Dagblaðið - 10.06.1977, Blaðsíða 4

DAGBLAÐIÐ. FÖSTUDAGUR 10. JUNl 1977.
syj£ Scania Vabis 56 '65
til sölu, ekinn aðeins 60 þ. km á vél,
olíuverk nýupptekið og drif yfirfarið.
Skoðaður 1977. Mjólkurflutningahús
fylgir. Til sölu og sýnis á
Markaðstorginu,
EinhoHi 8, sími 28590 og 74575 (kvöldsími).
ies
»*. #V»*í
**•*-. «•«
Ráðningarstofa Reykjavíkurborgar
óskar eftir að ráða fulltrúa til að ann-
ast atvinnumál öryrkja.
Umsóknir um starfiö skulu sendar
Ráðningarstofu Reykjavíkurborgar,
Borgartúni 1, og skal í umsókn til-
greina menntun og fyrri störf.
Nánari upplýsingar um starfið eru
gefnar á Ráðningarstofu Reykjavíkur-
borgar.
Umsóknarfrestur er til 25. júní nk.
Ráðningorstofo Reykjavíkurborgar.
Tilboöóskast
Tilboö óskast í eftirtaldar bifreiðar í
tjónsástandi.
Ford Econoline órg. 74.
Fiat 128 Rally árg. 74 og 75.
Fiat 128 árg. 74.
Peugeot 504 árg. 74.
Moskvitch árg. 72.
Daf árg. 70.
Fiat 127 árg. 72.
Bifreiðarnar verða til sýnis við
skemmu FÍB, Hvaleyrarholti, laugar-
daginn 11. júní frá kl. 13 til 17.
Tilboð óskast send aðalskrifstofunni
Laugavegi 103 fyrir kl. 17 mánudag-
inn 13. júní. :. .
Brunabotafelag Islands
Laugavegi 103.
Dugnaður
09 útsjónarsemi
Dugnaður og útsjónarsemi borgar sig vel í blaðasölu.
Sölukeppni hófst 1. júní.
Mikill fjöldi söluverðlauna.
Upplýsingar í afgreiðslunni
wBlABIB
Afgreiðsla Þverholti 2 sími 2 70 22
V J
$1$ átalið fyrir
svikin loforð og
svikna vöru
— af bönda sem
telur Þingeyinga
ekki svo tama Reykjavíkurvaldinu að þeir taki slíku þegjandi
Fyrir nokkru birtist í Degi
vikublaði framsóknarmanna á
Akureyri bréf frá Óla Halldórs-
syni bónda á Gunnarsstöðum í
Þistilfirði þar sem hann deildi
á það að skip Sambands
islenzkra samvinnufélaga, sem
koma átti um miðjan apríl með
fóður var þá enn ókomið. í
bréfinu segir Óli meðal annars.
„Nú í vetur hafa forráðamenn
SlS komið þannig fram við
okkur í þessu héraði að það er
ekki hægt að ætlast til þess að
þingeyskir bændur séu orðnir
svo tamir undir Reykjavfkur-
valdið að þeir taki slíku
þegjandi.
Fóðurblönduskipi var lofað
hingað beint frá útlöndum um
miðjan apríl með 140 tonn. Það
var svikið og skipinu lofað um
mánaðamót apríl-maí. Það var
svikið. Þá var skipinu lofað 7.
maí. Það var einnig svikið.
Vegna þessa hefur orðið að
flytja fóðurblöndu í slöttum
með strandferðaskipum frá
Reykjavík og frá SlS. I fyrstu
sendingunni sem kom stóð á
pokunum: Kögglað kúafóður.
En í pokunum reyndist vera
rúst blönduð ómöluðum
maís. Sem sagt, svikin vara.
Nú varð síðast að flytja frá
Akureyri 20 tonn af fóður-
blöndu með varðskipi. Lofaða
skipið er enn ókomið.“
DB hafði í gær samband við
Óla og spurði um fóðurskipið.
Hann sagði að það væri loksins
komið, kom hinn fyrsta júní.
Það voru því nærri því 6 vikur
sem liðu frá því að skipinu var
fyrst lofað og þar til það kom.
Óli sagði einnig að engin
stórvandræði hefðu af þessu
hlotizt vegna slattanna sem
komu í millitíðinni. Hitt væri
annað mál að frammistaða SlS
væri mjög slæm. Stefna sam -
vinnuhreyfingarinnar væri góð
og gild og henni kvaðst Óli
fylgja en framkvæmdir væru
oft minni en efni stæðu til.
Hann sagðist telja það stafa af
því að forráðamenn SÍS hefðu
ekki heildaryfirsýn yfir svo
stórt fyrirtæki og undirmenn
fengju að gera alls konar mis-
tök óátalið.
-DS.
REYKINGABANNI
SUNDLAUGUNUM
„Þetta hefur mælzt mjög vel
fyrir hjá gestum og við ekki heyrt
nema ánægjuraddir um þetta
reykingabann," sagði Ragnar
Steingrfmsson hjá Sundlaugun-
um i Laugardal er hann var innt-
ur eftir því hvers vegna komin
væru upp skiltí um allan norður-
bakka laugarinnar er bönnuðu
reykingar. „Sóðaskapurinn af
þessu var orðinn svo mikill, undir
bekkjum, úti í hornum auk
þess sem sígarettustubbar og eld-
spýtur fuku út f laug,“ sagði
Ragnar. Ekki er þetta reykinga-
bann þó algert, því ennþá er leyft
að reykja í sólskýlum og rætt er
um að koma upp sérstöku reyk-
ingasvæði í slakkanum aftan við
gæzluskýlið. - BH
Þessi unga stúlka lætur reykinga-
bannið ekkert á sig fá, enda kom-
in í laugarnar til að njóta sólar-
innar en ekki tóbaks.
