Dagblaðið - 05.06.1979, Blaðsíða 37
ÁSGEIR
TÓMASSON
DAGBLAÐIÐ. ÞRIÐJUDAGUR 5. JÚNÍ 1979.
„Það verður því miður ekkert af
því að við förum norður í land til
hljómleikahalds að þessu sinni, þó að
fullur vilji til þess sé hjá hljómsveit-
inni,” sagði Egill Ólafsson Þursa-
flokksstjóri í samtali við Dagblaðið á
föstudaginn. „Við vorum búnir að fá
vilyrði fyrir leikhúsinu á Akureyri, en
ætluðum að fá að halda eina hljóm-
leika í Dynheimum til að ferðin stæði
undir sér. Fyrst í stað fengum við já-
kvæðar undirtektir, en síðan var
okkur tilkynnt að stefna hússins væri
að taka helzt ekki inn langt að
komnar hljómsveitir.”
Egill kvað hljómsveitina vera að
vinna að því um þessar mundir að
skipuleggja tónleika á Austfjörðum.
Ekkertverdur i
afnordurferð |
Þursafhkksins
Komið hefur til tals aó flokkurinn fari til Los Angeles
ÁSGEUt «>■**!*■■■«»
Þursabit, sem væntanleg e
Þursaflokkurinn siglir utan með
Smyrli 23. júní og þarf því hvort sem
er að fara austur. Með Smyrli fer
flokkurinn til Færeyja, þar sem hann
leikur dagana 25. og 26. júní. Þaðan
fer Þursaflokkurinn til Danmerkur.
„Við erum einnig að athuga með
annað ferðalag áður en við förum til
Danmerkur,” sagð Egill. „Það hefur
komið til tals að við förum til Los
Angeles fljótlega eftir hljómleikana í
Laugardalshöll þann 12. júní. íslend-
ingafélagið í Los Angeles hefur óskað
eftir því að við kæmum út, en hins
vegar eru einhver vandkvæði á að við
komumst heim aftur ef af ferðinni
verður.”
Egill sagði að ef af ferð Þursa-
flokksins til Los Angeles yrði, myndi
hann væntanlega leika á tveimur til
þremur konsertum.
Áætlanir um útkomu nýju Þursa-
flokksplötunnar, sem hefur hlotið
nafnið Þursabit, standast enn sem
komið er. Hún verður væntanlega
komin í verzlanir um næstu helgi,
sennilega þó mánudagsmegin við
helgina.
- ÁT
PattiSm'ith— Wave
Blanda rokklaga
og illmeltandi
þungmetis
Bandaríska söngkonan Patti Smith
á sér nokkra trygga aðdáendur hér á
landi. Hún er búin að vera á plötu-
markaðinum síðan seint á árinu 1975
og hefur stjarna hennar stöðugt farið
vaxandi. Hún sló þó ekki almenni-
lega í gegn fyrr en í fyrra, er hún söng
lagið Because The Night inn á plötu.
Nýjasta plata hennar ætti að vera
þeim kærkominn gripur, sem fyrst
tóku að hlusta eftir henni í fyrra.
Þessi nýja plata heitir Wave. Hún
er blanda grípandi, kraftmikilla
rokklaga og illmeltandi þungmetis,
sem höfðar tæpast til annarra en
svarinna aðdáenda Patti Smith. Sem
dæmi um „léttmeti” á Wave má
nefna lögin Frederick, Dancing Bare-
foot og So You Wanna Be A
Rock’n’Roll Star. Hið síðastnefnda
er eftir tvo af stofnendum hljómsveit-
arinnar Birds, þá Roger McGuinn og
Chris Hillman. Lagið er einnig að
finna á fjórðu plötu Birds, Younger
Than Yesterday.
So You Wanna Be A Rockn’n’Roll
Star er kraftmesta lag plötunnar og
að mínu mati það skemmtilegasta.
Einnig er Frederick mjög áheyrilegt,
en minnir fullmikið á Because The
Night. Þá er ónefnt Iítið lag eða öllu
heldur sálmur, Hymn, sem er anzi
góður. Flutningur Patti Smith á
Hymn minnir dálítið á raul Megasar í
Nú er ég klæddur og kominn á ról.
Það minnir einnig á að Patti Smith
hefur allt frá upphafi verið orðuð við
pönk. Þau áhrif í tónlist henr.ar fara
þó sífeUt dvinandi.
- ÁT
Starfsmaður óskast
Kópavogskaupstaður óskar eftir starfsmanni
til þess að stjórna malbikunarvél og útlögn
malbiks og olíumalar í Kópavogi.
Reynsla við slík störf æskileg.
Umsóknir sendist til Bæjarverkfræðings
Kópavogs fyrir 15. júní nk.
Bæjarverkfræðingur
Paul McCartney náöi
metsamningi við Columbia
Paul McCartney og hljómsveitin
Wings undirrituðu fyrir fáeinum
dögum stærsta plötusamning sem
geröur hefur verið fyrr og síðar. Aðal-
atriði þessa risasamnings eru þau að á
nsestu þremur árum á Paul og hljóm-
sveitin að hljóðrita níu breiðskífur
fyrir Columbia útgáfuna. Fyrir það
lltilræði fá listamennirnir tvær
milljónir dollara (samsvarandi um 670
milljónum íslenzkra króna) í fyrir-
framgreiðslur á ári og allt að 27
prósent af söluhagnaði platnanna í
höfundarlaun.
Til þess að útgáfan beri sig er talið
að hver plata McCartneys og Wings
verði að seljast i þremur til fimm
milljónum eintaka. Yfir þrjár milljónir
pantana eru nú komnar á næstu plötu
Wings.
Það var Columbia fyrirtækið sem
bauð Paul og Wings þennan stærstá
plötusamning til þessa i febrúar siðast-
liðnum. Alls kyns kjaftasögur komust
á kreik, þar eð langur tími leið á milli
þess sem Paul McCartney samþykkti
tilboðið og þar til það var kunngert.
Stevie Wonder var sá tónlistar-
maður sem hagstæðustum samning-
unt hafði náð við hljómplötufyrirtæki
þar til Paul og Wings slógu metið.
Samningur hans hljóðaði upp á
þrettán milljón dollara greiðslur á
fimm árum. Þá er Elton John aldeilis
ekki blankur, því að hann á að fá átta
milljónir dollara á fimm árum. Eitt
sinn átti Neil Diamond metið. Þá
samdi hann við Clive Davis fyrrum
forstjóra Columbia og núverandi aðal-
mann Arista fyrirtækisins um fimm
milljón dollara greiðslu á nokkrum
árum.
Varanleg álklœðning
á allt húsið
Samkvæmt rannsóknum sem Rannsóknastofnun byggingariðnaðarins hefur gert á
steypuskemmdum og sprungumyndunum á húsum, hefur komið í Ijós að eina varanlega lausnin,
til að koma í veg fyrir leka og áframhaldandi skemmdir, er að klæða þau alveg til dæmis
með álklæðningu.
A/klæðning er seltuvarin, hrindir frá sér óhreinindum, og þolir vel íslenska veðráttu.
A/klæðning er fáanleg í mörgum litum sem eru innbrenndir og þarf aldrei að mála.
Leitið nánari upplýsinga og kynnist möguleikum A/klæðningar.
Sendið teikningar og við munum reikna út efnisþörf og gera verðtilboð
yður að kostnaðarlausu.
FULLKOMIÐ KERFI TIL SÍÐASTA NAGLA
INNKAUP HE
ÆGISGÖTU 7, REYKJAVÍK - SÍMI 22000 - PÓSTHÓLF 1012.