Dagblaðið - 05.07.1978, Blaðsíða 9

9
\
DAGBLAÐIÐ. MIDVIKUDAGUR 5. JÚLÍ 1978.
DAGBLAÐIÐ
kynnir nýju
þingmennina:
„Það leggst ágætlega í mig, maður
reynir að standa sig í starfinu,” sagði
Svavar Gestsson, nýkjörinn alþingis-
maður Alþýðubandalagsins í Reykja-
vík, þegar DB spurði hann hvernig
þingmennskan legðist í hann.
„Sem sósíalisti er viðmiðunin anzi
stór. Sósíalistar hafa átt mjög hæfa
þingmenn eins og Einar Olgeirsson og
Magnús Kjartansson, og ég held við
þessir nýju megum vera sáttir við ef
við komumst með tærnar þar sem þeir
höfðu hælana,” sagði Svavar.
„Annars tel ég það ekkert
merkilegra en hvað annað að gegna
þingmannsstörfum fyrir stjórnmála-
hreyfingu. Það er sama hvort maðun
skrifar frétt i Þjóðviljann, vinnur á
flokksskrifstofunni eða við
happdrættið, allt er þetta jafn
nauðsynlegt. Ég lit á mig sem liðs-
mann þessarar hreyfmgar og fyllist
ekki fordild þótt ég taki nú við þessu
starfi.”
Svavar sagðist reikna með að láta af
störfum sínum við Þjóðviljann, sem
hann hefur ritstýrt undanfarin ár. „Ég
„MNGMENNSKA EKKI MERKk
LEGRA EN HVAÐ ANNAÐ
STARF FYRIR HREYFINGUNA”
— segirSvavarGestsson, nýkjörinn alþingismaður Alþýðubandalagsins
verð þingmaður i fullu starfi,” sagði
hann. „Ég verð eitthvað viðloðandi í
sumar og hugsanlega í þinghléum, en
eigi maður að sinna ritstjórn af
einhverju viti, þá er það fullt starf,
alveg eins og þingmennskan.”
DB spurði Svavar hvort hann teldi
að nýkjörnu Alþingi tækist að endur-
heimta traust þingsins, sem óneitan-
lega hefði grafizt verulega undan á
undanförnum árum.
„Kosningaúrslitin voru öllum
flokkunum mjög alvarleg lexía í þessu
máli,” svaraði Svavar. „Það er komið í
Ijós, að kjósendur eru ekki eins og
hverjir aðrir eyrnamerktir sauðir,
heldur hugsandi fólk. Það hefur verið
talað um „lausafylgi” með nokkurri
fyrirlitningu, en mín skoðun er sú, að
nær allir kjósendur séu að verða
„lausafylgi”, þ.e. með opinn hug. Þeir
láta ekki teyma sig lengur, heldur taka
sjálfstæðar ákvarðanir. Þingmenn
verða áð standa sig í sínu starfi — ef
þeir gera það, þá verða þeim áfram
falin trúnaðarstörf fyrir kjósendur,
annars verða þeir einfaldlega felldir.
Ég hef trú á, að heiðarleg vinnubrögð
geti endurheimt traust alþingis.”
„Ætlar þú á sjóinn i sumarfríum
eins og einn nýorðinn starfsbróðir
þinn hefur talað um?”
„Æ, ég held ég yrði lélegur
sjómaður, ég er svo fjandi sjóveikur.
Hins vegar gæti ég unnið störf til
sveita, til dæmis smalað eða tamið
hesta fyrir menn. Nú, ég gæti leyst af
við kennslu, sem ég hef fengizt við
áður og þykir eitt skemmtilegasta
starf sem ég hef unnið við — sér-
staklega ef krakkamir eru hæfilega
óþekkir. Mér leiðast halelúja>börn og
reyndar allt halelúja-fólk.”
Svavar Gestsson er kvæntur Jónínu
Benediktsdóttur kennara. Þau eiga 3
börn og ver Svavar frístundum sínum
mikið með þeim. „Nú, og svo les ég
bækur, tefli og þykir gaman að fara á
hestbak. Yfirleitt reyni ég að vera sem
mest úti við á-sumrin,” sagði Svavar.
