Dagblaðið - 19.06.1979, Blaðsíða 8
8
DAGBLAÐIÐ. ÞRIÐJUDAGUR 19. JÚNÍ 1979.
DILKASLÖG
Seljum nœstu daga
DILKASLÖG
/ 3ja, 5 og 10 kg pökkum.
Verö kr. 480pr. kg.
SÍM111636
LAUGAVEGI 78
Menntamálaráðuneytið óskar
að leigja
einbýlishús
frá 15. ágúst nk. til afnota fyrir fjöl-
skylduheimili. Æskilegur leigutími 2 ár.
Tilboð merkt „1908” sendist blaðinu
fyrir 22. júní.
Sauðárkróksbúar
Kosning um hvort opna eigi áfengisút-
sölu á Sauðárkróki fer fram sunnudag-
inn 24. júní nk. Kjörstaður er í Bókhlöð-
unni við Faxatorg og verður hann opinn
frákl. 10—22. Utankjörfundaratkvæða-
greiðsla hefst á bæjarskrifstofunni við
Faxatorg þriðjudaginn 19. júní og
stendur til laugardagsins 23. júní frá kl.
9—5 daglega.
Bæjarstjóri
Wagoneer árg. '76, sjðlfskiptur með vökvastýri og -
bremsum, útvarp og segulband, styrktur, fallega
klæddur, einangraður, vindskeið, dráttarkrókur,
quadra track. Skipti á fólksbíl möguleg. Aðeins ekinn
49 þús. km.
Hver á að friða Bemhöftstorfuna — borgin eða ríkið?
Sigurjón gefur
boltann til Ragnars
„Ég trúi ekki öðru en ríkið hætti að
láta eigur sínar grotna niður,” sagði
Sigurjón Pétursson, forseti borgar-
stjórnar, í samtali við DB er hann var
inntur eftir framtíð Bernhöfts-
torfunnar margfrægu. Borgarráð gerði
samþykkt nýlega þar sem lýst var yfir
stuðningi við samþykkt húsfriðunar-
nefndar um að friða torfuna. Eins og
fram hefur komið í DB áður geta tveir
áðilar tekið ákvörðun um friðun húsa,
menntamálaráðuneytið og sveitar-
stjórnir. Að sögn Sigurjóns hefur borg-
arstjórn einungis samþykkt friðun eigin
húsa hingað til en ekki friðað hús
annarra, hvorki rikisins né einstak-
linga. Ef borgarstjórn ákveður að friða
Torfuna, hús sem ekki er í eigu borg-
arinnar, heldur ríkisins, þá á hún á
hættu að þurfa að greiða eiganda
bygginganna skaðabætur.
En ef friðunarsjónarmiðið er einnig
ofan á í menntamálaráðuneytinu er
ekkert þvi til fyrirstöðu að ráðuneytið
friði byggingarnar og þar sem það er
einhig eigandi húsanna á það ekki á
hættu að verða krafið um skaðabætur.
Engu er þvi líkara en Sigurjón
Pétursson, forseti borgarstjórnar, hafi
gefið boltann til flokksbróður síns,
Ragnars Arnalds, og nú sé það hans að
taka ákvörðun um að friða Bemhöfts-
torfuna. Ragnar er erlendis sem
stendur og á meðan fær Torfan að
grotna niður.
-BH.
Útgerðarmenn smábáta ánægðir með afkomuna:
Tveggja daga Breiðafjarðartúr gaf
rúma milljón íaflaverðmæti
— 7% olfustyrkur er góð björg í olíuhækkuninni
,,Við erum búnir að vera rúman
hálfan mánuð á handfærum og það
hefur gengið heldur illa,” sagði Grét-
ar Pálsson, sem við fundum um borð
í bát hans, Sæljóma, í Sandgerðis-
höfn. „Undantekningin er einn túr
sem við fórum til Breiðafjarðar. Þá
höfðum við 8 tonn á tveimur dögum,
helmingurinn stórþorskur og
helmingur minna. Fyrir stórþorskinn
fást núna 160 þúsund krónur fyrir
tonnið. Þessi túr losaði því milljón
króna í aflaverðmæti og þrír menn
voru í áhöfninni. En þetta tekur
tíma, við vorum 14 tima á miðin en
þau voru í norðanverðum Breiðafirði
þar sem vantaði 16 mílur í Látra-
bjarg,” sagði Grétar.
Grétar er 42 ára og hefur stundað
sjóinn í rúm 20 ár. Sæljómi er annar
báturinn hans og hefur reynzt miklu
betur en frambyggður 9 tonna stál-
bátur sem hann átti áður. Grétar bjó
áður og gerði út frá Hafnarfirði en er
nýkominn til Sandgerðis þar sem
aðstaða er mun betri til línuveiða sem
hann stundar hálft árið.
