Dagblaðið - 10.04.1978, Blaðsíða 4
4
DAGBLAÐIÐ. MÁNUDAGUR 10. APRÍL 1978.
Bátur strandará mjög hættulegum stað á Snæfellsnesi:
Bezta veður ver-
tíðarinnar bjargaði
bátnum og ef til vill
áhöfninni líka
Laust eftir miðnætti í fyrrinótt
sigldi netabáturinn Bjargey frá Rifi
með átta manna áhöfn beint upp í
stórgrýtta fjöruna undir Brúnabjargi
vestanverðu á Snæfellsnesi.
Þetta er mjög hættulegur staður og
nánast engin fjara að bjarginu sjálfu.
Báturinn var á heimleið úr róðri og
voru menn að vinnu á dekki. Engan
sakaði er skipið strandaði. Bjargey er
64 tonna stálbátur.
Er óhappið varð, var að byrja að
falla að og hafði skipstjórinn samband
við skipstjórann á aflaskipinu Skarðs-
vik frá Rifi, sem er um 400 tonn að
stærð.
Var dráttartaug komið á milli skip-
anna og tókst Skarðsvíkinni að draga
Bjargey út og til Rifs. Mesta mildi var
að í fyrrinótt var bezta veður á vertíð-
inni til þessa, alveg ládauður sjór, og
því fór ekki verr. Kom þ>etta mál aldrei
til afskipta Slysavarnafélagsins.
Bjargey er talsvert skemmd á botni.
Ástæða strandsins er enn óljós.
- B.S.
NÝTT - NÝTT— NÝTT - NÝTT
Mussurí giæsilegu úrvali
Pepper f lauelsbuxur og skyrtur
Dömu- og herrasportskyrtur
Við þ jónum Stór-Reykjavfkursvæðinu
Verzlunin
c/IIV Strandgötu 31
Hafnarfiröi, sími 53534
K.B. Ander-
senkemurá
fimmtudag
K.B. Andersen, utanríkisráðherra
Danmerkur, kemur í opinbera heimsókn
til íslands ásamt konu sinni á fimmtu-
daginn i næstu viku. Dveljast þau hjón
hér fram á sunnudag 16. apríl. Dönsku
utanríkisráðherrahjónin munu snæða
kvöldverð i boði Einars Ágústssonar
utanríkisráðherra og konu hans að
kvöldi fimmtudags. Morguninn eftir
munu utanríkisráðherrarnir eiga fund
saman, en um hádegi á föstudag þiggur
danski utanríkisráðherrann hádegis-
verðarboð Birgis ísleifs Gunnarssonar
borgarstjóra. Siðdegis hittir K.B. Ander-
sen forseta íslands og forsætisráðherra.
Þann dag mun frú Andersen skoða
barnaspítala Hringsins, listaverkasafn
Sigurjóns Ólafssonar, Listasafn íslands
og fleiri staði. Um kvöldið verður opin-
ber kvöldverður ríkisstjórnar Íslands
fyrir utanríkisráðherrahjónin og fleiri
gesti á Hótel Sögu.
Á laugardeginum halda Andersen-
hjónin til Vestmannaeyja og Egilsstaða,
en um kvöldið bjóða þau til kvöldverðar
á Hótel Borg.
ÓV
Hjálmurinn
bjargaði
Iffi piltsins
Ranghermt var í blaðinu fyrir helgi að
pilturinn sem flaug út af Borgarholts-
braut í Kópavogi á mótorhjóli sinu á
ofsahraða eftir kappakstur hefði verið
hjálmlaus. Hið sanna er að hann var
með hjálm af fullkomnustu gerð og það
var sennilega hjálmurinn sem bjargaði
lífi piltsins. Hjálmurinn margbrotnaði í
grjóturðinni, en höfuð piltsins var heilt.
Hann er hins vegar mikið brotinn, eins
og fram kom. Hann er lærbrotinn, sjö
rifbein eru brotin og annað herðablaðið
mun brotið. En svo er hjálminum fyrir
að þakka að hann er ekki í lifshættu.
- ASt.
Ókátvobíla með
fárra mfnútna
millibili
Tvær „skrautlegar” ákeyrslur urðu
með stuttu bili síðdegis á föstudag.
Reyndist sami ökumaðurinn valdur að
þeim báðum. Var hann grunaður um
ölvun við akstur og viðurkenndi það
brot.
Fyrri ákeyrslan var á mótum Lækjar-
götu og Hafnarstrætis. Þar lenti maður-
inn aftan á öðrum bil. Ók hann þegar á
brott og hvarf upp Hverfisgötuna.
Komst hann inn að mótum Vatnsstígs,
þar sem hann ók á annan bíl. Skemmdist
bíll hans nú svo að hann varð óökufær
og þar skarst lögreglan i leikinn.
- ASt.