Dagblaðið - 01.03.1979, Blaðsíða 4

DAGBLAÐIÐ. FIMMTUDAGUR 1. MARZ 1979.

DB á ne ytendamarkaði
Notið frekar heil-
hveiti en hvíta hveitið
ANNA
BJARNASON.
Einn af lesendum Neytendasíðunn-
ar sendi okkur á dögunum mjög at-
hyglisverða bandaríska bók, „The
supermarket handbook”. Er þetta
handbók fyrir neytendur og er þar að
finna leiðbeiningar um hvað athuga
beri þegar keypt er inn til heimilisins í
stórmörkuðum. Að vísu er bókin
sniðin fyrir bandaríska lesendur en
þar er einnig að finna almennar leið-
beiningar er geta komið íslenzkum
neytendum að góðu gagni. Við fyrstu
yfirsýn varð okkur einna starsýnast á.
kaflann um mjölvöru.
í kaflanum um hvíta hveitið segir
m.a. að þótt hveiti hafi einu sinni átt
skilið að skipa heiðurssess meðal
fæðutegunda heimsins, þá sé sá tími
löngu liðinn. í þeim meðförum, sem
hveitið fær, tapar það öllum næring-
arefnum sínum, gefur neytendum
ekkert nema hitaeiningar og maga-
fylli og getur m.a.s. í sumum tilfell-
um verið beinlínis skaðlegt.
Ráðlegt er talið að neyta heldur
heilhveitis, sem hægt sé að nota í
hvaða bakkelsi sem vera skal í stað
hvíta hveitisins. Verður þá aðeins að
framkvæma smávægilegar breytingar
á uppskriftunum. — Einnig er bent á,
ef fólk eigi erfitt með að skipta frá
neyzlu á hviti hveiti og beint yfir i
heilhveitið, að nota þá heilhveiti og
óbleikjað hveiti til helminga.
í handbókinni er ekki mælt með
tilbúnu hveitidufti (mixi). Segir að
næringargildi ýmissa blandna eins og
t.d. pönnukönu- og skonsudufts sé
nánast ekkert eftir meðferðina sem
blandan hefur fengið.
Hins vegar er gefin upp blanda á
dufti sem hægt er að búa til sjálfur og
geyma i ísskáp í allt að tvo mánuði.
Bandarikjamenn eru sérlega mikið
fyrir að hafa alla hluti sem þægileg-
asta og eiga erfitt með að vera án
köku-duftsins. 1
Bakaðúr heilhveiti
í stað hvíta
hveitisins
Þegar bakað er úr heilhveiti í stað
hvíta hveitisins verður baksturinn
kannski ívið þyngri í sér en miklu
bragðmeiri. Gott er að hafa eftirfar-
andi í huga þegar breytt er yfir í heil-
hveiti (úr hvitu hveiti):
★ Sigtið ekki heilhveitið, heldur
hrærið lítillega í því áður en það er
mælt eða vegið.
★ Notið 3/4 bolla af heilhveiti í
staðinn fyrir hvern bolla af hvítu
hveiti sem í uppskriftina fer.
★ Minnkið fitumagnið í uppskrift-
um þar sem heilhveiti er notað um
1/3. Ef t.d. eiga að vera 3 skeiðar af
olíu, notið þá aðeins 2.
Unglingadeild AA
FUNDIR ALLA
FIMMTUDAGA KL. 9
AÐ TJARNARGÖTU 5B.
AA-Samtökin.
Djúpivogur
Nýr umboðsmaður Dagblaðsins á
Djúpavogi er Hjörtur Amar Hjartar-
son, Kambi, sími 97—8886.