„Við vorum á netum áður en við
tókum handfærin. Það var stórfint.
Á 5 vikum höfðum við 150 tonn, en
þá voru fjórir í áhöfn,” sagði Grétar.
„Mér lízt ekki illa á útgerð svona
báta í framtíðinni. Þegar komin eru
þessi 4,5% í viðbót við 2,5 prósentin
til olíukaupa, eða 7% í olíustyrk, þá
held ég að vel megi við það una.”
Á handfærin draga þeir mikinn
ufsa og í Sæljóma var rúmt tonn af
stórufsa er DB-menn komu um borð.
„Ufsinn er óútreiknanlegur,
stundum góður afli, stundum lítið
eins og nú. Stórufsinn leggur sig á
u.þ.b. 1000 krónur. Oft skeður það
að á handfærið kemur fiskur á alla
önglana sex og fást þá 6000 krónur
fyrir rennslið. Þetta gefur því vel i
aðra hönd ef við dettum í góðan
ufsa,” sagði Grétar.
Grétar sagði að fiskurinn væri
seinna á ferðinni nú en undanfarin
ár, og mætti þar líklega um kenna
óvenjulegum kulda í sjónum.
ASt.
15 ára sonur skipstjórans
FÉKK109 ÞÚSUND Á
TVEIMUR DÖGUM
í lestaropinu stendur Grétar Pálsson skipstjórí með einn stórufsann og á dekki er
15 ára sonur hans, Haraldur, með annan.
DB-mynd Ragnar Th. Sig.
Synodus
hefstídag
Á Sæljóma með Garðari var sonur
hans Haraldur, 15 ára gamall. Þetta
er annað sumarið hans á sjónum og
kann hann starfinu vel.
„Ég fæ 50% af verði þess afla sem
ég dreg,” sagði Haraldur. „Þetta
gefur mjög misjafnt í aðra hönd. í
Breiðafjarðartúrnum góða dró ég fisk
fyrir 218 þúsund krónur og fékk því
109 þúsund fyrir túrinn. í þessum
síðasta túr dró ég um 200 kg og fæ því
ekki nema 12 þúsund krónur fyrir
tveggja daga túr. En góðu dagarnir
jafna þetta vel upp, svo launin eru
bara góð,” sagði Haraldur.
-ASt.
Eyrarbakki:
Þjóðhátíðin
flutt í
kirkjuna
Veðrið skartaði ekki sínu fegursta á
Eyrarbakka á þjóðhátíðardaginn en
það gerðu Eyrbekkingar aftur á móti.
Til stóð að hafa hátíðahöldin úti en
þeim var bjargað undan rigningunni
inn í Eyrarbakkakirkju og samkomu-
húsið. Hátíðin hófst með guðsþjónustu
i kirkjunni og að henni lokinni fluttu
menn sig yfir í samkomuhúsið þar sem
fjallkonan ávarpaði samkomugesti.
Dansaðir voru vikivakar og Helgi
Sæmundsson flutti hátíðarræðu.
Rúsínan í pylsuendanum var svo
söngur Karlakórs Selfoss í kirkjunni.
Þjóðhátíðinni lauk siðan um kvöldið
með dansi en fyrr um daginn var kvik-
myndasýning og diskótek fyrir yngstu
kynslóðina.
GAJ/MKH, Eyrarbakka.
Prestastefnan hefst í dag og verður
hún haldin á ísafirði. Aðalefni presta-
stefnunnar að þessu sinni er: Trúar-
iðkun, tilbeiðsla. Um það fjalla fram-
sögumennirnir sr. Amgrímur Jónsson
og sr. Örn Friðriksson og
umræðurhópar sem í er skipað land-
.fræðilega eftir búsetu presta. Gestur
prestastefnunnar er að þessu sinni
danskur fræðimaður, O. Villumsen
Krog. Hann hefur ferðazt um allt
ísland og gert úttekt á íslenzkum
kirkjugripum. Mun hann flytja erindi
með litskyggnum um helztu dýrgripina
og ræða vörzlu þeirra og varúðar-
ráðstafanir í þeim efnum. Stefán
Jóhannsson áfengisráðunautur að
Vífilsstöðum mun flytja erindi,
Áfengismál og drykkjusjúkir. Presta-
stefnunni verður slitið í Hólskirkju í
Bolungarvík og bjóða Bolvíkingar til
veizlu þar. Að venju verða tvö
synoduserindi flutt í útvarp: frú Hilda
Torfadóttir ræðir efnið: Börnin og
kærleikurinn og dr. Gunnar Kristjáns-
son fjallar um Leit að nýjum lifsstíl.
GAJ-