(DB-mynd Sv.Þ.)
Týnast munir á
sjálfu Þjóðminjasafninu?
Hvað hefur orðið af 10—12 út-
skornum munum eftir Hjálmar
Lárusson útskurðarmann, sem
gefnir hafa verið Þjóðminjasafni
Islands? spyrja systkinin Hjálmar
Hjálmarsson og Sigriður
Hjálmarsdóttir. Getur verið að
þeir hafi týnzt á sjálfu Þjóðminja-
safninu? Þar finnast nú aðeins
þrír þessara gripa.
Hjálmar Lárusson var faðir
þeirra, dverghagur maður á bein
og tré, sem fæddur var árið 1868.
Smíðaði hann marga góða gripi,
sem lítið er nú vitað hvar eru
niðurkomnir.
Hjálmar yngri, sem er lögreglu-
þjónn á Húsavfk, kom til Reykja-
vikur um miðjan apríl sl. og hafði
þá samband við Þjóðminjasafnið
þeirra erinda að fá að taka
myndir af verkum föður síns.
Talaði hann þar við Gísla Gests-
son safnvörð, sem taldi engin tor-
merki á, en kvað þó bezt næði til
ljósmyndunar þá daga er safnið
væri lokað almenningi.
Hjálmari segist svo frá að
mánudaginn 2. maf hafi hann
komið ásamt Sigríði systur sinni
til fundar við Gísla Gestsson l
Þjóðminjasafninu og hafi Gísli
þegar farið að smala saman þeim
munum, er um var talað.
„Kom hann strax með drykkjar-
horn með útskornum dýramynd-
um,“ segir Hjálmar, „og þegar
nöfn dýranna voru lesin kom út
vísan:
Haukur, lóa, álka, örn,
æður, spói, krákur.
Gaukur, tóa, boli, björn,
brimill, kjói, fákur.
Meðan drykkjarhorn þetta var
skoðað og myndað,“ heldur
Hjálmar áfram frásögn sinni, ,,fór
Gísli i aðrar göngur og kom þá
með rostungstönn útskorna.
Þriðju göngur gekk Gísli og kom
með tóbakspontu útskorna. Þessa
muni gæti verið að faðir minn
hafi skorið út, þó við hefðum
aldrei séð þá áður. Nú voru allar
göngur gengnar, en ekki fannst
fleira af munum eftir föður minn,
en þar eiga að vera 12—14 munir.
Var þá spurt um höfundaskrá.
Nei, hún var ekki til heldur og
ekki spjaldskrá heldur."
Eru þau systkin Hjálmar og
Sigriður að vonum vonsvikin yfir
þvf, að í Þjóðminjasafninu fyrir-
finnist ekki lengur margir þeir
munir. er þau telja sig vita að hafi
verið gefnir þangað eftir föður
þeirra.
„En hvað hefur þá orðið af hin-
um hlutunum?“ spyrja þau.
„Hvað hefur orðið af myndum af
fornmönnum, sem faðir okkar
skar út?“
Nefna þau útskornar myndir af
fornmönnum, Agli Skallagrims-
syni, Skallagrimi, Kveldúlfi og
Kjartani Ólafssyni, sem þau muna
eftir að listamaðurinn faðir
þeirra hafi skorið út. Eina þeirra
mynda, af Agli Skallagrímssyni,
gaf Kjartan Thors framkvæmda-
stjóri Þjóðminjasafninu fyrir
mörgum árum.
Sigríður minmst þess fyrir
10—12 árum að dr. Kristján Eld-
járn, þáverandi þjóðminjavörður,
hafi sýnt henni eina þeirra
mynda er nú finnast ekki á safn-
inu. Segir Sigríður að dr. Kristján
hafi þá talið að hinar myndirnar
lægju með öðrum munum þar á
efsta lofti safnhússins.
-ÓV
Hvenær á að úða trén?
Garðyrkjumenn deila
I útvarpinu 7. júnf sl. var
lesin auglýsing frá Félagi
skrúðgarðyrkjumeistara þess
efnis að garðeigéndur voru var-
aðir við að láta úða garða sina
nema við 12—15 stiga hita.
Vegna þessarar auglýsingar
gerðu fyrirtækin Uði og Garð-
prýði athugasemdir þar sem
segir að fyrirtækin hafi mörg
undanfarin ár úðað garða við
lægra hitastig og hafi hún nær
undantekningarlaust borið
árangur. Auk þess segja tals-
menn fyrirtækjanna það al-
mennt viðurkennt að úðun við
lægra hitastig en 12 stig hafi
full áhrif.
DB hafði samband við Vil-
hjálm Sigtryggsson fram-
kvæmdastjóra Skóg-
ræktarstöðvar Reykjavíkur
og bar undir hann þetta
mál. Vilhjálmur sagði að úðun-
in kæmi að mun betra gagni ef
heitt væri í veðri. Hann sagði
að í lagi væri að úða ef hitinn
væri yfir 10 stig, en eftir því
sem hitnaði i veðri yrði efnið
virkara. Ef úðað væri þegar
hitinn væri undir 10 stigum
þyrfti meira efni til þess að
drepa maðkinn. Við þær að-
stæður hreyfir maðkurinn sig
minna og efnið kemur siður að
notum. -JH