Dagblaðið - 23.06.1979, Blaðsíða 2
DAGBLAÐIÐ. LAUGARDAGUR 23. JÚNÍ 1979.
2
r
Mælir lögreglan aðeins hraða
í góðu veðri?
„Heyrðu vinur, þó þú sért að flýta þér þá eru nú takmörk fyrir öllu.”
DB-mynd: Sveinn Þormóðsson.
Lesandi hringdi:
Hvers vegna mælir lögreglan í
Reykjavík aldrei ökuhraða í Reykja-
vík í rigningu og vondu veðri, heldur
aðeins þegar gott er veður? Er ekki
augljóst að slysahætta vex einmitt
t.d. í rigningu og slæmu skyggni?
Óskar Ólason yfirlögregluþjónn
svaraði spurningunni fyrir hönd
lögreglunnar:
— Það er fljótsagt, að fullyrðingin
sem í spurningunni felst er alröng.
Nægir að benda á að í morgun (20.
juní) var úrhellisrigning i Reykjavík
og þá voru lögreglumenn komnir
með radarinn út á götur til að mæla
ökuhraða. Við látum því veðrið ekki
á okkur fá, að því undanskildu að við
erum hræddir við hraðamælingar í
ísingu og hálku vegna slysahættu.
Hafa aðgerðir lögreglunnar borið
árangur t þá átt að draga úr ökuhraða
og minnka slysahættu?
— Já, enda sýna tölur að slysum
hefur fækkað og nærtækt er að
þakka það minni umferðarhraða. í
maí sl. slösuðust 8 manns i Reykja-
vík, 4 mikið og 4 lítið, i maí 1978
slösuðust 18 manns, 12 lítið og 6
mikið, í maí 1977 slösuðust 16
manns.
Og nú er tekið mun harðar á
umferðarlagabrotum, ekki satt?
— Það er rétt að t.d. sektir hafa
hækkað verulega og viðurlög hafa
verið hert. Ökumaður, sem staðinn er
að þvi að aka á 100 km hraða á
götum borgarinnar, missir ökuskír-
teinið á staðnum og lendir auk þess í
háum fjársektum.
Eru slík tilvik algeng?
— Nei, en þetta kemur fyrir. í dag
var t.d. enginn tekinn fyrir slikan
glannaakstur. Hins vegar mældum
við 80 km hraða hjá nokkrum öku-
mönnum á Hringbraut. Ég get ekki
sagt um það hvað dómarinn telur
sanngjarnt að þeir fái fyrir brot sitt,
en lægsta sekt fyrir of hraðan akstur
erkr. 12.000.
Þú mátt svo minna ökumenn á það
í lokin að þessa dagana er lögreglan
að byrja á að ganga hart fram í að
menn láti skoða ökutæki sín. Þeim i
Bifreiðaeftirlitinu þykir skoðun
ganga hægt. Minna má á að við
bætast 9.000 kr. í sekt hjá ökumanni
sem staðinn er að því að sinna ekki
skoðunarskyldu fyrir bíl sinn, sagði
Óskar Ólason.
Rockvillc-stöóin á Miönesheiöi.
Rockville-handtakan:
DB-mynd Sveinn Þormóðsson.
Eggjataka
erólögleg
J. B. H. hringdi:
Ég vil gera athugasemd við fréttina
i blaðinu í dag (21. júní) um hand-
töku hjóna úr Keflavík fyrir að vera
of nálægt Rockville-stöðinni á
Miðnesheiði. Ég get ekki betur séð en
tilgangur þeirra hafi verið sá að tína
kríuegg á heiðinni, nokkuð sem er
ólöglegt athæfi samkvæmt fugla-
verndunarlögum. Ég held að lögregl-
an í Keflavík ætti að gera eitthvað í
því að vernda þetta varp fyrir ágangi
fólks.
HÚSNÆDIÓSKAST TIL LEIGU
Áhugamannafélag í Reykjavík óskar eftir að taka á
leigu jarðhæð ca 100 ferm með einni innaksturshurð,
má vera hvort heldur sem er í Reykjavík eða Kópavogi.
Tilboð óskast lögð inn hjá Dagblaðinu fyrir 1. júlí 1979
merkt „Húsnæði 99”.
„Fimm stjömu hótel
—um spítalahótel og starfsf ólk þess
Sigurður J. Kristjánsson skrifar:
Það er ekki ofsögum sagt að tækn-
inni fleygi fram i heimi þessum, þó
alltaf séum við feti aftar, hygg ég að
sumir segi. Ég ligg nú á spítala í
fyrsta sinn á ævinni (og vona að ég
þurfi ekki að gera það oft). Alla vega
er tæknin merkileg þar, það getur
verið að hún megi vera meiri. Þetta
eru fin hótel eins og sumir segja, ætla
ég ekki að ræða um ósköpin, það
eilífa umræðuefni, verðið á hótel-
rúmunum. Ég læt aðra um það. Þau
fáu og fátæklegu lýsingarorð sem
koma frá mér í jsessu lesendabréfi
verða um dýrðina og á að lýsa þakk-
læti mínu. Auðvitað á ekki að segja
að það sé dýrðlegt að fara á spítala.
En ég hygg að starfsfólkið upp til
hópa hafi aldrei fengið það sem það á
skilið fyrir sin óeigingjörnu störf.