„Mikilvægast af öllu,” sagði hann
að lokum, „er frelsi einstaklingsins til
að lifa og menntast, réttur hans til að
hafa áhrif á umhverfi sitt. Þetta frelsi
og þennan rétt verðum við að
varðveita eins og fjöregg, við verðum
iaö útvíkka lýðræðið og vernda það.
svo að lýðræðið sé ekki aðeins til
fjórða hvert ár. í því er fólginn sá
sósialismi, sem við tölumum.Sósialisma
eins og hann er rekinn i Sovétrikjun
,um höfnumvið alfariðog viljum ekkert
meðhafa.” -ÓV.
„EKKINÓG AÐ GERA RÉTT, HELDUR
VERDUR AÐ GERA RÉTTU HLUTINA”
— segir Friðrik Sophusson, nýkjörinn alþingismaður Sjálfstæðisflokksins í Reykjavík
Friðrik Sóphusson I hópi sjálfstæðismanna að loknum kosningum. — DB-mynd
Bjarnleifur.
„Ég hefði náttúrlega ekki gefið kost
á mér til þingmennsku ef ég teldi mig
ekki hafa eitthvað fram að færa, sem
gagnar þjóðinni. Ég hlakka til að
spreyta mig á þeim miklu verkefnum,
sem framundan eru,” sagði Friðrik
Sophusson, nýbakaður alþingismaður
Sjálfstæðisflokksins í Reykjavík, í
samtali við DB.
Við spurðum Friðrik hvort hann
kynni til dæmis að leysa verðbólgu-
vandann, sem margir telja stærsta
verkefni nýkjörins þings.
„Þetta er mikið margræðisþjóð-
félag,” svaraði Friðrik, „og kannski
má segja að allt of lítið vald sé hjá
Alþingi. Það eru til forskriftir til að
leysa verðbólguvandann, en til þess
þarf mjög viðtækt samkomulag. Ég
hef ástæðu til að ætla, að það sé hægt
að ná þessu samkomulagi núna, en við
skulum ekki gleyma því, að samkomu-
lag á Alþingi dugir ekki eitt og sér,
miklu fleiri aðilar þurfa að koma til.”
Friðrik Sophusson er 34 ára gamall
og lögfræðingur að mennt. Hann
hefur um tiu ára skeið verið einn af
forystumönnum ungra sjálfstæðis-
manna. Fyrstu stjórnmálaafskipti
hans voru i Háskólanum, þar sem
hann var formaður Vöku, félags
lýðræðissinnaðra stúdenta. 1969 var
hann kosinn í miðstjórn Sjálfstæðis-
flokksins og átti þátt í þeim
breytingum og umbótum á innra starfi
flpkksins, sem ungir sjálfstæðismenn
beittu sér fyrir. Formaður SUS varð
Friðrik á frægu slagsmálaþingi
sambandsins á Egilsstöðum '13, þar
sem hann vann nauman sigur yfir
Birni Bjamasyni (Benediktssonar),
skrifstofustjóra forsætisráðu-
neytisins.
„Mín viðhorf til Iandsmála mótast
mjög af stefnumótun ungra sjálf-
stæðismanna — sem kannski er
þekktust af slagorðinu„Báknið burt”,”
sagði Friðrik. „Það er mjög vel unnið
prógramm, byggt á rækilegri úttekt á
ýmsum stofnunum og fyrirtækjum
ríkisins. Það sem við gerðum var að
endurmeta markmiðin í hinum opin-
bera rekstri — við könnuðum hver var
upphaflegur tilgangur fyrirtækjanna
og athuguðum siðan hvernig til hafði
tekizt. Það má raunar segja að
hugmyndin á bak við allt saman hafi
verið, eins og góður maöur sagði
einhvern tíma, að það sé ekki nóg að
gera rétt, heldur verði að gera réttu
hlutina. Það þarf nefnilega ekki
endilega að vera nóg að fyrirtæki beri
sig. Kannski getum við gert eitthvað
annað fyrir það sama fé. eitthvað, sem
kemur okkur betur. Þess, stefnumótun
tekur einnig til húsnæðismála og
kjördæmamála: við höfum lagt
áherzlu á jafnari atkvæðisrétt manna
og persónubundnar kosningar.”
