Dagblaðið - 23.09.1976, Blaðsíða 15
lllllllllllllllllllllllllllllllllllllllllllllllllllllllllllllllllllllllllllll
ne
DAGBLAÐIÐ. FIMMTUDAGUR 23. SEPTEMBER 1976.
„Hér líður mér vel.“ John Wayne við hús sitt á Newport
Beach. Kyrrahafið er aðeins í nokkurra milna fjarlægð.
Pilar og hann fluttu þangað þegar börnin voru enn lítil.
Þessi mynd var tekin af fjölskyldu John Wayne
skömmu áður en erfið lífsskilyrði eyðilögðu hjóna-
band foreldra hans.
dag. Framabraut hans var samt
þyrnum stráð. Samningi hans
við Fox kvikmyndaverið var
slitið eftir nokkrar slæmar
kvikmyndir.
Þá tóku Columbia Pictures við
honum og eyðilögðu hann, því
aðalmanni fyrirtækisins, Harry
Cohn, mislikaði eitt sinn mjög
við Wayne. „Hann hélt að ég
ætti vingott við eina af stúlkun-
um, en það var algjör vitleysa,"
sagði Wayne.
Jafnvel þótt Cohn léti það
berast að John væri alkóhólisti
þá tóku Warner Brothers við
honum og þar tókst honum að
ávinna sér talsvert traust. John
Ford bjargaði honum fimm
árum síðar og lét hann fá hlut-
verk í Stagecoach. „t fyrsta
sinn fékk ég tækifæri að
spreyta mig á almennilegu
hlutverki,“ sagði John.
John Wayne stofnaði sitt
eigið fyrirtæki árið 1952 og frá
því kom fjöldinn allur af
góðum myndum sem öfluðu
honum bæði fjár og vinsælda.
Meðal mynda frá þessu tímabili
má nefna The High And The
Mighty, The Alamo og True
Grit. Fyrir þá síðastnefndu
fékk hann Óskarsverðlaun.
Á þessum árum var einkalíf
hans eins breytilegt og frami
hans — annaðhvort var allt I
blóma eða vegur hans var
grýttur. Hann hefur gifzt
þrisvar sinnum. Fyrsta kona
hans, Josephine Saenz, var frá
Mið-Ameríku, dóttir starfs-
manns í utanríkisþjónustunni.
Þau eignuðust fjögur börn á
mjög skömmum tíma um það
leyti er John átti í sem mestri
baráttu við að ná frama í kvik-
myndaheiminum.
Hann vann langan vinnudag
og eftir að hann fór að búa til
sínar eigin myndir átti hann
það til að koma heim og fara
síðan út aftur í hvelli með konu
sinni Josie til að taka þátt í
einhverjum félagslegum við-
burðum.
„Þetta var hennar líf og yndi.
Mér likaði við margt af þessu
fólki sem við hittum. En svo
voru líka margir sem ég þoldi
ekki.
Fólk það, sem Josie
umgekkst, leit ekki niður á leik-
ara. Það viðurkenndi mig alveg.
En vinna mín varð þess vald-
andi að ég þurfti að umgangast
fólk sem það leit niður á. Að
lokum gekk það svo langt að ég
gat ekki lifað í báðum þessum
heimum og við Josie fórum að
færast fjær hvort öðru.“
Þau skildu eftir 13 ára hjóna-
band. Josie vildi ekki skilnað
og það var einhver biturleiki
frá hennar hendi.
Hann saknaði barnanna mjög
og reyndi að hitta þau eins oft
og.hann gat. í fyrstu reyndist
það erfitt. Hann minnist þess
þegar hann fór eldsnemma á
fætur á jóladag svo hann gæti
beðið fyrir utan heimili þeirra
og hitt þau um leið og þau vökn-
uðu. En smám saman eyddist
biturleikinn og allt féll í ljúfa
löð.
Þrem árum síðar giftist hann
ungri leikkonu frá Mexíkó,
Esperanza Baur að nafni. Þau
bjuggu sarnan af og til í sjö
æsileg ár. Ári eftir að þau
skildu dó Esperanza af
hjartaslagi.
Þriðja kona John Wayne,
Pilar Paletto, var smávaxin
kona með dökk augu. Hún var
frá Perú. Þau giftust á Hawai
eftir tveggja ára kunningsskap.
