Dagblaðið - 21.05.1979, Blaðsíða 21
DAGBLAÐIÐ. MÁNUDAGUR 21. MAÍ1979.
21
HUGAR-
ÓRAR
William Goldmangefur
ímyndunarattinu lausan
tauminn íbók sinni,
Magic, semnýlega var
kvikmynduö
-
Fyrir þá sem horfa mikið á kvik-
myndir er ekki óalgengt að sjá nafnið
William Goldman á hvíta tjaldinu
þegar kynntur er handritahöfundur
myndarinnar. William Goldman er lík-
lega einn jtekktasti kvikmyndahand-
ritahöfundur sem nú starfar. hann
byggir handrit sín á eigin skáldsögum
og annarra höfunda auk þess að semja
stök kvikmyndahandrit byggð á hug-
myndum sínum.
Hann á að baki m.a. handritin að
Butch Cassidy and the Sundance Kid,
The Great Waldo Pepper, All the Presi-
dent’s Men, A Bridge Too Far og auk
þess No Way To Treat A Lady og
Marathon Man sem byggð eru ábókum
hans. Nýlega kom svo á markaðinn ný
mynd sem ber nafnið MAGIC en Gold-
man skrifaði handritið eftir samnefndri
bók sinni. Þessi mynd hefur hvarvetna
hlotið mikið iof enda vandvirkur leik-
stjóri við stjórnvölinn, sjálfur Richard
Attenborough. MAGIC er hálfgerð
hrollvekja og fjallar um búktalarann
Corky og brúðuna Fats. Hér er því um
að ræða Baldur og Konna þeirra
Bandartkjamanna. En það sem Fats
hefur umfram Konna er dálítið sér-
stæður eiginleiki. Honum tekst að ná
sálfræðilegu taki á húsbónda sinum.
Samofnir
hugarheimar
í upphafi myndarinnar sjáum við þá
félaga, Corky og Fats, skemmta víðs
vegar við góðar undirtektir. Corky
hefur ofið inn i skemmtiatriðið ýmis
töfrabrögð sem eykur vinsældir þeirra.
Þeir hafa eins og sagt er slegið i gegn.
En skyndilega kemur upp vandamál
sem ágerist stöðugt. Corky missir
tökin á brúðunni Fats sem virðist ná
valdi yfir hugarheimi hans. Þegar hann
finnur persónulcika sinn sameinast
Fats grípur hann til þt-ss ráðs að flýja.
Hannleitar á æskuslóðir sínar og leigir
scr húsnæði hjá gamalli skólasystur
sinni sem hann hafði alltaf borið ástar-
hug til. En andlegt ástand Corky versn-
ar stöðugt og Fats nær algerum tökum
á athöfnum hans. Corky getur ekki
lengur greint á milli þeirra, hann lifir
lífi þeirra beggja. Þegar umboðsmaður
hans loks finnur þá félaga endar sú
heimsókn með dauða hans. Fats hafði
dæmt hann til dauða og Corky fram-
kvæmdi verkið. Peggy, sem Corky
leigir hjá, þekkir hann aftur og milli
þeirra hefst ástarsamband. Eiginmann-
inn grunar að ekki sé allt með felldu og
í lokaatriði myndarinnar fer fram
lokauppgjör milli hans og Corky og
síðast en ekki síst milli Fats og Corky.
Ekki er ástæða til að rekja þau endalok
svo væntanlegir áhorfendur hafi
eitthvað til að velta vöngum yfir.
Lifandi brúða
Eftir að hafa lesið bók Williams
Goldman var undirritaður vantrúaður
að hægt væri að gera kvikmynd eftir
þessu efni, því það byggist töluvert á
imyndunarafli lesandans sem erfitt er
að ná fram í kvikmyndum. Eftir þeim
dómum og greinum sem birst hafa
virðist þetta þó hafa tekist og er
Athony Hopkins í hlutverki Corky
talinn burðarás myndarinnar. í tilefni
Kvik
myndir
BaldurHialtason
hlutverksins hafði hann Fats hjá sér svo
mánuðum skipti þannig að hann var
orðinn einn af fjölskyldunni. Leikstjór-
inn Attenborough heldur því fram að
brúðan hafi verið meðhöndluð líkt og
lifandi meðan á töku myndarinnar
stóð, svo nákomin var hún orðin þeim
sem stóðu að kvikmynduninni. Sjálfur
segir Hopkins að á köflum hafi hann
verið að gefast upp þvi hann hafi ekki
séð hvemig hann gæti túlkað þetta tvö-
falda hlutverk. Enda afþakkaði fjöldi
þekktra leikara hlutverk Corky þvi
þeim þótti þaðof érfitt. Af öðrum leik-
urum myndarinnar má nefna Ann-
Margret og Burgess Meredith en sú
fyrrnefnda fer hér meðhlutverk sem er
andstæða þeirrar ímyndar sem hún var
búin að skapa sér í fjölmörgum
,,glamor”hlutverkum.
Ekkert nýtt
Efni myndarinnar Magic er ekkert
nýtt því áður hefur verið fjallað um
samband búktalarans og brúðu hans. í
myndinni The Great Gabbo (1929) fór
Eric Von Stroheim með hlutverk búk-
talara sem túlkaði allar tilfinningar
sínar gegnum brúðuna. Þekktasta
myndin er liklega Dead of Night (1946)
þar sem Michael Redgrave túlkaði á
frábæran máta búktalarann. Af öðrum
myndum má nefna Devil Doll og The
DummyTalks.
Þótt þessari mynd sé lokið er sam-
starfi þeirra Hopkins og Attenbor-
oughs ekki lokið. Hopkins hefur leikið
áður undir stjórn hans í Young
Winston og A Bridge Too Far. Nú er
ætlunin að hann fari með hlutverk
Ghandi í kvikmynd sem byggð er á ævi-
sögu hans en þessi mynd hefur lengi
verið draumur Richard Attenboroughs.
En hvenær kemur svo MAGIC?
Eftir þeim upplýsingum sem ég hef
dreifir 20th Century Fox myndinni svo
hún ætti að skjóta upp kollinum í Nýja
bíói þegar þar að kemur. Veggspjaldið
er þegar komið upp svo við skulum
vona að það verði sem fyrst.
Corky og Fats skemnta áhorfendum meðan allt lék I lyndi.
KALSO
SANDALAR
X
NR. 41-46
VERÐ
KR. 12.830.-
SANDALARNIR MEÐ MÍNUSHÆL.
LITIR: HVÍTT LEÐUR EÐA NATUR LEÐUR
STÆRÐIR: NR. 36-40.
VERÐ KR. 12.330.-
% 'ý' 4l..........
4'-;. '■
< ^ r
■' / V.
W í '
PÓSTSENDUM
Skóverzlun
ÞÓRÐAR PETURSSONAR
Kirkjustræti 8 v/Austurvöll. Sími 14181