Dagblaðið - 02.09.1978, Blaðsíða 7

DAGBLAÐIÐ. LAUGARDAGUR 2. SEPTEMBER 1978
7
„Án samstarfs við launþegasamtökin er
ekki hægt að tala um virkt lýðræði”
—segir Kjartan Jóhannsson, hinn nýi
sjávarútvegsráðherra
Kjartan Jóhannsson, sjávarútvegsráð-
herra, er 38 ára gamall. Hann fæddist í
Reykjavík hinn 19. desember 1939.
Hann varð súdent frá Menntaskólanum
i Reykjavík 1959.
Kjartan Jóhannsson sjávarútvegsráð-
herra, þingmaöur Reyknesinga.
Hjörleif ur Guttormsson
orkumálaráðherra:
VILL NÝJA STEFNU
í ORKUMÁLUM
Hjörleifur Guttormsson verður
iðnaðar- og orkumálaráðherra I ráðu-
neyti Ólafs Jóhannessonar. Hann hefur
ekki setið á þingi fyrr, en verið ötull í
flokksstarfi Alþýðubandalagsins.
Hjörleifur er 43 ára að aldri. Hann
varð stúdent frá Akureyri 1955 og lauk
prófi i líffræði frá Leipzig. Síðan hefur
hann búið á Neskaupstað og unnið við
Náttúrufræðistofnunina þar. Auk þess
hefur hann sinnt kennslu- og safna-
málum. Hann er kvæntur Kristínu
Guttormsson lækni og eiga þau 19 ára
gamlan son.
Hjörleifur hefur lýst því yfir í samtali
við DB að hann vilji að Islendingar
byggi sem mest á innlendum auðlindum
og þjóðin verði sem mest sjálfri sér nóg.
Hann er mikill áhugamaður um náttúru-
vernd og hefur haft forystu fyrir
náttúruverndarsamtökum á Austur-
landi.
Hjörleifur telur ekki rétt að stefna að
rekstri stórfyrirtækja hér á landi, heldur
þurfi að byggja á smærri einingum.
Hann telur slíkt betur hæfa dreifðri
byggð hér og fámennri.
Hjörleifur Guttormsson hefur verið
eindreginn gagnrýnandi þeirrar orku-
stefnu sem fylgt hefur verið af
fyrrverandi rikisstjórn og átt þátt í að
semja ítarlegt rit um nýja orkustefnu.
Því er þess að vænta að hressilegir
gustar eigi eftir að leika um ráðuneyti
hansog ráðherraferil.
GM.
Munur á líftryggingu
og slysatryggingu
Stundum fer illa þegar menn tala
saman í sima og báðir halda að þeir skilji
hinn en í rauninni skilur hvorugur.
Þannig fór fyrir undirritaðri og Sigurði
Þ. Guðmundssyni á dögunum.
Undirrituð hringdi í Sigurð starfs-
mann Liftryggingarfélagsins Andvöku
og spurði hann um tryggingar á köppum
þeim er stunda rallíþróttir ýmiss konar.
Átt var við liftryggingu þeirra. Sigurður
veitti miklar og góðar upplýsingar, en
gallinn var bara sá að þær áttu allar við
slysatryggingu en ekki líftryggingu.
Þegar svo blaðagreinin var skrifuð upp
úr öllu saman má nærri geta að ekki var
hún mjög áreiðanleg.
Nú skal leiðrétt: Allir geta keypt sér
líftryggingu. Menn borga einungis
mismunandi iðgjald eftir því hversu
gamlir þeir eru. Ef menn hins vegar
kaupa sér slysatryggingu er áhætta við
hættulegar íþróttirekki innan hennar.
marka nema keypt sé sérstök viðbót. Erfitt
er að segja til um hvað sú viðbót kostar
því engar taxtar eru til þar um. Einnig er
liklegt að sjálfsábyrgð manna yrði eitt-
hvað hærri en venjulega en hversu
mikið er ekki heldur hægt að segja til
um. Slikt yrði metið i hvert sinn sem
ákveðinn hópur eða einstaklingur keypti
sér tryggingu. Jafnframt myndu
tryggingarfélögin endurtryggja sig jafn-
harðan.
Allir viðkomandi eru beðnir
velvirðingar á þessum ruglingi með
staðreyndir. DS.
Kjartan lauk prófi i byggingaverk-
fræði frá Kungliga Tekniska Högskolan
i Stokkhólmi 1963. Þá hóf hann nám í
rekstrarhagfræði við Stokkhóimsháskóla
og í skipulagi framkvæmda við KTH.
Að því búnu fór hann til náms í rekstrar-
verkfræði við Illinois Institute of
Technology í Chicago og lauk þaðan
meistaraprófi 1965. Hann hefur verið
ráðgefandi verkfræðingur í Reykjavík
frá 1966.
Hann hefur um langt skeið verið
virkur félagi í Alþýðuflokknum og kjör-
inn á þing í síðustu Alþingiskosningum
fyrir Reykjaneskjördæmi.
Foreldrar Kjartans eru Jóhann Þor-
steinsson, forstjóri Sólvangs i Hafnar-
firði, og kona hans Astrid, f. Dahl.
iBIADIB
kynnirnýju
ráðherrana
Kvæntur er Kjartan Elly Irmu Birgittu
frá Gautaborg. Þau kynntust á námsár-
um Kjartans I Sviþjóð og eiga þau eina
dóttur, 15 ára gamla. Þau búa í Hafnar-
firði.
Efnahags- og atvinnumál eru
Kjartani hugleikin og þá alveg sérstak-
lega sjávarútvegur og iðnaður. „Án
samstarfs við launþegasamtökin er ekki
hægt að tala um virkt lýðræði i land-
inu," sagði Kjartan er hann var kjörinn
þingmaðursl. sumar.
— BS
Á gamla verðinu!
Eigum enn nokkurt magn eldvarnartækja fyrir heimili og vinnu-
staði á gömlu verði.
Til dæmis:
Reykskynjari kr. 11.500.-
Duftslökkvitæki 6 kg. kr. 12.500.-
5% afsláttur ef keypter hvorutveggja.
I. PÁLMASON h/f
Dugguvogi 23, Reykjavík.
Sími 82466
UTSALA
HEFSTA
MÁNUDAG
MIÐBÆJARMARKAÐI
AÐALSTRÆTI9
J) SÍMI27340

momnnu
8áL
Peysurfrákr.500.-
Buxur frá kr. 1200.-
Ungbarnagallar frá kr. 1000.-
Úlpur frá kr. 3500.-
Nattmt, skyrtur,
nærföt
og margt fleira
TÆKIFÆRI
SÉRSTAKT