Dagblaðið - 07.02.1978, Blaðsíða 5
DAGBLAÐIÐ. ÞRIÐJUDAGUR 7. FEBRUAR 1978.
5
Guðmundur eygir einn íslendinga vinningf þriðju umferö:
.Þetta lítur bara
nokkuð vel út”
— sagði hann og brosti svo að til augna tók
Allar líkur og allra spár
benda til þess að Guðmundur
Sigurjónsson stórmeistari verði
sá íslenzkra skákmanna sem
bezta uppskeru hlýtur úr þriðju
umferð Reykjavíkurmótsins.
Skák hans og sr. Lombardys
varð skáka lengst í umferðinni
— sú eina sem fór í bið og að
fróðra manna sýn fékkst ekki
annað út úr biðstöðunni en
vinningur hjá Guðmundi. En
þess skal þó gætt að spámenn í
hliðarsölum eru alltaf bjart-
sýnir og „taka heldur upp leiki
en að tapa“ í skákskoðunum
sínum, eins og komizt var að
orðið í gær.
„Mér lízt bara vel á þetta,"
var næstum það eina sem hægt
var að fá upp úr Guðmundi
Sigurjónssyni um álit hans á
stöðunni er hann og Lombardy
stóðu upp síðastir allra. „Jú,
þetta lítur bara vel út,“ sagði
Guðmundur og brosti, svo að til
augna tók einnig.
Lombardy lék drottningar-
peði í byrjun en snemma
fórnaði Guðmundur hrók fyrir
tvo létta menn og tvö peð. Svo
hófst hið langa þóf um undir-
tökin — sem menn fást ekki til
að túlka á annan hátt en Guð-
mundi í vil.
Er Lombardy lék biðleik
nokkru eftir klukkan ellefu og
51 leik var lokið hjá báðum,
vildi svo slysalega til að með
biðleiknum lokuðust skýrslur
beggja keppenda um leikjaröð
skákarinnar. Hún er því ekki til
— nema í lokuðum umslögum
keppenda. Þau fengust ekki
opnuð samkvæmt reglum fyrr
en að biðskákinni verður setzt
aftur, kl. 2 í dag-ASt.
Browne jók
forystu sína
Það eru margra augu og mismunandi svipir sem ma-na á sjónvarps-
skermana á görrgum og hliðarsölum. Hér eru þrir broslegir. Sigur-
jón Jóhannsson hlaðafulltrúi mótsins, Þorgeir Þorgeirsson rit-
höfundurog Sveinn Sæmundsson blaðafulltrúi Loftleiða.
__________ I)B-mvnd Hörður.______
Öll þolrif
Jóns L reynd
— en ungi heimsmeistarinn stóðst
allar tilraunir
Lombardy (hvítur) lék biðleik
sinn.
Það sem fyrst og fremst
gerðist í 3. umferð mótsins var
að Browne jók forystu sína. Þó
Margeir hefði fyrst betri tíma
var það sigling án byrs. I 9. leik
vann Browne peð og þó til tíma-
skorts horfði var staða Browne
svo traust að uppgjöf Margeirs
var óumflýjanleg í 29. leik.
Hort og Friðrik sömdu um
jafntefli.
Miles beitti „enskum
bastarði" gegn Polugajevsky,
lék hratt eða 18 leiki á 3
mínútum af sínum tíma á móti
61 mín. af tíma Polugajevskis.
En svo fór Miles að hugsa og
tíminn jafnaðist. Undir lokin
þrálék Miles til jafnteflis í 25.
leik.
Larsen hafði hvítt móti
Helga Ólafssyni. Nú gætti hann
allra gáta en Helgi lék af
ákveðni hins unga manns.
Smám saman blómstraði staða
Larsen og í 31. leik var staða
Helga glötuð og hann gaf. Hann
stóð svo lengi sem stætt var.
Ögaard hafði hvítt gegn
Kuzmin. Það fór lítið fyrir þeim
úti í horni, en Ögaard reyndi
hvað hann gat. Er á leið komst
hann í vonlausa stöðu og gaf
þegar allt var tapað. Skákin
varð 47 leikir.
Biðskák varð hjá Lombardy
og Guðmundi.
Jón L. og Smejkal sömdu um
jafntefli.
STAÐAN ER ÞVI:
Browne 3.
Friðrik, Hort, Miles og Larsen 2
vinningar.
Lombardy 1 'A og biðskák.
Polugajevsky og Kuzmin 1 'A.
Guðmundur Sigurjónsson 1 og
biðskák.
Smejkal og Ögaard 'A og eina
óteflda.
Helgi Ólafsson, Jón L. og
Margeir 'A hvor.
-ASt.
