Dagblaðið - 12.06.1979, Blaðsíða 3
DAGBLAÐIÐ. ÞRIÐJUDAGUR 12. JÚNÍ 1979.
3
Hver hefur brugðizt?
Skafti Skúlason skrifar:
Nú er lokið stormasömu þingi þar
sem ungir menn hafa gert tilraun til
að færa til betri vegar það sem hefur
verið misgjört á undanfarandi árum
og áratugum í þjóðfélagi okkar.
Fylgzt hefur verið með af athygli
vegna þess að þeir gáfu vonir um
breytt og betra líf í komandi
framtíð. Ekki hefur farið framhjá
neinum að þeir hafa verið undir
ámæli gamalla og reyndra samþing-
manna sinna fyrir kúnnáttuleysi og
framapot, sem gamlar kempur óttast,
þar sem nálægt þeim er komið og
stöðu þeirra ógnað. Þetta er að
mörgu leyti skiljanlegt viðhorf hjá
þeim sem í öllu þessu öngþveiti á
liðnum árum hafa misst sjónar á
markmiðum.
Breytt
vinnubrögð
Engum dylst að breytt vinnubrögð
hafa verið á alþingi í vetur, en
afstaða hinna eldri þingmanna er
ekki réttlætanleg þegar hugsað er um
framtíð íslenzkrar þjóðar og þeirrar
staðreyndar að ekki hefur verið tekið
á vandamálum þjóðarheildarinnar á
undanfarandi árum af þvi hugrekki
og framsýni sem til þurfti. Skamm-
tímasjónarmið tekið fram fyrir það
sem hefði verið réttara. Nú bregður
svo við að jafnvel einstaklingurinn í
þjóðfélaginu, sem ekki hefur getað
gert sér vonir, eygir framundan það
sem hann hefur ekki þekkt áður,
vonina um frelsi og réttlæti á borði
en ekki bara sem uppsláttarorð. Mál
sem hefur um áratugi verið meinsemd
og ómælanlegur skaðvaldur, sem
lamað hefur heilan atvinnuveg í ára-
tugi, sem annars hefði getað verið
innlegg í sókn okkar ti! betri þjóðar-
afkomu, er til Iykta leitt vegna
hugrekkis og lifsviðhorfs ungu
mannanna sem setið hafa á alþingi í
vetur. Þeim tókst að ná samstarfi við
þá menn sem i hjarta sínu hafa viljað
gera gott en hafa ekki fundið fyrr en
á þessu þingi þá einstaklinga sem hafa
þorað og ekki eru háðir neinu fast-
mótuðu kerfi, þar sem hagsmuna-
hópar taka ákvörðun fyrir þá. Með
þessu hafa þeir sýnt okkur að það er
barizt fyrir kerfisbreytingu. Þrátt
fyrir sjáanlegar staðreyndir verður
þess vart að móti raunverulegum vilja
okkar látum við þá maskínu sem
hugsað hefur fyrir okkur og leitt
þangað sem við erum komin í dag
móta hugmyndir okkar um þessa
menn.
Laxalóns-
málið
Gott dæmi um að þeir hafa ekki
brugðizt vonum manna um betri
framtíð er lausn á 30 ára deilumáli
sem tekið hefur þrek og þor frá
mörgum, en það er hið svokallaða
I.axalónsmál sem undir forystu ungu
mannanna fékk þær lyktir á þessu
þingi sem allir þekkja. Einstaklingur-
inn sem hefur þvælzt í kerfinu í 30 ár
fékk staðfest að hann var á réttri
braut. Þetta þýðir að hætt verður að
deila og hægt að snúa sér að verk-
efninu af fullu afli. Hvað gefur vonir
ef ekki forusta þessara ungu manna,
sem við megum ekki undir neinum
kringumstæðum bregðast, vegna þess
að þá drepum við vonina um að hægt
sé að skapa okkur öruggari framtíð.
Látum það ekki villa okkur sýn þótt
reynt sé að sýna okkur fram á að
þessir ungu menn hafi ekki gert
kraftaverk á sínu fyrsta þingi. Þeir
eru ekki galdramenn og hafa þurft að
gefa eftir í ýmsum málum enda við
ramman reip að draga, og ekki lagað
á einum vetri það sem hefur verið
eyðilagt á mörgum árum. Við megum
ekki bara veita ungu mönnunum
aðhald, heldur verðum við einnig að
gefa þeim stuðning okkar svo raddir
þeirra hljóðni ekki. Þá eru það ekki
bara þeir sem hafa brugðizt heldur
fjöldinn sem vonar með þeim.
Smáauglýsingar
BIAÐSINS
Þverholti11 sími 2 70 22
Opið til kl.tO í kvöld
Spurning
dagsins
Fórstu í kvik-
myndahús um
helgina?
Sigurjón Þórðarson.cigandi Efnalaug-
arinnar Hátúni 4a: Nei, ég fer ekki i
bíó nemasvonatvisvaráári.
Birgir Guðmundsson, bryti vs. Þór:
Nei, ég var að koma af sjónum en ætla
að bregða mér i bió í kvöld.
Guðrún Þorbergsdóttir, verzlunar-
maður og nemi: Nei, það gerði ég nú
ekki en fer stundum ef boðið er upp á
góðar myndir.
Guðmundur Ingason, starfsmaður
Framleiðslueftirlits sjávarafurða: Nei,
en fer oft í bíó. Undanfarið hef ég bara
haft svo mikið að gera að ég hef ekki
gefið mér tima til að skreppa í kvik-
myndahús.
Uddur Oddsson, starfar ekkert eins og
er: Nei, og fer mjög sjaldan.
Katla Henje, bankaritari og húsmóðir:
Nei, það gerði ég ekki en fer stundum.