Dagblaðið - 25.06.1977, Blaðsíða 5

DAC.BLAÐIÐ. LAUCi ARDACUR 25. JUNt 1977.
5
Veðurtepptir dansarar í Færeyjum?
— Ólendandi þar ítvo daga og
sýningum af lýst komist þeir
ekkiídag
Hópur frægra listdansarr. frá
Konunglega danska. ballettin-
um var væntanlegur hingaö í
gær til tveggja sýninga.
Hópurinn kom ekki á tilsettum
tíma því vegna veðurs var ekki
hægt að fljúga til eða frá Fær-
eyjum þar sem flokkurinn er. 1
gærkvöldi átti að reyna flug og
eins núna í morgun. Gerðu
menn sér vonir um að ekki væri
öll nótt úti enn um að
flokkurjnn kæmist hingað þrátt
fyrir allt.
Ef flokkurinn kemur ekki
núna fyrir hádegið verður að
aflýsa sýningum þvi
dansararnir eru það tíma-
bundnir að þeir verða að halda
utan aftur strax á mánudags-
morgun.
-DS.
Hellissandur:
Sjómannagarður
—vísir að skemmtilegu sjóminjasafni
Sjómannagarðurinn á
Hellissandi. f baksýn er högg-
myndin Jöklarar eftir Ragnar
Kj artansson.
Við Hellissand hefur verið
komið á fót skemmtilegum sjó-
mannagarði þar sem safnað hefur
verið sjóminjum. Ýmsir merki-
legir hlutir eru þegar komnir í
garðinn og stefnt að því að safna
fleiri gömlum og merkum hlutum
sem vitna um gamla atvinnuhætti
og hefðir sem nú eru aflagðar.
Garðurinn er á skjólsælum stað
handan við þorpið og nær út í
hraunið.
Meðal merkra hluta í garðinum
má nefna nær hundrað ára
gamlan áttæring, Ölaf frá Hellis-
sandi. Þá er þar einnig einhver
elzta bátavélin, 4 hestafla vél úr
bátisem hét Skrauti. Þá má og
nefna gamalt spil frá Öndverðar-
nesi og risavaxin hvalrif og hefur
skepna sú ekki verið nein smá-
smíði. í garðinum hefur verið
komið fyrir höggmynd eftir
Ragnar Kjartansson mynd-
höggvara og nefnist hún Jöklarar.
Fyrirhugað er að reisa sjóbúð í
garðinum og verður hún með
tveimur burstum og í stíl við
fornar sjóbúðir.
JH
«
Attæringurinn Ólafur og vélin úr
Skrauta.
DB-myndir Hörður.
MARGFALDUR MISMUNUR A
VERÐISKEMMTANALEYFA
— Kosta allt upp í 30 þúsund í Snæf ellsnessýslu
— Ný reglugerð væntanleg
Pai* ofrÍor_
„Við höfum á borðinu hjá
okkur hér i ráðuneytinu uppkast
að reglugerð og skemmtanaleyfi
og þar kemur inn í myndina lög-
gæzla þar sem samkomuhald er,“
sagði Ólafur W. Stefánsson skrif-
stofustjóri dómsmálaráðu-
neytisins í viðtali við DB.
Eins og málum er háttað í dag
ríkir mikil ringulreið í þessum
málum þar sem mismunandi
samþykktir gilda frá einu um-
dæmi til hins næsta. Þessar
reglur hafa þróazt mismunandi
eftir aðstæðum. Þannig er víða að
lögregluþjónar sjá bæði um dyra-
vörzlu og löggæzlu inni í húsi og
utan þess. Þá er annars staðar að
löggæzlumenn koma ekki inn í
húsin — sjá aðeins um gæzlu
fyrir utan. Þessar reglur hafa
þróazt eftir mismunandi að-
stæðum og hvað yfirvöld á við-
komandi stöðum hafa álitið
heppilegast á hverjum stað.
Þeir er standa fyrir samkomum
þurfa að greiða gjald fyrir lög-
gæzlu — og fer það eftir umfangi
samkomunnar, svo og hvort lög-
gæzlumenn eru við dyravörzlu og
löggæzlu inni.
