Dagblaðið - 13.06.1977, Blaðsíða 9

DACíBLAÐIÐ. MANUDAGUK 13. JUNl 1977.
9
Holland:
8 manns féllu er endi var
bundinn á aðgerðir S-Mólúkka
Aðgerðir suður-mólúkkönsku
skærulioanna í Hollandi hlutu
skjótan endi aðfaranótt laugar-
dagsins. Um klukkan tvö um
nóttina (5 að staðartíma) hófu
hermenn úr sjóher landsins skot-
hríð á lest þá sem Suður-
Mólúkkarnir höfðu haldið 51 gísl í
tæplega tuttugu daga. Átta manns
létu lífið, — sex Mólúkkar og
tveir gíslar.
Á sama tíma réðust hollenzkir
hermenn að barnaskóla í nokk-
urra kílómetra fjarlægð. Þar voru
fjórir kennarar í haldi. Skærulið-
arnir gáfust upp bardagalaust.
Kkki kom til neins mannfalls.
Joop den Uyl forsætisráðherra
Hollands sagði á fundi með frétta-
mönnum eftir aðgerðirnar að
stöku sinnum væri ofbeldi nauð-
synlegt til að ná fram sinum mál-
um. Hann kvað aðgerðirnar gegn
Suður-Mólúkkunum vera nokkuð
sem stjórn landsins liti á sem
vörn. Andreas van Agt dómsmála-
ráðherra, sem mikið hefur komið
við sögu i umsátrinu, tók í sama
streng og kvað stjórnvöld hafa
reynt allar hugsanlegar leiðir til
að binda enda á ástandið.
Suður-Mólúkkar hafa hótað að
snúa baráttu sinni fyrir sjálfstæði
heimaeyja sinna til Indónesíu.
Hollendingar lofuðu því fyrir
þrjátíu árum að suðurhluti
Mólúkkaeyja myndí aldrei þurfa
að lúta stjórn Indónesíu en hafa
ekki staðið við það.
„Okkur hefur greinilega mis-
tekizt ætlunarverk okkar, — að
þvinga hollenzku stjórnina til að
halda loforð sitt og hjálpa til við
að frelsa Suður-Mólúkkaeyjar
undan Indónesum," sagði
suður-mólúkkanskur maður eftir
að umsátrinu lauk og bætti við:
„Stjórninni er greinilega ekki
annt um líf landsmanna eftir því
sem gerðist á laugardaginn.
Barátta okkar í Hollandi er því
gagnslaus.“
GÍSLARNIR TVEIR
LÉTUST VEGNA
AÐGÆZLULEYSIS
ÞEIRRA SiÁLFRA
Meðal þeirra gísla sem
komust lífs af var tvítugur
námsmaður, Peter Pot. Hann
kvað gíslana tvo hafa dáið því
að þeir trössuðu að grúfa sig
niður á lestargólfið eins og
þeim var fyrirskipað að gera í
gegn um gjallarhorn áður en
hermennirnir réðust inn í
lestina.
Gíslunum var skipað að
liggja á gólfinu og óttast ekki á
meðan hermennirnir héldu
uppi tíu mínútna linnulausri
skothríð á lestina. Tveir þeirra,
M. van Gaarsel. fertugur að
aldri og tvitug stúlka, A.
Monsju, hlýddu ekki. Þau lét-
ust bæði samstundis er þau
fengu byssukúlur í höfuðið.
„Við vorum stíf af hræðslu á
meðan lætin stóðu yfir,“ sagði
Peter Pot fréttamönnum. Hann
varð eins og allir hinir gíslarnir
að fá meðferð geðlækna eftir að
hann var laus úr gíslingunni.
Eftir langvarandi spennu með
samfellda skothríð fyrir
eyrunum að lokum voru þeir
meira og minna orðnir þurf-
andi fyrir að geta létt á sér.
EINN GISLANNA HELT UPP
Á TVÍTUGSAFMÆLIÐ SITT
— en féll í áhlaupinu á laugardaginn
Ansje Monsju, annar gislanna
tveggja, sem féllu í áhlaupinu á
laugardaginn, hélt upp á tvítugs-
afmæli sitt í lestinni. Er gíslarnir
höfðu verið frelsaðir og ræddu
við sálfræðinga, var afmælisveizl-
an, sem þeir héldu Ansje til
heiðurs, öllum ofarlega í huga.
Gíslarnir hjálpuðust við að
baka bráðabirgða-afmælistertu
henni til heiðurs. Að öðru leyti
hafði fólkið lítið við að vera.
Nýkomið
