Dagblaðið - 21.06.1977, Blaðsíða 7
DAGBLAfilÐ. ÞRIDJUDAGUR 21. JUNl 1977.
7
ER AMIN DAUÐUR?
— Dagblaö í Kenya fullyrðir að svo sé
Amin Ugandaforseti er
týndur. Dagblað í Kenya, The
Daily Nation, sagði frá því á
forsíðu í gær, að Amin hefði
horfið skyndilega eftir að hon-
um var sýnt banatilræði um
helgina. — Blaðið bendir á, að
likur bendi til þess að hann sé
dauður.
Að sögn Kenyablaðsins skutu
tveir menn á Amin á laugar-
dagsmorguninn. Hann var þá
staddur í bifreið sinni, skammt
frá hinum sögufræga Entebbe-
flugvelli. — Talsmenn stjórnar-
innar í Kampala, höfuðborg
Uganda, bera fréttina til baka.
Talsmaður Uganda-
stjórnarinnar hjá Sameinuðu
þjóðunum í New York tók í
sama streng í gær. Hann kvaðst
ekki vita betur en forsetinn
væri með þegnum sínum, við
góða heilsu... „flytur ræður og
gegnir forsetaskyldum sínum."
The Daily Nation, Kenya-
blaðið, byggir frásögn sína á
ummælum varaforseta Uganda,
Mustafa Adrisi hershöfðingja.
Hann sagði við blaðamenn, að
forsetinn væri horfinn og „ef
þið finnið hann, látið okkur þá
umsvifalaust vita,“ sagði vara-
Meðal annars
sem Amin hefur
afrekað í stjórn-
artíð sinni er að
ná tali af Páli
páfa sjötta, sem
reyndar ræðir
ekki við hvern
sem er. — Núi
eru Kenyamenn,
næstu nágrann-
ar Amins, von-
góðir um að
hann sé kominn
undir græna
torfu.
forsetinn. Kenyamenn komust
að þeirri niðurstöðu, að síðustu
orð varaforsetans k.vnnu að
vera gamanyrði.
Siðast var minnzt á Amin í
Ugandaútvarpinu á síðasta
fimmtudag. Þá flutti hann ár-
lega fjárlagafrumvarpsræðu
sina.
✓
Alaskaolíuleiðslan
er komin ígang:
Ganga 1280
km leið
—tiladkanna
hugsanlega galla
á leiðslunni
Hópur verkamanna í Alaska
er lagður af stað, fótgangandi,
1.280 kílómetra leið meðfram
olíuleiðslunni frægu er liggur
yfir fylkið þvert og endilangt.
Tilgangurinn er að fylgjast með
þvi hvort nokkuð hafi farið úr-
skeiðis er oliu var hleypt á
kerfið.
Göngumennirnir voru valdir
úr þúsundum verkamanna sem
lýstu sig fúsa til fararinnar.
Góð laun eru í boði fyrir
gönguferðina og enginn starfar
i Alaska nema hann vilji þéna
mikla peninga. Leið þeirra
liggur frá köldustu norður-
héruðum Alaska, þar sem frost
ríkir.til hafnarbæjarins Valdez
á suðvesturströnd Alaska.
Olíu var hleypt á kerfið í
gærmorgun. Þá hafði vinna við
lagningu leiðslunnar staðið yfir
um þriggja ára skeið. Hún er
hituð fyrst i staó til að betur
komi í ljós gallar, ef einhverjir
eru. Streymið er um tveir
kílðmetrar á klukkustund.
Olia þessi er oftsinnis kölluð
svarta Alaskagullið. Þeir sem
dæla henni upp vilja selja hana
til Japans í skiptum fyrir meira
unna olíu. Ríkisstjórn Carters á
þó enn eftir að taka ákvörðun
um, hvort hún verði notuð til
slikra kauDa.
Hafnarbarinn Vadaz á auAvaaturatrönd
Alaaka.
FYLGT TIL GRAFAR — llm þaó bil fimm þúsund Suður-Mólúkkar voru viðstaddir er landar þeirra
sex voru jarðsettir í síðustu viku. Þeir féllu, sem kunnugt er af fréttum, er hollenzkir landgönguliðar
réðust til inngöngu í járnbrautarlest og barnaskóla, þar sem þeir héldu á sjötta tug fólks í gíslingu.