Séu löggæzlumenn að störfum
einungis fyrir utan hús — sjá þar
um almenna gæzlu — fer eftir því
hvort þeir eru staðbundnir — það
er eru kallaðir á viðkomandi stað
og annast gæzlu þar. Þá tekur
rlkisvaldið þátt í kostnaði af lög-
gæzlu. Þannig geta gjöldin verið
mismunandi.
Á Vestfjörðum er talsverður
munur á gjöldum eftir byggðar-
lögum. Til að mynda er kostnaður
við leyfisgjald til samkomu hærra
í Barðastrandarsýslu en í ísa-
fjarðarsýslu. í Barðastrand-
arsýslu er gjaldið 15000 krónur —
það gjald er að öllum hluta beinn
kostnaður af löggæzlu, að því er
fulltrúi sýslumannsins á Patreks-
firði tjáði DB.
Þá er gjaldið 20000 krónur í
Dalasýslu — enn hærra í
Snæfellsncssýslu eða 30000 kr.
Þetta háa gjald fer að langmestu
leyti í löggæzlukostnað. í Reykja-
vík þurfa vínveitingahús ekki að
greiða slikt gjald þar sem ekki er
sérstaklega kallað lögreglulið að
húsunum. Þó hefur það komið
fyrir — í Þórscafé áður en það
varð vínveitingahús. Þá þurfti
sérstakt lögreglulið utan við
húsið vegna óspekta og greiddi
húsið þá þann kostnað.
-h. halls.
Fer gítar-
tónleikaför
um landið
Símon ívarsson heldur gítar-
tónleika í kirkju Öháða
safnaðarins á mánudaginn kl.
20.30. Verða þetta fyrstu
tónleikár Simonar í röð slíkra
á næstunni. Leikur hans í Tón-
listarskólanum á Akranesi 29.
júní og 30. júní á Selfossi.
Síðar mun Símon leika á Isa-
firði og til umræðu er sams
konar tónleikahald á Akureyri
og á Húsavík.
Símon lauk prófi frá Tón-
skóla Sigursveins 1975 og
hefur síðan stundað fram-
haldsnám við Tónlistarskólann
í Vínarborg hjá hinum
heimsfræga prófessor Karli
Scheit. Símon hefur leikið í
útvarpi og sjónvarpi og víðar.
Sala aðgöngumiða er við inn-
g nginn á hverjum stað og þar
getur áhugafólk innritazt í
gítartíma hjá Símoni en hann
mun kenna gítarleik í júlí og
ágúst. -ASt.
Raf magnsveitur ríkisins
óska að ráða raftæknifræðing eða raf-
virkja til starfa við rafveiturekstur í
N.-Þingeyjarsýslu með aðsetur á
Raufarhöfn eða Þórshöfn.
Upplýsingar um starfið gefur
Ingólfur Árnason rafveitustjóri
Rafmagnsveitna ríkisins á Akureyri
og skrifstofa Rafmagnsveitnanna
Laugavegi 116, Reykjavík.
Umsóknir um starfið með upplýsing-
um um menntun, aldur og fyrri störf
sendist Rafmagnsveitum ríkisins,
Laugavegi 116, Reykjavík.
Iþröttakennara
vantar að grunnskólanum Blönduósi.
íbúð til staðar. Uppl. gefur Sigurður
Kristjánsson í síma 95-4383 eöa 95-
4240.
Skólanefndin
Laus staða
Staða námsráðgjafa við Fjölbrautaskólann i Breiðholti
i Reykjavík er laus til umsóknar.
Laun samkvæmt launakerfi starfsmanna ríkisins.
Umsóknir með ýtarlegum upplýsingum um námsferil
og störf skulu hafa borist menntamálaráðune.vtinu,
Hverfisgötu 6, Reykjavík, fyrir 16. júlí nk. Umsóknar-
eyðublöð fást í ráðuneytinu og í fræðsluskrifstofn
Re.vkjavíkur.
Menntamólaráðuneytið,
21. júní 1977.
GARÐSHORN AUGLYSIR
Sumarblómaútsala
Sumarblóm og stjúpur aðeins 40 kr.
stk. Eigum ennþá skrautrunna í
pottum, tilbúna.til gróðursetningar.
Einnig petúníur á aðeins 250 kr. stk.
Vorutn að fá fallegar pottaplöntur og
bananaplöntur.
Garðsiorn Fossvogi
Sími 40500