Dagblaðið - 13.07.1977, Page 24

Gufa frá fyrstu
holunni í fyrsta
lagi um áramót
\
Næst
verður
borað
fjær
Kröflu-
virkjun:
Þegar fjárveiting fæst til að
hefja boranir að nýju við
Kröflu, verður annaðhvort
borað á Hvíthólasvæði í 1,5 km
fjarlægð frá skiljuhúsinu við
Kröfluvirkjun, eða í Suður-
hlíðum Kröflu, sem er heldur
nær, að þvi er kom fram í
viðtali við Jakob Björnsson
orkumálastjóra í gær. Bæði
þessi svæði eru innan Kröflu-
háhitasvæðisins.
Orkustofnun lagði þrjá
möguleika fyrir iðnaðarráðu-
neytið, sá þriðji var við Náma-
fjall, í 6,5 til 7 km fjarlægð.
Káðuneytið féllst á tvö fyrr-
nefndu svæðin.
Borun tekur mismunandi
langan tíma en miðað við bor-
hraða í fyrra tók á annan
mánuð að bora hverja holu við
Kröflu. Þá taldi Jakob lágmark
að reyna hverja holu í einn til
tvo mánuði, en sá tími gæti þó
orðið talsvert lengri.
Ekki bjóst hann við að
stofnunin mundi mæla með að
hafizt yrði handa við gerð
leiðslna frá holu að skiljuhúsi
fyrr en ljóst yrði að holan lofaði
góðu. Síðan ylti það óneitanlega
á veðri hvernig gengi að leggja
leiðsluna og miðað við að allt
gengi eins og bezt yrði á kosið,
taldi hann ekki með öllu úti-
lokað að virkjunin kynni að fá
gufu frá nýrri holu í Suður-
hlíðum Kröflu um áramót.
Talsvert síðar frá Hvíthóla-
svæðinu.
Enn stendur á aukafjárveit-
ingu til verksins en óskað hefur
verið eftir henni þar sem allur
kostnaöur við boranir og gufu-
veituna hefur hækkað verulega
frá því að síðustu fjárlög voru
gerð.
Jakob sagði að þrátt fyrir að
árangur af borunum á þeim
hluta Kröflusvæðisins sem
borað hefur verið í hafi ekki
orðið góður, mætti ekki draga
af þvi ályktanir um allt svæðið.
Nú ætti að léita svæðis með
betri vinnslueiginleika, eða
eiginleika á borð við þá sem
þekktir eru af öðrum háhita-
svæðum hérlendis t.d. við
Námafjall
Varðandi það hvort nægileg
vitneskja lægi fyrir um ástæður
fyrir hinum lélega árangri
borananna í fyrra og hinni af-
brygðilegu hegðun holanna
sagði Jakob að svo væri ekki.
Slíkar rannsóknir væru fremur
langtimamál, sem ekki mætti
blanda saman við skammtíma
gufuöflunarhagsmuni. Orku-
stofnun mundi gera það sem
hún teldi skynsamlegt til þess
að grafast fyrir um orsakirnar,
en engin sérstök ástæða væri til
að reikna með því fyrirfram að
niðurstöður slíkrar könnunar
leiddu til meiri gufuöflunar á
stuttum tíma.
Ef horfur væru hins vegar
taldar á slíku, að. mati
stofnunarinnar, mundu að-
gerðir í þá átt verða reyndar.
GS.
Yfir-
borg-
anir
ekki
útí
verö-
lagið
— segirríkis-
stjómin
Ríkisstjórnin neitar að láta
yfirborganir, bæði samnings-
bundnar og ekki, ganga út í verð-
lagið. Þær verða meistarar og
aðrir að bera sjálfir. Þetta var
niðurstaðan að loknum fundi
ríkisstjórnar um hækkun á út-
seldri vinnu og þjónustu. Aðeins
er leyfð tæplega 20% hækkun eða
sem svarar 2,5% sérkröfum og 18
þúsund króna launahækkun.
„Þetta þýðir í raun um það bil
30% skerðingu á meistaraálaginu
um leið og aðrar stéttir fá
20—28% hækkun,“ sagði Gunnar
S. Björnsson, formaður Meistara-
sambands byggingamanna.
Gunnar taldi að við einhverju
slíku hefði mátt búast miðað við
aðstæður en þó taldi hann hér
rangt að málum staðið. Eðlilegra
hefði verið að lækka hreinlega
meistaraálagið beint i stað þess að
fara aftan að hlutunum.
Núna væri útseld vinna ekki
reiknuð út frá neinum raunveru-
legum kauptöxtum, heldur frá
töxtum se.m lægri væru en raun-
veruleikinh og þýddi þetta að
meistaraálagning væri nú 7% í
staðtæplega 10% áður.
Heimiluð hefur verið hækkun á
þjónustu efnalauga og þvotta-
húsa. Er hún 10%.
ÓG
Vinsælustu setsteinar borgarinnar
Þetta eru líklega þéttsetn-
ustu og vinsælustu steinasæti á
landinu. Á góðviðrisdögum
sitja ungir og aldnir á þessum
friðsæla stað í hinu gamla
hjarta borgarinnar sunnan við
gamla Iðnó. Mæður og barn-
fóstrur koma þarna með smá-
fólkið til þess að gefa öndun-
um, sem líklega eru einhverjar
feitustu endur í heimi. A.Bj.