Kvenblússur,
margar tegundir.
Kvenpils,
nýirlitir.
ELÍZUBÚÐIN,
Skipholti 5
Fjölskyldur Suður-Mólúkkanna
sem féllu fá lík ættingja sinna
afhent í dag. Þau verða jarðsett á
morgun. Einn skæruliðanna var
kona.
Vegna ástandsins, sem varði i
tæpa tuttugu daga, er sambúð
Hollendinga og Suður-Mólúkka
fremur stirð þessa stundina.
Stjórnin hefur þegar hafið
viðræður um hvernig bezt sé að
meðhöndla ásakanir Mólúkkka
um svikin loforð og að koma þeim
til hjálpar. Helzta markmið
stjórnarinnar er að ná á sitt band
ungum róttækum Suður-
Mólúkkum, sem eru fyrir löngu
orðnir leiðir á aðgerðalitlum leið-
togum sínum og vilja ná fram
málum sínum með hernaðarað-
gerðum.
Foríngi skæruliðanna sagðist
aldrei myndu fara í fangelsi
Honum varð að ösk sinni
„Eg mun aldrei fara í fangelsi,“
sagði Max Papilya, 24ra ára gam-
all leiðtogi suður-mólúkkönsku
skæruliðanna níu, sem gættu
gísla sinna í járnbrautarlestinni
skammt frá þorpinu Groningen í
HollandiJMax hafði rétt fyrir sér.
Hann féll í áhlaupi hollenzku her-
mannanna ásamt fimm félögum
sínum. Þeirra á meðal var ein.
stúlka, Hansina Oktoseja, 22ja ára
gömul aðstoðarstúlka tannlæknis.
Einn skæruliðanna í lestinni er
alvarlega særður á sjúkrahúsi
Hinir tveir ásamt fjórum skæru-
liðum, sem héldu gíslum sínum í
barnaskóla, sitja nú í gæzlu. Þeir
mega eiga von á tíu til tólf ára
fangelsi.
Sálfræðingur, sem oftsinnis
ræddi við fyrirliðann, Max, á
meðan ástandið varði, kveður
hann hafa verið mun harðari en
félaga hans. Það hafi reynzt
ómögulegt að brjóta niður sjálfs-
traust hans, eins og reyna átti.
Eitt sinn, er þeir tveir ræddu sam-
an, kvaðst Max aldrei myndu fara
í fangelsi, því að hann gæti ekki
lifað slíka frelsisskerðingu af. —
Sálfræðingurinn, dr. Dick
Mulder, taldi Max hafa haft eins
konar uppreisnarmannsyfirbragð
yfir sér, eins og hægt hefði verið
að ímynda sér Che Guevara.
En í daglega lífinu var Max
enginn byltingarforingi. Hann
starfaði á skattstofunni í Assen.
Þann 23. maí — daginn, sem
Suður-Mólúkkarnir réðust á
barnaskólann og járnbrautarlest-
ina, bað Max um fri í vinnunni,
því að hann þyrfti að skreppa til
læknis í Groningen. Það var í síð-
asta skipti sem hinir starfsmenn-
irnir á skattstofunfti sáu hann.
Enn hefur ekki'verið gefið upp,
hverjir hinir mannræningjarnir
voru, en talið að þeir hafi flestir
verið frá þorpinu Bovensmilde.
Stórkostlcét
tilboS
á framköllun—örugglega það bezta

Ný litfilma
INTERCOLOR II:

Með hverri framköllun fáið þér án
nokkurs aukagjalds nýju Intercolor II
litfilmuna sem tryggir bjartari og
betri litmvndir en nokkru sinni fvrr.
Myndaalbúm
, Og hér er aukabónus: Þér fáið í bvert
sinn mjög skemmtiiegt vasamynda-
albúm án aukagjalds.
3__________
Allar myndir
fromkallaðar á
PrFPatf
nýja matta pappirinn sem atvinnuljós-
myndarar nota til að tryggja bezta
árangur.
Sjóið verðlistann:
Við bjóðum yður örugglega beztu kjör-
in og beítu þjónustuna. Og við ábyrgj-
umst það!
Framköllun*20 myndir.
Verðlisti með litfilmu og vasamynda-
aibúmi innifalið:
Venjulegt búðarverð:
2.890
OKKAR VERÐ
2.450
Verzlið hjá okkur, það borgar sig
myndiðjan
' t/°r9re,*
a<í
'V/,
V.
ASTÞOR"
Hafnarstræti 17 og Suðurlandsbraut 20