Tilgangurinn var að leggja áhcrzlu á kröfur um sjáifstæði föðurlandsins, — Suður-Mólúkkaeyja í
Indónesiu.
Enn er Christian Barnard að:
SKIPTIÁ MANNS-
0G BAVÍANAHJ ARTA
—sjúklingurinn lifði aðeins skamma stund.
Tvisvar áður hafa dýrahjörtu verið sett í fólk
Hann varð ekki langlífur
sjúklingurinn, sem grætt var
apahjarta í i gær. Hann lézt
aðeins tveimur klukkustundum
eftir að hjartað tók að dæla
blóði um æðar hans.
Það voru að sjálfsögðu
læknar á Groote Sehuur sjúkra-
húsinu í Höfðaborg í Suður-
Afríku, sem skiptu um hjartað,
undir forustu dr. Christian
Barnards. Hjartað tóku þeir úr
baviana og tók aðgerðin utn tíu
klukkustundir. Nafn sjúklings-
ins hefur ekki verið gefið upp,
né heldur kyn eða litarháttur.
— Talsmaður Groote Schuur
sagði, að sjúklingunnn hefði
áður þurft að gangast undir
hjartaaðgerð. Þá var skipt um
hjartaloku.
Læknar hafa áður reynt að
setja dýrahjörtu I mann-
skepnur. Það var i f.vrsta skipti
gert í Mississippiháskóla í
Bandaríkjunum. Þá setti dr.
James Hardy simpansahjarta í
68 ára gamlan mann. Hann lifði
aðeins tvær klukkustundir eftir
aðgerðina. Fjórum árum siðar
var reynt að setja kindarhjarta
i 48 ára gamlan mann i Houston
í Texas. Aðgerðin misheppn-
aðist og sjúklingurinn lézt
innan klukkustundar.
F.vrsta hjartaskíptingin var
gerð á Groote Schuur sjúkra-
húsinu í Höfðaborg fyrir
réttum tíu árum.
Erlendar
* fréttir
ÁSGEiR
TÓMASSON
REUTER
Nú
hækkar
teverðið
— í kjölfar kaffis
Síhækkandi verð á kaffi
hefur valdið því að fjöldinn
'allur af fólki hefur vanið sig
á tedrykkju. Nú hefur
verðið á te stöðugt farið
hækkandi, vegna aukinnar
eftirspurnar. Árið 1975
kostaði pundið 63 sent. Það
komst upp í 70 sent ári siðar.
Fyrstu mánuði þessa árs
hefur markaðsverð komizt
upp í einn dollar og 37 sent.
Nýjasta verðið er 1 dollar og
87 sent á hverju pundi af te.
Framleiðslan á te í ár er
áætluð um 1.35 milljón tonn,
en það er um 3% meiri
framleiðsla en á síðasta ári.
Balderton,
Englandi:
Öskuköllum
greitt fyr-
ir að loka
hliðum á
eftir sér
gdð biíbdt í
launaumslagið
Oskukarlar í enska
bænum Balderton i Notting-
hamhéraði hafa fengið
óvenjulega kaupuppbót, —
aukaþóknun ofan á laun sín
fyrir að loka garðshliðum á
eftir sér. Þeir hafa að und-
anförnu verið svo aðgangs-
harðir við vinnu sína, til að
fá bónus á kaup sitt, að þeir
hafa ekki mátt vera að því
að loka hliðum á eftir sér.
íbúar í Balderton voru að
vonum óánægðir með trassa-
skap öskukarlanna, sem
þurfa að hvolfa úr 200
tunnum á dag, áður en þeir
fá bónusinn. Þegar hliðin
voru skilin eftir opin áttu
krakkar og flækingshundar
greiðan aðgang inn í
garðana. í sumum götum
stóð hvert einasta garðshlið
opið eftir að sorp hafði verið
hreinsað.
Yfirvöld brugðu bvi á það
ráð að verðlauna sorp-
hreinsunarmennina með
smá verðlaunum fyrir
hvert hlið sem þeir lokuðu á
eftir sér! Upphæðin er ekk-
ert stórkostleg, en hefur þó
talsvert þ.vngjandi áhrif á
launaumslagið i lok
vikunnar, eins og einn
bæjarstarfsmaður i
Balderton komst að orði.