DB-mynd Bjarnleifur
Rannsóknir a' jarðskorpu og jarðmöttli við ísland:
Skottilraunir ganga samkvæmt áætlun
Næstu eina til tvær vikur starfa
tugir erlendra vísindamanna við
rannsóknir á gerð jarðskorp-
unnar og jarðmöttlinum við
Island. I þessum hópi eru Þjóð-
verjar, Bretar, Bandarikjamenn,
Sovétmenn auk tslendinga. I
leiðangrinum eru tvö skip og eru
gerðar neðansjávarsprengingar
frá þeim og jarðskjálftabylgjurn-
ar sem myndast mældar og álykt-
anir dregnar af því hvernig þær
berast, um hvernig eðliseigin-
leikar jarðlaga breytast eftir
dýpi.
Samkvæmt upplýsingum
Guðmundar Pálmasonar hjá
Orkustofnun stenzt skotáætlun
enn sem komið er. Gert er ráð
fyrir að tilraunirnar standi fram
til 19. júlí, en nokkrir dagar eru í
viðbót upp á að hlaupa til að
endurtaka tilraunir ef þær
mistakast. JH
20 ÞÚSUND LAXASEIÐIDRÁP-
UST VIÐ ELLIDAÁR í V0R
— eftirlifandi seiðum sleppt í Leirvogsá án rannsóknar
Jakob Hafstein yngri, fram-
kvæmdastjóri fiskiræktarráðs
Reykjavíkur, leitar nú logandi
ljósi að viðurkenndum fisksjúk-
dómafræðingum til að takast á
hendur íslandsferð og kanna
ástand fiskeldismála á vatna-
svæði Reykjavíkur. Borgarráð
ákvað hingaðkomu slíkra
manna fyrir nokkru.
—Ég hef leitað hófanna í
Noregi en þar er ekki mann að
fá,“ sagði Jakob, „en horfur eru
á að mjög fær Kanadamaður
fáist til verkefnisins."
Þörfin á góðri rannsókn og
ráðleggingum er brýn, að dómi
meirihluta fiskræktarráðs. I
vor kom upp alvarlegur seiða-
dauði í klak- og eldisstöð Raf-
magnsveitu Reykjavíkur við
Elliðaár. Sagði einn fiskirækt-
arráðsmann að á 4-5 vikum
hefðu rúmlega 20 þúsund laxa-
seiði drepizt í stöðinni af þeim
25 þúsund eins árs seiðum sem
þar voru.
Taldi fiskræktarráð nauðsyn
á rannsókn þessa máls en nú
munu þau laxaseiði sem eftir
lifðu hafa verið sett í Leirvogs-
á. Telja fiskræktarráðsmenn að
nauðsyn hafi borið til rann-
sóknar áður en þessum eftirlif-
andi seiðum var sleppt.
„Hvernig getur það skeð í
næsta nágrenni við fiskræktar-
yfirvöld landsins að 5000 eftir-
lifandi seiði af 25 þúsund seiði
stofna séu sett 1 góða laxveiðiá
án undangenginnar rannsóknar
á sjúkdóminum," sagði einn
fiskiræktarráðsmannanna í
gær.
-ASt.
frfálst, úháð dagblað
MIÐVIKUDAGUR 13. JÚLl 1977.
íkveikja í
leikskóla í
Fossvogs-
hverfi
Leikskólinn Kvistaborg í
Fossvogshverfi hefur ekki
átt sjö dagana sæla frá því
hann var settur á laggirnar
fyrir tæpum fimm árum.
Varla hefur linnt þar rúðu-
brotum og skemmdarverk-
um og var það síðast í gær-
kvöld sem einhverjir spell-
virkjar kveiktu í húsnæði
leikskólans. Kom slökkvilið-
ið á vettvang og náði að
slökkva eldinn, sem logaði í
þaki hússins.fljótlega.
Tjónið vegna rúðubrota
sem orðið hafa þarna á und-
anförnum árum skiptir
' bráðum hundruðum þús^
unda og erfitt er um vik að
hafa uppi á skríl þeim sem
skemmdarverkin vinnur.
-BH.
Farmenn á
næturfundum
Farmenn og forráðamenn
kaupskipa sátu á fundi fram und-
ir morgun. Nokkuð mun bera á
milli aðila en samningsaðilar eru
mislangt komnir í samningum.
Yfirmenn eru allir sameinaðir við
samningagerðina, hásetar og mat-
sveinar eru síðan hvorir í sínu
lagi. Samningar yfirmanna virð-
ast komnir á einna beztan rekspöl
en matsveina rétt á byrjunarstigi.
-OG.
Loðnan byrjar
um næstu helgi
Sumarverð á loðnu verður
ákveðið hjá Verðlagsráði
sjávarútvegsins á föstudag nk.
Loðnuveiðar eru heimilar frá
og með næstu helgi og eru nokkur
stór nótaveiðiskip tilbúin á
veiðar. -ÓG.
Talsverð
ölvun í
Reykjavík
ígær
Fangageymslur lögreglunnar
voru nokkuð þéttsetnar í nótt af
ölvuðu fólki. Talsverðar annir
voru hjá Reykjavíkurlögreglunni
í gær og í gærkvöld við að fjar-
lægja drukkið fólk af götum
borgarinnar og verður það að telj-
ast fremur óvanalegt í miðri viku.
Sennilega á þessi aukna ölvun sér
þá skýringu að góða veðrið i gær
hafi haft þessi áhrif á kverkar
Reykvíkinga og valdið miklum
þorsta og að margir hverjir hafi
svelgt í sig of miklu af vínandan-
um.
-BH.
Liberzon
einn efstur
í 12. umferð IBM-mótsins í
Amsterdam urðu þau úrslit m.a.
að Sosonko vann Reshevsky,
Liberzon vann Kavalek, Donner
og Böhm gerðu jafntefli, sömu-
leiðis Panno og Tatai og Adorjan
og Miles. Aðrar skákir foru í bið.
Liberzon er nú efstur með S'-j
vinning en næstir koma Miles
með 8 og Hulak með 7'/i.
-ASt.