Dagblaðið - 07.02.1979, Blaðsíða 6

DAGBLAÐIÐ. MIÐVIKUDAGUR 7. FEBRÚAR 1979.
Einstaklingar og
félagasamtök
Höfum fyrirliggjandi timbur einbýlis- og sumarhús af
öllum stærðum og gerðum. Vanir menn sjá um uppsetn-
ingu og frágang ef óskað er.
Kynnið ykkur verð og gæði.
STOKKAHÚSf
Klapparstíg 8 105 Reykjavík
Sími 91-26550.
Brussel:
Fallhlífaliðar
sendir tíl Zaire
Belgíustjórn hefur sent sautján
hundruð fallhlífarliða til Afrikuríkisins
Zaire. Opinber skýring er sú að her-
mennirnir verði þar til æfinga og hefur
Mobuto forseti Zaire og embættis-
menn hans harðlega neitað öllum orð-
rómi um að fallhlifarliðarnir eigi að
aðstoða her landsins vegna mikillar
ólgu, sem í landinu sé. Franskir og
belgískir fallhlífarhermenn komu
Mobuto til hjálpar í maí siðastliðnum
er skæruliðar gerðu innrás i Shaba
hérað, sem áður var kallað Katanga og
er mjög auðugt af kopar.
Haft er eftir belgískum embættis-
mönnum að belgíska stjórnin hafi
sífellt meiri áhyggjur af hinum þrjátíu
þúsund Evrópumönnum, sem búa í
Shaba héruðunum. Vinna þeir aðal-
lega hjá þeim fyrirtækjum, sem reka
koparnámurnar.
Paul Vanden Boeynants forsætis-
ráðherra Belgíu sagðist ekki hafa
neina hpgmynd um að ráðagerðir væru
uppi úm að flytja þá Belgi heim sem
væru I Zaire. Ástandið þar væri að
visu ótryggt en svo hefði verið lengi.
Hundruð fólks féllu i Zaire í maí
síðastliðnum, þar af i það minnsta tvö
hundruð Evrópumenn. Skæruliðarnir
flúðu síðan undan frönskum fallhlífar-
hermönnum úr útlendingahersveitinni
inni í Angóla.
KOSNING AB ARÁTTAN
Á SPÁNIHAFIN
Formleg kosningabarátta hófst í
morgun á Spáni í annað skipti á rúmu
ári. Helztu tíðindin þar í morgun voru
þau að svo virtist sem Sósíalíski verka-
mannaflokkurinn hefði forustu yfir Mið-
demókratasambandinu. Þar er Adolfo
Suarez, forsætisráðherra landsins, helzti
forustumaður.
Stuðningsmenn og starfsmenn hinna
ýmsu stjómmálaflokka voru í morgun
þegar farnir að lima upp áróðursspjöld
sín þar sem biðlað er til kjósenda. Um
það bil níu þúsund frambjóðendur munu
berjast um hin þrjú hundruð og fimmtíu
sæti neðri deildar spánska þingsins og
tvö hundruð fjörutíu og átta sæti í efri
deildinni.
Talið er að helzta baráttan verði á
milli tveggja fyrrnefndra stjómmála-
flokka eða bandalaga, Sósíaliska verka-
mannaflokksins og Miðdemókrata-
bandalagsins.
Kosningarnar á Spáni verða I. marz
næstkomandi. Skoðanakannanir sem
birtar hafa verið um fylgi tveggja
stærstu stjórnmálaflokkanna, sýna mjög
misjafnar niðurstöður. Mjög margir
joeirra sem spurðir eru hafa þó verið óá-
kveðnir. Sérfræðingar um stjórnmál spá
því að hvorugur hinna stóru flokka
muni fá afgerandi meirihluta.
Ríkisstjórn Adolfo Suarez forsætis-
ráðherra er minnihlutastjóm sem styðst
við hlutleysi nokkurra flokka.
Fjöldagrafir
fínnast
i
Kambódíu
Fjöldagrafir með tugþúsundum líka
hafa fundizt i Norðaustur Kambódíu að
sögn fréttastofu Vietnam. Eru líkin sögð
vera af fórnardýrum Pol Pot stjórnar-
innar, sem missti völdin I síðasta
mánuði, þegar uppreisnarmenn komust
til valda í Kambódíu með aðstoð
vietnamsks herliðs.
Guyana:
SonurJim
Jones
sýknaöuraf
moröákæru
Yfirvöld I Guyana I Mið-Ameriku
hafa fellt niður ákærur á hendur
Stephan Jones hinum nítján ára gamla
syni trúarleiðtogans Jim Jones fyrir að
hafa átt þátt í fjöldamorðum eða sjálfs-
morðum unt það bil níu hundruð félaga I
trúflokki föður síns.
Brussel:
Engin lausn á
landbúnaðar-
deilum
Landbúnaðarráðherrar Efnahags-
bandalagsríkjanna gáfust I gær upp við
að finna lausn á deilum um land-
búnaðarmál, sem eru I veginum fyrir því
að hægt verði að halda áfram undir-
búningi að sameiginlegum gjaldmiðli
bandalagsríkjanna. Ætla ráðherramir að
halda nýjan fund um málið I næstu viku.
John Wayne á
góðum batavegi
— færþó ekki að yfirgefa sjúkrahúsid
Kvikmyndaleikarinn John Wayné
er sagður á mjög góðum batavegi, en
magi leikarans var fjarlægður fyrir 25
dögum. Yfirmenn sjúkrahússins sem
Wayne dvelur á neituðu þó að segja af
hverju leikarinn hefði enn ekki fengið
að yfirgefa sjúkrahúsið.
Fyrir níu dögum sagði talsmaður
sjúkrahússins að Wayne fengi að fara
af sjúkrahúsinu eftir u.þ.b. viku.
Áframhaldandi sjúkrahúsdvöl hans
hefur leitt til getgátna um að liðan
leikarans hafi versnað.
Kvikmyndaleikarinn gekkst undir
gallblöðruuppskurð 12. janúar sl. en
þá komust læknar að því að krabba-
mein var komið í maga hans og því var
maginn fjarlægð'ur I níu klukkustunda
aðgerð.
Viku eftir aðgerðina sagði skurð-
læknirinn sem stjórnaði aðgerðinni,
að ekki væri hægt að útiloka þann
möguleika að krabbamein hefði
komizt i aðra likamshluta. John
Wayne gekkst undir mikla aðgerð
fyrir 14 árum þar sem vinstra lunga
hans var fjarlægt vegna krabbameins
og siðast I apríl gekkst hann undir
hjartaskurðaðgerð.