Dagblaðið - 14.03.1979, Síða 5

DAGBLAÐIÐ. MIÐVIKUDAGUR 14. MARZ 1979.
Dæmt í
Grjótjötuns-
málinu í gær:
í Sakadómi Reykjavíkur var í gær
kveðinn upp dómur í Grjótjötuns-
málinu svonefnda. Knútur Bruun var
dæmdur til að sæta fangelsi í 3 mán-
uði og Þorfinnur Egilsson fangelsi í 5
mánuði. Báðir voru þeir dæmdir til
að sæta sviptingu á málflutningsrétt-
indum í 3 ár, Knútur fyrir héraðs-
dómi og Hæstarétti og Þorfinnur
fyrir héraðsdómi.
Loks voru þeir dæmdir til að
greiða málsvarnarlaun til skipaðra
verjenda sinna, Jóhannesar L.L.
Helgasonar hrl., sem var verjandi
Knúts, og Jóns Finnssonar sem var
verjandi Þorfinns.
Var veittur tveggja vikna frestur til
þess að taka ákvörðun um það hvort
þeir áfrýja áðurgreindum dómi Saka-
dóms Reykjavíkur sem Haraldur
Henrýsson sakadómari dæmdi.
Áðurgreindir tveir menn voru
ikærðir í málinu. Var þeim gefinn að
sök fjárdráttur eða umboðssvik með
því að hafa í sambandi við kaup á
sanddæluskipinu ms. Jörpeland,
siðar ms. Grjótjötunn, í Noregi árið
1974 komizt yfir til eigin ráðstöfunar
3 og 5 mánaða fangelsi
og sviptir réttindum
/ — auk þess dæmdir til greiðslu sakarkostnaðar
norskar krónur 400.000.00, Þor-
finnur norskar kr. 300.000.00 og
Knúturkr. 100.000.00.
Þorfinnur kom fram sem skipa-
miðlari við kaupin. Knútur var
stjórnarformaður og framkvæmda-
stjóri Sandskips hf. sem var kaup-
andi skipsins.
í ákæru var Knútur einnig
ákærður fyrir ranga skýrslugjöf með
því að hafa í umsóknum um heimild
til eriendrar lántöku og um gjaldeyri
staðhæft að kaupverð hafi verið
norskar krónur 2,8 milljónir.
í ákæru er talið að hið raunveru-
lega kaupverð hafi verið 2,4 milljónir
norskra króna.
Var framburður Knúts lagður til
grundvallar um að greiðslan á n.kr.
100 þús. hafi verið nokkurs konar
lokaafsláttur til kaupanda. Hafi
hann verið greiddur við afhendingu
skipsins 9. okt. 1974 og verið notaður
í þágu skipsins. Lagði hann fram
reikninga fyrir rúmlega kr. 50 þús-
undum vegna skipsins.
Að því leyti sem hann stóð ekki
skil á þessum 100 þúsundum norskra
króna var hann talinn hafa gerzt
sekur um fjárdrátt. Hann var hins
vegar sýknaður af ákæru um ranga
skýrslugjöf þar sem ekki var talið
nægilega sannað að hann hefði við
gerð kaupsamnings vitað um samn-
inga við seljendur um greiðslur til
ákærðu.
Þorfmnur var talinn sekur um fjár-
svik gagnvart kaupanda. Voru um-
boðslaunin talin óeðlilega há miðað
við kaupverð skipsins. Þau voru sem
fyrr segir kr. 300 þús. norskar. Var
talið að ráða mætti af gögnum máls-
ins og framburðum að upphæð um-
boðslauna hafi ráðið nokkru um það
hvaða kaupverð var sett i kaupsamn-
ing. Ákærða hafi hlotið að vera ljóst
að hin háu umboðslaun yrðu að ein-
hverju leyti á kostnað Sandskips hf.
Þessu hafi hann leynt kaupanda í því
skyni að hagnast sjálfur.
Þrátt fyrir neitun Þorfinns var
talið sannað að hann hefði samið um
greiðsluna til Knúts og litið á hana
sömu augum og umboðslaun sjálfum
sér til handa.
Var þetta brot talið varða við 248.
gr. almennra hegningariaga þar sem
segir að það sé refsivert að koma
öðrum manni til að aðhafast eitthvað
eða láta eitthvað ógert með því á
ólögmætan hátt að vekja, styrkja eða
hagnýta sér ranga eða óljósa hug-
mynd hans um einhver atvik og hafa
þannig fé af honum.
Þeir Þorfinnur og Knútur voru
dæmdir til að greiða málskostnað,
þar með talin málsvarnarlaun til verj-
enda sinna, kr. 250 þúsund til hvors.
BS.
VÍÐfl UNDIRSKRIFTASAFNANIR
GEGN DRAGNÓTAVEIÐI í FAXAFLÓA
Um 10.000 tonn skarkola vannytt arlega:
— án vitundar um tillögur f iskif ræðinga
Sveigjanlegur
vinnutími?
