Taldi Adda
Bára að það fæli í sér brot á
lögum um jafnlaunaráð að Jón
fengi greidd laun 5 launaflokk-
um ofar en Ragnhildur þar sem
störf þeirra væru sem næst
jafnmikilvæg og sambærileg.
Athygli vekur niðurstaða
jafnlaunaráðs sem lögð var
fram í dóminum. Það taldi sér
ekki færtað bera saman störf
Ragnhildar og Jóns, þrátt fyrir
staðhæfingar stefnanda og
trúnaðarmanna starfsmanna-
félags Alþingis um að störfin
væru sams konar. Jafnlaunaráð
treysti sér ekki til að hrekja
fullyrðingar skrifstofustjóra
Alþingis um að Jón hefði unnið
önnur þýðingarmeiri störf, sem
réttlættu að hann væri í hærri
launaflokki.
— BA
— sjá viðtal á bls. 5
Dekk á veghefli steyptust út 1
smágötum eftir að loftnet hafði
rekizt upp undir eða í há-
spennulínu sem liggur við
Vogaafleggjarann.
ökumaður veghefilsins slapp
ómeiddur, þar sem hann hélt
um vel einangrað stýri hefils-
ins. Hefði þarna getað orðið
slys þar sem línan flytur 60
þúsund volta spennu á
Suðurnesin.
Að sögn rannsóknarlögregl-
unnar í Keflavík liggja tvær
háspennulínur samsíða við
Vogaafleggjarann. Var önnur
þeirra nýlega hækkuð upp í 7
metra, en hin mun vera eitt-
hvað lægri. Var þegar haft sam-
band við eftirlitsmann raf-
veitna sem lofaði að við-
vörunarmerki yrði sett upp, en
linan verður væntanlega
hækkuð. Slíkt er töluvert verk
þar sem skipta verður um
staura beggja vegna línunnar.
Loftnet veghefilsins reyndist
vera á sjöunda metra á hæð og
mega því ekki vera miklar mis-
hæðir á veginum til að árekstur
verði.
— BÁ—
Sijálst, óháðdagblað
MANUDAGUR 20. SEPTEMBER
Ólafsvík:
4 af 6 drag-
nótabótum
sviptir
veiðileyfi
Fjórir af sex Ölafsvíkur-
bátum, sem fengið höfðu
leyti til dragnótaveiða, hafa
nú verið sviptir leyfunum.
Leyfissviptingin er gerð af
sjávarútvegsráðuneytinu og
byggist á rannsókn á
aflaskýrslu bátanna. Sam-
kvæmt þeim kemur í ljós að
bátarnir leggja á land afla,
sem ekki á að geta fengizt í
dragnót sé löglega að
veiðunum staðið.
Sjómenn, sem eru komnii
í bann eru sárir og gramir
Þeir telja dragnótabátana
ekki leggja öðru vísi afla é
land en linubátar gera og að
smáfiskur og undirmáls-
fiskur sé ekki umtalsverður
hjá þeim. Einn þeirra sagði í
viðtali við DB að þeir hefðu
stundað sinar veiðar á sandi
og fjarri gotstöðvum. Þessi
sami sjómaður sagði, að í
dragnót með 170 mm
möskva í poka gæti ekki
fengizt annað en koli sem
væri 1200 grömm og yiir og
næsta verðlaus fiskur. I
þessum orðum sjómannsins
felst óbein .viðurkenning á
því að óleyfileg brögð séu
höfð i frammi við dragnóta-
veiðarnar.
Sjómaðurinn sagði að at-
vinna Ölafsvíkinga hefði að
nokkru leyti byggzt á afla
dragnótabátanna.
Þegar fjórir hefðu verið
settir i bann, væri harkaleg?
dregið úr atvinnumöguleik-
um heimafólks.
-ASt.
Mikil úrkoma
ó Suðurlandi
ínótt
I nótt var all mikii austan átt og
hvasst einkum við suðurströnd-
ina. Veruleg rigning var á suður-
landi. Samkvæmt upplýsingum
Markúsar Einarssonar veður-
fræðings er jafnan veruleg
ísingarhætta fyrir flugvélar í
slíku þykkni. Svo var í gærkvöldi
og af þeim sökum féll niður flug
klukkan niu í gærkvöldi til Akur-
eyrar.
I morgun var þetta veður
gengið norður yfir landið. Gert
var ráð fyrir meiri rigningu fyrri
hluta dagsins en skúraveðri um
sunnanvert landið. Austan og suð-
austan kaldi verður fyrir norðan
en þurrt að kalla. —A.Bj.
Níu „stútor"
eftir nóttina
Mjög rólegt var í höfuð-
borginni í nótt samkvæmt
frásögn Rúnars Guðmunds-
sonar lögregluvarðstjóra.
Frá því klukkan tvö i nótt
voru þó teknir níu ökumenn
grunaðir um ölvun við akst-
ur. Hækkar það enn töluna
yfir „stúta“ helgarinnar en
þeir verða þá þrjátíu og sex,
sem við höfum haft fréttir
af. —A.Bj.