Dagblaðið - 02.05.1978, Blaðsíða 10
10
DAGBLAÐIÐ. ÞRIÐJUDAGUR 2. MAl 1978.
Bandaríkin:
Sá fimmtíu þúsund sjón-
varpsmorð á tíuárum
— er nú dæmdur morðingi og vill fá 25 milljón dollara í bæturfrá sjónvarpsstöðvunum
Höfðað hefur verið mál á hendur
hinum þrem stóru bandarisku sjón-
varpsstöðvum CBS, ABC og NBV þar
sem þær eru krafðar um 25 milljón
dollara bætur. Bótanna er krafizt
vegna þess að stöðvarnar hafi birt
efni sem hvatt hafi fimmtán ára dreng
til að myrða áttatiu og tveggja ára
gamla konu á heimili hennar.
Drengurinn var fundinn sekur um
verknaðinn siðastliðið haust en hafði
áður lýst sig saklausan vegna þess að
hann hafi framið verknaðinn undir
áhrifum frá sjónvarpi. Þar hafði hann
séð einhver býsn af ofbeldi og morðum
og hann þess vegna skotið á gömlu
konuna.
í ákærunni telur lögmaður Ronny
Zamora, en svo heitir pilturinn, að
sjónvarpsstöðvarnar sem framleiða
nær allt sjónvarpsefni í Bandaríkjun-
um hafi með framleiðslu sinni á of-
beldi og morðum haft svo mikil áhrif á
Ronny að hann hafi ekki gert sér grein
fyrir verknaði sínum.
Meðal annars er bent á að frá fimm
ára aldri til fimmtán ára hafi Ronny
Zamora séð á milli fjörutíu og fimmtíu
þúsund morð á sjónvarpsskerminum.
Á þann hátt hafi sjónvarpsstöðvarnar
sýnt áhrifagjörnum unglingum
hvernig drepa eigi fólk.
Málshöfðunin gegn sjónvarpsstöðv-
unum kom viku síðar en neitun
Hæstaréttar Bandaríkjanna um að
stöðva yfirheyrslur fyrir rétti i Banda-
ríkjunum vegna skylds máls. Þar
krefst fjölskylda ungrar stúlku ellefu
milljón dollara bóta frá NBC sjón-
varpsstöðinni vegna kynferðislegs
ofbeldis sem stúlkan varð fyrir af
hendi nokkurra annarra stúlkna.
Sögðust þær hafa fengið hugmynd-
ina að verknaðinum i sjónvarpsdag-
skrá NBC.
Ronny Zamora var dæmdur í
lífstiðarfangelsi og hefur hann ekki
heimild til að fá náðun fyrr en í fyrsta
lagi eftir tuttugu og fimm ár.
Lögmaður hans krefst fimmtán
milljóna dollara bóta fyrir hann frá
sjónvarpsstöðvunum og síðan fimm
milljóna til hvors foreldra hans.
Erlendar
fréttir
Sendum í póstkröfu.
HJ4LP4RTÆKJdBdf1Kini1
NÓATÚNI 21 • SÍMI 213 33 • 105 REYKJAVÍK
n n
--------UU~
Skyndihjálpar-
kassar
með öllu því nauðsynlegasta
fyrir skyndihjálp. I kassanum eru umbúðir
og tæki samkvæmt vestur-þýskum staðli.
Slíkur kassi ætti að vera bæði
í atvinnu- og einkabifreiðum, skólum, á
heimilum og á vinnustöðum.
Fjórir hluthafar I Ford Motor Company hafa höfðað mál á hendur Henry Ford 2., stjórnarformanni félagsins. Krefjast þeir
þess að hann greiði fimmtiu milljónir dollara vegna þess að hann hafi tekið við 750.000 dollara mútum frá matvælafram-
leiðslufyrirtæki, sem seldi Ford fyrirtækjunum mat fyrir starfsfólkið. Einnig krefjast hluthafarnir þess að Henry Ford endur-
greiði laun þau sem hann tók fyrir árið 1977, tæplega eina milljón dollara. Telja þeir stjórn hans hafa verið svo lélega að
slikar launagreiðslur séu ekki réttlætanlegar. Henry Ford hefur sjálfur ekkert sagt um mál þetta en talsmaður Ford fyrir-
tækisins hefur sagt að málshöfðunin væri byggð á blekkingum og rangfærslum.
Kröfugöngu
sundrað með lög
reglukylfum
Lögreglan beitti bareflúm til að
sundra kröfugöngu um það bil þrjú
hundruð manna í Santiago í Chile í gær,
L niai. Mun þetta vera fyrsta tilraunin
til kröfugöngu á hátíðisdegi verka-
lýðsins þar í landi síðan'herforingja-
stjórnin brauzt til valda árið 1973 og
steypti Allende forseta.
Að sögn lögreglu voru nokkrir göngu-
manna handteknir en ætlunin var að
ganga að einu aðaltorgi Santiago þar
sem halda átti útifund. Þeim hafi siðan
verið sleppt aftur eftir að gengið hafði
verið úr skugga um hverjir hér voru á
ferðinni. Kröfugangan hafði verið
bönnuð af innanríkisráðuneytinu.
Sjónarvottar segja að göngumenn hafi
hrópað — frelsi — frelsi og lengi lifi 1.
mai, áður en lögreglan hafi gripið í
taumana.
Á meðan á þessu stóð flutti verkalýðs-
málaráðherra Chile ræðu yfir tvö
þúsund og fimm hundruð fulltrúum
verkalýðsfélaga. Sagði hann að verkföll
væru bönnuð og mundu verða bönnuð í
Chile. Á liðnum árum hafi þau reynzt
skaðleg, jafnt fyrir verkamenn, atvinnu-
rekendur og þjóðina alla.
Ráðherrann sagði að ef aðstæður
leyfðu mundu verða leyfðar viðræður
milli launþega og vinnuveitenda um
laun og vinnuaðstæður.
Síðan herforingjastjórnin tók við
völdum eftir að hafa steypt Allende for-
seta hefur ríkisstiórnin sjálf ákveðið
laun einhliða.