Dagblaðið - 19.06.1979, Blaðsíða 7

DAGBLAÐIÐ. ÞRIÐJUDAGUR 19. JÚNÍ 1979.
Erlendar
fréttir
ÓLAFUR
GEIRSSON
I
REUTER
i
Jamaica:
Þrjátíuogtveir
farastíflóðum
Þrjátíu og tveir hafa fundizt drukkn-
aðir eftir mestu flóð í sögu Jamaica í
Karabiska hafinu. Auk þess er enn
nokkurra saknað. Flóðin komu eftir
miklar rigningar í síðustu viku en þá
misstu þúsundir manna heimili sín.
Portúgal:
140 MILUON DOLLr
ARA FYRIR HER-
STÖD Á AZOREYJUM
Bandaríkin og Portúgal gengu í
gær frá endurnýjun samkomulags
um afnotarétt Bandaríkjamanna á
herstöð á Azoreyjum í Atlantshafi.
Við kvöldverðarboð, sem Cyrus
Vance, utanríkisráðherra Bandaríkj-
anna, var haldið í boði portúgalska
utanríkisráðherrans sagði Vance að
þessi samningur ríkjanna væri í sama
anda og Salt II samkomulag Sovét-
ríkjanna og Bandaríkjanna.
Samkvæmt samkomulaginu fá
Bandaríkjamenn rétt til að nota her-
stöðina fram til ársins 1983. Að
endurgjaldi kemur 140 milljón doll-
ara framlag. Jafngildir það um það
bil fjörutíu og átta milljörðum ís-
lenzkra króna. Verður hluta fjárins
varið til að styrkja Portúgali á hern-
aðarsviðinu en hinn hlutinn verður
lagður fram sem efnahagsaðstoð.
Herstöðin á Azorereyjum er notuð
af bandaríska flughemum til að hafa
eftirlit með hreyfingum sovézkra kaf-
báta á Atlantshafinu. Einnig milli-
lenda flutningaflugvélar á eyjunum á
leið sinni með birgðir til bandarískra
herja í Evrópu, auk þess sem sjötti
flotinn bandaríski fær þar nokkra
Iþjónustu. Hann er staðsettur á Mið-
jarðarhafinu.
Noregur:
HOFUMGRÆTT
ÁLAUNA-OG
VERÐLAGS-
TlRLTTl
Noregur hefur haft gagn af þeim ráð-
stöfunum, sem verið hafa i gildi að
undanförnu í þá átt að hafa eftirlit og
stjórn á verðlagi og kaupgjaldi, segir
Odvar Nordli forsætisráðherra lands-
ins. Hafi þessar ráðstafanir gert sitt
gagn þrátt fyrir þau áhrif, sem þær hafi
á frjálsan markaðsbúskap.
Nordli sagði þetta í ræðu sem hann
flutti í gær í San Francisco i Kaliforníu
en þar er hann í opinberu ferðalagi .
Forsætisráðherrann sagði að tekizt
hefði að draga úr verðbólgu um nærri
því fimm af hundraði á síðustu tólf
mánuðum. Þetta hefði tekizt þrátt fyrir
þá stefnu norsku stjórnarinnar að
tryggja jafnframt fulla atvinnu, sem
hefði tekizt. Atvinnuleysið hefði aldrei
farið fram úr því að vera á milli einn og
tveir af hundraði.
Vegna þess að ræða norska forsætis-
ráðherrans var haldin í Bandaríkjunum
tók hann það sérstaklega fram að
Norðmenn stefndu að auknum útflutn-
ingi þangað vestur. Bandaríkin væru
nú í fjórða sæti þeirra ríkja sem selja
vörur til Noregs. Sagði Nordli að
ætlunin væri að setja á fót nokkrar
norskar söluskrifstofur i Bandaríkjun-
um innan skamms. Aðspurður vildi
forsætisráðherrann ekki segja nánar
um hvenær slíkar skrifstofur yrðu
settar á fót.

HongKong:
FLÓTTAMENN
ENDURSENNR
Yfirvöld i Hong Kong eru nú búin að fá sig fullsödd á
stöðugum straumi flóttamanna frá Kina til borgrikisins.
Um það bil þrjú þúsund manns voru gripin við tilraunir
til að komast til borgarinnar i síðustu viku en fjörutiu og
fjórum þúsundum hefur verið snúið við til Kína það sem
af er þessu ári. Yfirvöld i Kína og þá sérstaklega i suður-
hluta landsins, hafa nú hafið áróður meðal fólks að
hætta þessum flóttatilraunum. Myndin sýnir kínverska
flóttamenn, sem verið er að snúa til baka, fá matarbita
áður en lagt er í hann.

r IjPPja > s&snM 1 ^ aá á ”
.. -T . ',mr-

m&m fmm
Nicaragua:
Somozaboöar
stórsókn
Svo virðist samkvæmt fregnum frá
Nicaragua að þjóðvarðlið Somoza
einræðisherra sé að undirbúa sókn
gegn skæruliðum sandinista i norður-
hluta landsins. Þar hörfaði þjóðvarð-
liðið á brott um síöustu helgi undan
þungri sókn skæruliða. Að sögn tals-
◄
Þessar tvær myndir eru frá Nicara-
gua, Mið-Ameríkuríkinu sem er svo
hrjáð af bardögum á milli þjóðvarð-
liðs Somoza einræðisherra og skæru-
liða sandinista. Á þeirri til vinstri sést
lítil flóttastúlka en fjöldi óbreyttra
borgara, sem flýr bardagasvæðin
eykst stöðugt að sögn sjónarvotta.
manna stjórnarhersins var undan-
haldið gert til að bæta stöðu hersins.
Sandinistar hafa því haft á valdi
sínu bæði Leon næststærstu borg
landsins og Matagalpa, sem sögð er
mikilvæg samgöngumiðstöð. Leon
hefur^verið að mestu í höndum
skæruliða undanfarnar tvær vikur.
Þar náðu þeir skriðdrekum úr
höndum þjóðvarðliða og beittu þeim
gegn fyrri eigendum.
Fulltrúar sandinista, sem nefna sig
eftir forseta á þriðja áratugnum hafa
haldið því fram að Bandaríkin sjái
Somoza fyrir vopnum fyrir milli-
göngu annarra ríkja í Mið-Ameríku
eins og Honduras. Somoza segir
sandinista ekki vera annað en
fámennan hóp kommúnista sem ekki
stefni að öðru en koma upp sams-
konar þjóðskipulagi og á Kúbu.