Vegna þingsályktunartillögu tveggja
alþingismanna þess efnis að dragnóta-
veiðar verði aftur leyfðar í Faxaflóa
hafa víða farið í gang undirskriftasafn-
anir gegn því.
Er tillagan m.a. byggð á 3 ára rann-
sóknum fiskifræðinga á skarkolastofn-
inum (rauðsprettu) í flóanum. Hafa
þeir leitt i Ijós að hann er vannýttur en
verður ekki nýttur nema með dragnót
(snurvoð).
Þar sem dragnótaveiði og botn-
vörpuveiði í flóanum hefur verið bönn-
uð með lögum um árabil í kjölfar
skefjalausrar rányrkju þarf lagabreyt-
ingu til að leyfa skarkolaveiðar með
dragnót.
Hugmyndir Hafrannsóknastofnun-
arinnar um þessar veiðar eru að leyfa
fáum bátum að stunda þær undir
ströngu eftirliti. Er slíkt talið auðvelt
þar sem engir bátar hafa byggt afkomu
sina á þessum veiðum um árabil. Auk
þess eru engar hrygningarstöðvar á
þeim blettum sem dragnótaveiðar eru
mögulegar á.
Þá er möskvastærð dragnótar nú 170
mm, eða 15 mm stærri en á botnvörp-
um stærstu skuttogara. Það þýðir að
smáfiskur syndir lítt hindraður út og
inn um veiðarfærið.
Loks má geta þeirrar niðurstöðu
rannsóknanna að dragnótin rótar mun
Jón Barðdal með undirskriftalistana.
DB-mynd RagnarTh.
minna upp botninum en áður var
haldið.
DB hefur rætt við nokkra undirskrif-
endur gegn þessum veiðum og gætir
þar alls staðar þekkingarskorts á mál-
unum. Þ.á m. ræddi blaðið við Jón
Barðdal sem er einn þeirra Reykvíkinga
sem bætzt hafa í hóp forstöðumanna
um undirskriftir. Hefur hann safnað
nálega þúsund undirskriftum gegn
veiðunum undir því fororði að opna
flóann ekki fyrir dragnótaveiðum.
Þar er ekki tilgreint með hverjum
hætti þær eiga að framkvæmast né að
með núverandi dragnót fæst enginn
fiskur nema kolinn og einn og einn
stórfiskur af öðrum tegundum. Játaði
Jón að hafa ekki kynnt sér málið frá
fiskifræðilegu sjónarmiði. En hann
sagðist jafnframt vera þess fullviss að
veiðarfærið yrði misnotað til veiða á
öðrum fiski og þar með rányrkju.
Hafi hann túlkað þá skoðun, sem
gengur þvert á skoðun fiskifræðinga,
við undirritara mótmælaskjalsins, án
þess að það komi fram í yfirskrift
skjalsins, er árangur hans og annarra
skiljanlegur.
Óbreytterskoðun fiskifræðinga þess
efnis að um 10 þús. tonn skarkola séu
vannýtt hér við land árlega og að beztu
kolamiðin séu í Faxaflóa. -GS.
Tveir þingmenn Sjálfstæðisflokks-
ins, Friðrik Sophusson og Ragnhildur
Helgadóttir, lögðu í gær fram þings-
ályktunartillögu um sveigjanlegan
vinnutíma. Þar er skorað á ríkisstjórn-
ina að láta kanna að hve miklu leyti sé
hægt að koma við sveigjanlegum
vinnutíma hjá starfsmönnum ríkisfyrir-
tækja og ríkisstofnana og skuli slikri
tilhögun komið á þar sem þyki henta.
Þingmennirnir vitna í stefnuyfirlýs-
ingu Sjálfstæðisflokksins um efnahags-
mál þar sem segir: „Kaupmáttur á
yinnustund verði aukinn með sveigjan-
legum vinnutíma, starfshvatningu og
hagræðingu.”
Þeir vísa til að snemma á árinu 1974
hafi Skeljungur fyrst íslenzkra fyrir-
tækja hafið tilraun með sveigjanlegan
vinnutíma starfsfólks. Forráðamenn
Skeljungs kynntust þessari tilhögun hjá
Norsk Shell sem hafði beitt henni um
hríð. Tilraun Skeljungs hlaut góðar
viðtökurhjá starfsfólki. Í framhaldi af
henni hafa fleiri íslenzk fyrirtæki tekið
upp sveigjanlegan vinnutima, svo sem
Olíuverzlun íslands, Flugleiðir, Bæjar-
útgerð Hafnarfjarðar og Skýrsluvélar
ríkisins. -HH.
HALLÓ, ÞIÐ ÞARNA!
VUjið þið komast tH sólarlanda með
Samvinnuferðum, eignast gott Ferguson
iitsjónvarp eða viðlegubúnað.
STÓR BINGÓ
/ Sigtúni fimmtudaginn 15. marzki. 20:30
Stórgiæsiiegir vinningar
Ókeypis aðgangur
AHir veikomnir
ATH. Spiiað verður um 18
stórvinninge ásamt fjöida
aukavinninga.
F.U.F. í Reykjavík.