Bent Larsen gægist hér á stöðu
Miles í baráttu hans við Jón L. i
1. uinferð. — DB-mynd Bjarn-
leifur.
„Síðustu árin hefur Smejkal
verið einn af 20 sterkustu skák-
mönnum heims. Hann hefur
tvisvar komist í millisvæðamót-
in, árin 1973 og 1976. Á milli-
svæðamótinu í Leningrad 1973
munaði hársbreidd að Smejkal
næði 3. sætinu og kæmist þar
með í útsláttareinvígin. Eftir
rólega byrjun tók hann gifur-
legan sprett og vann 8 skákir í
röð. í síðustu umferð mætti
hann Karpov og varð að sigra
til að komast áfram. Langt fram
eftir tafli stóð Smejkal betur.en
um síðir smaug Karpov honum
úr greipum og tókst að vinna
skákina. Eftir þetta hófst
óslitin sigurganga Karpovs, en
Smejkal varð að láta sér lynda,
4. sætið“.
Þannig segir í mótsskrá um
mótherja Jóns L. Árnasonar í
3. umferð Reykjavikurmótsins.
Smejkal ætlaði ekki að láta Jón
L. ganga sér úr greipum í gær
frekar en Karpov forðum. Jón
Loftur lét engan bilbug á sér
finna þrátt fyrir allar tilraunir,
lét hvorki teyma sig út í hrað-
skák né á villigötur. Allar
hugsanlegar leiðir reyndi
Smejkal. beitti re.vnslu sinni
með langri umhugsun og síðan
hraðskákarleikjum. Allt kom
f.vrir ekki. Jón stýrði hvitu
mönnunum af öryggi og fimi
gegn hinum reynda stór-
meistara og jafntefli var samið
eftir 51. leik Jóns.
Mikil spenna varð um þessa
skák við fyrri tímamörkin því
þá virtist sem Smejkal væri
þrotinn af tíma. En tímabrellan
var e.t.v eitt af leikbrögðum
hans gegn Jóni til að reyna
unglinginn til hins ýtrasta.
Hvorki æstist Jón við tíma-
hraksmöguleikann né tefldi
veikt.
Aftur lét Smejkal reyna á
þolrif Jóns er hann fórnaði nær
öllum umhugsunartíma sínum
fyrir næstu 20 leiki í þrjá
fyrstu leiki eftir fyrri tíma-
pressu. Enn gugnaði ekki Jón
—jafnvel þvert á móti.
En svo fór að báðum sæmdi
jafnteflið vel. Þetta var fyrsti
hálfi vinningur Jóns í skákmót-
inu og má hann vel við una að
hann fékkst gegn jafn reyndum
skákmanni og Smejkal er. ASt.
Þannig var staðan hjá Jóni L og
Smejkal eftir 52. leik hvíts.
„Þetta læstist allt af sjálfu sér”
— sagði Friðrik semþáði jafntefli eftir 25 leiki
„Þetta læstist allt oins og af
sjálfu sér og það var i raun lítið
hægt að gera, nema annar hvor
okkai tæki áhættu sem gæti
leitt jafnt hann sem and-
stæðinginn til glötunar" sagði
Friðrik Ölafsson. „Það gera
skákmenn gjarnan ekki, sem
bera virðingu fyrir hvor öðrum,
einkum ekki í byrjun móts, þar
sem allt er á huldu,“ sagði
Friðrik Ólafsson við blaðamann
DB er hann hélt frá Loftleiða-
hótelinu.
„Eins og staðan var orðin var
það öllu frekar Horts að reyna.
Hann átti það helzt tækifæri að
brjótast 1 gegn á kóngsvæng. Sú
sókn hans hefði getað brugðizt
til beggja vona.
Eg átti þann kost að leika
g-peðinu og reyna að ná fram-
rás h-peðsins. Það var mikil
áhætta. Móti Vlastimil Hort
verða engar kúnstir leiknar.
Hann reynir gjarna að loka
stöðum og lifa í von um
gegnumbrotsmöguleika. Hann
kann að finnast í okkar skák, en
hann var ekki auðfundinn,"
sagði Friðrik.
Hort hafði hvítt og skák
þeirra var frá byrjun í jafn-
vægi. Hvor sá við hinum og
jafntefli var samið í 25. leik.
HUOMPLOTUUTSALA
stendur sem hæst að Suðurlandsbraut 8 og Laugavegi 24
★ Popptónlist
★ Klassísk tónlist
★ Millimúsík
★ íslensk tónlist
Mikió úrval af hljómplötum, kassettum
og 8 rása spólum á stórlækkuðu veröi.
Nú er tækifæri tilað geragóð kaup.
FALKINN
Suðurlandsbraut 8,
Laugavegi 24.