1 samtali sem DB átti við fallinn
þingmann Sjálfstæðisflokksins á
kosninganótt, lét hann þau orð falla
að litið vit væri í að vera að tala við
sig. — Talaðu við Friðrik Sophusson,
sagði hann, — talaðu við fulltrúa unga
fóiksins.
„Ég hef ekki trú á að menn séu
fulltrúar ákveðinna aldurshópa á
Albingi.” sagði Friðrik um það hvort
hann væri sérlegur fulltrúi unga
fólksins á þingi. „Ég lit ekkert frekar á
mig sem fulltrúa hinna yngri. Hver
þingflokkur þarf náttúrlega að hafa
sem breiðasta yfirsýn, hafa menn á
öllum aldri, en ég ímynda mér svosem
að í þingflokknum verði kannski
heldur litið á mig sem fulltrúa unga
fólksins.”
Áhugamál Friðriks eru fyrst og
fremst stjórnmál og félagsmál
almennt. „Ég hef líka gaman af að
spila fótbolta og er tryggur Vals-
maður. Við spilum stundum fótbolta
saman ég og Ellert Schram. Finnur
Torfi og Albert eru stundum með,
þannig að knattspyrnulið þingsins er
ekki mjög slæmt. Bjarni Guðna hefði
bætt það talsvert ef hann hefði komizt
inn.”
Friðrik er kvæntur Helgu
Jóakimsdóttur hárgreiðslumeistara og
eiga þau samtals fimm börn — þar af
tvö í „sameign", eins og Friðrik orðaði
það. ÓV.
Sorpeyðingarstöðin
lögð n'iður
Á fundi borgarráðs nýlega var
samþykkt að hætta rekstri sorpeyðingar-
stöðvarinnar við Ártúnshöfða í Reykja-
vík. Samþykktin var gerð með fjórum at-
kvæðum borgarráðsmanna, en Albert
Guðmundsson sat hjá.
DB hafði samband við Ingimar
Vigfússon verkstjóra i sorpeyðingar-
stöðinni og sagði hann að stöðin hætti
nú um miðjan mánuð, er starfsmenn
færu í sumarfrí. Nú er unnið að því að
tæma vélar og ganga frá. Ingimar sagði
að ekki fyndist rekstrargrundvöllur fyrir
stöðina og áburður, skarni, hlæðist upp.
Nú væru til birgðir af skarna, sem nægja
munu næstu tvöárin.
Þegar þaér birgðir eru uppurnar
verður ekki lengur hægt að fá skarna.
Ingimar sagði eflaust að margir yrðu
fyrir vonbrigðum vegna þess, þar sem
— skamabirgðirtil
tveggja ára
skarni hefði líkað vel sem áburður. Fólk
tæki skarna mikið á vorin á tún sín og
þar væri notaður finn skarni, sem er
glerlaus. Sérstakur gúmmísleikjari
greinir glerið frá öðrum hlutum í
skarnanum. Þá er minni lykt af fina
skarnanum.
Að sögn Ingimars hafa átta menn
unnið í sorpeyðingarstöðinni, þar af sjö
á vegum borgarinnar. Starfsmenn munu
tvístrast nú að loknu sumarleyfi, en ekki
munu allir búnir að fá vinnu. Eftir á að
ræða þau mál nánar.
Þetta mái hefur verið til umræðu allt
sl. ár, en endanleg ákvörðun var ekki
tekin fyrr en nú í júnílok. Ekki sagðist
Ingimar hafa orðið var við óánægju
meðal starfsmanna stöðvarinnar vegna
þessarar ákvörðunar.
-JH.
Verslið þar sem varan er góð
og verðið hagstætt
Stjörnu ★ litir sf.
Málningarverksmiöja
er flutt í Höfðatún 4, Reykjavík, sími 23480. — Við seljum eins og áður, á verksmiðjuverði,
okkar viðurkenndu Stjörnumálningu. — Sendum í póstkröfu út um landið. — Fjölbreytt lita-
úrval. — Sérlagaðir litir. — Góð þjónusta! — Reynið viðskiptin — Næg bílastæði.
Öll okkar málning á verksmiöjuveröi