Þau eignuðust þrjú börn, Aissa,
Ethan og Marisa, og voru gift I
20 ár áður en þau skildu„en það
var fyrir tveim árum.
Pilar var við hlið hans er
hann gekk í gegnum krabba-
meinsuppskurðina. Innan
þriggja mánaða var hann aftur
tekinn til starfa — en ekki af
sama krafti og áður.
Nú hafði hann meiri tíma til
að eyða í faðmi fjölskyldunnar
og nú hafði hann meiri tíma til
að sinna ýmsum viðskipta-
málum sem hann hafði alltaf
haft áhuga á.
Hann gaf sér líka meiri tíma
til að kanna pólitísk mið. Hann
hefur þótt mjög áhugaverður I
sambandi við stjórnmál ekki
sízt vegna þess að hann svarar
spurningum afdráttarlaust og
án nokkurra vafninga.
John Wayne hefur eignazt
sex börn um daga ' sína og
tuttugu barnabörn. Hann
er gjörkunnugur öllum hnútum
í kvikmyndaverinu, rykugu
andrúmsloftinu, leiðindabið
milli töku atriðanna og kjafta-
ganginum á bak við tjöldin.
Hann stendur enn keikur fyrir
framan myndavélina I steikj-
andi sólinni.
„Eg geri mér ljóst," segir
John, „að ég þekki miklu fleira
af látnu fólki en lifandi. En ég
geri mér far um að lifa í nútím-
anum en ekki í fortíðinni."
Pilar og ég árið 1964 ásamt börnum mínum og barnabörnum. Talið frá vinstri: Standandi — Michael heldur á
barni sinu. Patrick, Aissa, tengdasonur minn, Don La Cava heldur á syni sinum. Sitjandi — Kona Michaels,
Gretchen, ásamt þrem börnum þeirra, ég, Pilar með Ethan, dætur mínar, Melinda Munoz og Toni La Cava.
hati'a á börnum sínum.
Illllllllllllllllllllllllllllllllillllllllllllllllllllllllllllllllllllllllll
15
Geri aðrir betur
Zsa Zsa Gabor er
kvenmaður sem ekki lætur sér
allt fyrir brjósti brenna. Hún
gifti sig á dögunum í sjöunda
skipti,l‘/4 tíma eftir að hún
skildi við sjötta eiginmanninn.
Geri aðrir betur.
Allir með hatta
—eins og Silvía
Vitið þið að Silvía, hin nýja
drottning Svíþjóðar, hefur
fengið tryggan hóp aðdáenda
Það eru framleiðendur kven-
hatta og kaupendur þeirra. Sala
hatta hefur aukizt um 70%.
Auðvitað eins og við má búast.
Silvía sést sjaldan hattlaus.
RITA VILL EKKI
LÁTA PLATASIG
Leikkonan „gamla“ Rita
Hayworth stendur i mála-
ferlum um þessar mundir. Hún
hefur stefnt fyrrverandi við-
skiptaráðgjafa sínum og lög-
fræðingi Jack Ostrow og krefst
meira en milljón dala (200
millj. Isl. kr.) skaðabóta.
Leikkonan heldur þvl fram
að Ostrow hafi visvitandi
fengið hana til þess að fjárfesta
á röngum stöðum. í stefnunni
segir að Ostrow hafi fengið Ritu
til þess að fjárfesta i ákveðnu
fyrirtæki og kaupa hlutabréf i
gegnum sama fyrirtæki.
Honum hafi láðst að geta þess
að hann væri sjálfur forstjóri
fyrirtækisins og bróðir hans
gegndi þar þrem mikilvægum
stöðum. Ekki gat Ostrow
heldur um að fyrirtækið væri
algjörlega eignalaust og ætti
enga framtíð fyrir sér.
Rita Hayworth má sannarlega
muna fífil sinn fegri en með
fylgjandi mynd var tekin I
febrúar þegar hún kom til
London með umboðsmanni
sínum, Burton Moss.
Allt of líkt pipar-
sveinsvistarverum
Barbara Marx Sinatra,
nýjasta frúin hans Franks og
sú fjórða hefur mikið að gera
þessa dagana. Hún er nefnilega
að breyta nýja heimilinu þeirra
I Palm Springs. „Þaðer allt of
líkt piparsveinsvistarverum,"
sagði hún, „og þeir dagar í lífi
Franks eru liðnir."