IBLABIÐ
1X21X2 1X2
27. leikvika — Leikir 24. febr. 1974
Vinningsröð: 2 1 1—2 2 2—X 1 1—2 2 2
1. vinningur: 11 réttir — kr. 890.500.-
2133<IVIývatnssveit)
2. vinningur: 10 réttir — kr. 34.700.-
2582 5078 6800+ 31879+ 35117 36994
4801 5607 31696 33866 36237
Kærufrestur er til 19. marz kl. 12 á hádegi.
Kærur skulu vera skriflegar. Kærueyðublöð
fást hjá umboðsmönnum og aðalskrifstofunni.
Vinningsupphæðir geta lækkað, ef kærur
verða teknar til greina.
Handhafar nafnlausra seðla (+) verða að
framvísa stofni eða senda stofninn og fullar
upplýsingar um nafn og heimilisfang til
Geírauna fyrir greiðsludag vinninga.
GETRAUNIR—íþróttamiðstöðinni —REYKJAVÍK
★ Það getur verið nauðsynlegt að
nota meiri vökva í heilhveitikökur,
eina eða tvær matskeiðar í kökur og
aðeins meira í brauð.
* Hægt er að nota heilhveiti til þess
að þykkja sósur alveg á sama hátt og
ef um hvítt hveiti væri að ræða.
„Köku-brauð-duft"
Það er alveg sama vinnan hvort bú-
ið er til mikið eða lítið kökuduft í
einu og því er hentugt að búa til
mikið í einu, því blönduna má geyma
í luktu íláti á köldum stað í eina tvo
mánuði. Enginn vandi er að auka
uppskriftina eftir þörfum.
4 1/2 bolli heilhveiti
1 bolli undanrennuduft
3 matsk. lyftiduft
2 matsk. sykur
1/2 tsk. salt
3/4 bolii matarolia.
Þessu er öllu blandað saman þang-
að til olían er horfin. Ef ekki á að
baka úr því strax er blandan látin í
lukt ílát og geymd eins og áður segir.
— Úr þessari blöndu má búa til ýmis-
legt góðgæti með þvi að blanda
hinum ýmsu hlutum út í. T.d. litlar
skonsur eða smábrauð, sem borðuð
eru með smjöri: Þá eru 3 bollar af
„mixinu” mældir og 2/3 bolla af
vatni hnoðað saman við. Látið mjöl-
ið í skál og gerið holu í miðjuna og
látið vatnið þar í. Hnoðið þar til deig-
ið verður mjúkt og fletjið það síðan
út frekar þykkt. Stungnar út smákök-
ur sem bakast í 15—20 mín. við
200°C hita. Úr þessum skammti
fengum við 15 kökur.
Verð:
Hráefnið í alla blönduna kostaði
um 255 kr. Skonsurnar eru bakaðar
úr helmingnum, eða fyrir um 128 kr.
Úr þvi magni fengust 15 skonsur og
kostar þá hvert stk. um 8,50 kr.
Ýmislegt fleira er hægt að búa til
úr blöndunni. Það kemur seinna.
Vissara er að merkja baukinn með
blöndunni með dagsetningu.
A.Bj.
Osta og smjorsalan selur aðeins sérpakkað smjör til Neskaupstaðar. Hins veg-
ar er hægt að fá venjulegt gæðasmjör þar á mun lægra verði en i
höfuðborginni! DB-mynd Ari.
Útsalaá
gæðasmjörí
fyrir austan?
Lesandi hringdi og vakti athygli á
því að Kaupfélagið Fram í Nes-
kaupstað auglýsti þessa dagana
gæðasmjör í 5 kílóa pökkum á 800
krónur kílóið. Hjá Osta og
smjörsölunni kostar kílóið hins vegar
984 krónur í heildsölu og 1150 krónur
í búð.
Við slógum því á þráðinn austur
og fengum þær upplýsingar að þetta
gæðasmjör er 1. flokks smjör, en
vitanlega er allt 1. flokks smjör
gæðasmjör. Verðmunurinn liggur
hins vegar aðallega í því, að þetta
gæðasmjör er framleitt í mjólkur-
búinu í Neskaupstað og selt i 5 kílóa
pakkningum, en þannig sparast
pökkunarkostnaður.
Hjá Osta og smjörsölunni
fengum við einnig þær upplýsingar
að hún selur aðeins sérpakkað, s.s.
sérsaltað smjör til kaupfélagsins i
Neskaupstað.
RK.
Bómullarföt geta
hlaupið í þurrkara
Húsmóðir og lesandi Neytenda-
siðunnar hringdi og þakkaði fyrir
birtingu á meðferðarmerkingu á
fatnaði frá Iðnþróunarstofnun
íslands. Hún sagðist hafa saknað úr
staðlinum upplýsinga um hvort
þurrka mætti flíkur í þurrkara eða
ekki.
Hún sagðist ennfremur hafa það
fyrir reglu að kaupa jafnan nær-
fatnað handa börnum sínum einu
númeri of stóran, eftir að hafa rekið
sig á að bómullarfatnaður getur
hlaupið ef hann er þurrkaður í
þurrkara.
Við höfðum samband við Hörð
Jónsson verkfræðing hjá
Iðnþróunarstofnuninni.
Kvað hann það rétt vera að
þurrkun í þurrkara hefði ekki verið
með í staðlinum. Þakkaði hann vin-
samlega ábendingu og mun leggja til
að þessu atriði verði bætt í staðalinn.
Fiskpottur með
grænmeti
400 g fiskflök, ný eða frosin
2— 3 gulrætur eða 100 g hvítkál
1—2 laukar
3— 4 kartöflur
25 g smjörliki
salt, pipar
1/2 — 1 dl. vatn.
Byrjið á því að smyrja eldfast mót
eða pott og skerið síðan roðflett
fiskflökin í fremur litla bita. Því næst
er grænmetið hreinsað og skorið
smátt. Síðan er fiskinum og
grænmetinu raðað í pottinn og
kryddað. Lá’tið síðan smjörlíkisbita
og vatnið yfir. Þetta er síðan látið
sjóða í lokuðu íláti við mjög vægan
hitai 10—20mínútur.
Þess þarf að gæta að potturinn
eða mótið sé með þéttu loki.
Með þessu er mjög gott að bera
fram rúgbrauðssamlokur með
kryddsmjöri.
Áætlaður kostnaður við þessa mat-
argerð er u.þ.b. 490 krónur, en
uppskriftin er ætluð fyrir tvo. Mun
því kostnaður verða um 245 krónur á
mann.
rk.