Ég hygg að ég eigi ekki nógu sterk
orð yfir dýrðina, en notum orðið dá-
samlegt. Ég endurtek að allt og allra
er þetta óeigingjarnt starf og ef eitt-‘
hvað væri hægt að kalla köllun, þá
hygg ég að þessi störf séu það. Tök-
um fyrst fyrir læknana og verðandi
lækna. Þarna sigla þeir í öllu sínu
veldi (þetta er þeirra heimsveldi), inn
til okkar sængurfatafólksins, með
bros á vör, traustvekjandi en virðu-
legir. Þeir hlusta, banka, þrýsta og
tala, spurningar eru ofarlega á baugi,
þeir verða að vera hógværir og með
„fulla fimm”. Ekkert má fara úr-
skeiðis. Þá eru það meinatæknar.
Þarna koma þeir með glös og nálar,
lipurð og öryggi. Karlkynið verður
fyrir losti. Það eru línuritameistarar
og myndasmiðir. En dýrðin stendur
stutt yfir, dásainlegheitin horfin.
Þetta rannsóknarfólk kemur og fer.
Það kannar og úrskurðar og þegar
allri alvöru er sleppt og gamanið
grípur inn í þá er maður dreginn í
dilka, já við erum eins og lömbin
þeirra.
Mesta dánufólk
Það er komið að rúsínunni í pylsu-
endanum. Hér höfum við hjúkrunar-
fræðinga, sjúkraliða, gangastúlkur
og ræstingakonur, allt er þetta mesta
dánufólk. Þarna er búið um rúmið
svo aldrei sé maður í öðru en hreinu
og svölu rúmi. Sé maður hjálparvana
er maður þveginn og strokinn af
mjúkum meyjarhöndum á þann veg
sem þeim er einum lagið. Þið takið
eftir að orð mín beinast mest að
kvenþjóðinni, en einn karlmann hef
ég orðið var við og er þar ábyggilega
ekki um síðri hjúkrunarfræðing að
ræða en kvenþjóðin er. En ég held
mér við kvenfólkið, við það hef ég
mest að sælda.
Erfittað
fara aftur
Erfitt getur verið að koma manni á
spítala, en oft gæti verið erfiðara að
koma manni þaðan aftur og á ég þar
ekki við vegna veikinda. Þarna eru
þær hlýlegar, hlúandi að okkur,
umburðarlyndar og frjálsar í fasi.
Ekkert getur raskað jafnvægi þeirra.
Verði þær fyrir mótlæti fá heimilis-
hlutirnir að kenna á því eða blessaður
karlinn ef einhver er. Þetta eru frjáls-
bornar konur, fullar af einlægni.
Þær hafa köllun, sú köllun er einlæg.
Þær veita þá beztu aðhlynningu sem
völ er á, boðnar og búnar þegar
kallið kemur. Hvað þessu öllu við-
kemur þá er unnið þarna fórnfúst
starf af alúð og skilningi. Margir
munu segja: Þetta er nú bara starf
eins og hvað annað, og það hirðir
sín laun. Jú, satt er orðið, ætli það
hafi ekki einhver laun, en það mætti
segja mér að þau væru skorin við
nögl eins og annað í þessu þjóðfélagi
og því er það óvefengjanlegt: Þetta er
fórnfýsin.
5 stjörnu hótel
Eftir að ég lagðist inn á spítalann,
sem ekki er orðin löng lega, hefur
mér fundizt að starfsfólk þessara
stofnana hafi ekki fengið það lof sem
það á skilið. Það á alltaf á hættu að
verða fyrir því sem það reynir að
bægja frá manni. Á ég þar við þetta
landlæga stress. Ég get ekki endað
þetta án þess að minnast á hrein-
lætið, það er í hávegum haft. Á
fæðið verður að minnast, því matur
er mannsins megin eins og þar
stendur. Þar standa snillingar að
verki eins og á öllum öðrum sviðum á
þessum stofnunum. Að endingu:
Þetta er fimm stjörnu hótel.
Reykjavík:
„Nýlenda” bændanna
Viggó Oddsson skrifar frá Jóhannes-
arborg:
Það eru að verða tveir áratugir
síðan ég fór að benda á að kosninga-
misréttið á íslandi og efnahagsvand-
inn væri samtvinnað og yrði að leys-
ast i sameiningu. Þéttbýlisfólkið
hefur aðeins brot af atkvæðisgildi
dreifbýlismanna sem hafa miklu
fleiri þingmenn en lýðræðislegt er. Ég
hefi oft bent á að þetta kerfi er ekki
ósvipað því sem Ródesíusvertingjar
höfðu, þar til fyrir nokkrum vikum.
Ég spáði því að svertingjarnir myndu
verða á undan Reykvíkingum að ná
jafnrétti í kosningum, sama gildir um
11 negraþjóðir í SV-Afríku og nokkr-
ar af blökkuþjóðum i S-Afriku hafa
einnig lýðræðislega kjörna þingmenn
ogsjálfstæði.
Hægri og vinstri
Það hafa verið svo margar hægri
og vinstri stjórnir á íslandi þessa 2
áratugi að eitthvað hefði átt að geta
mjakazt í rétta átt i mannréttindum á
íslandinu. En allt hjakkar í sama far-
inu og mismunurinn virðist aukast
við hverjar kosningar. Hvernig á að
vera hægt að stjórna landinu þegar
fámennur hópur dreifbýlismanna
notar misréttið til að halda uppi land-
búnaðartrölli sem getur ekki fram-
leitt megnið af sinni framleiðslu á
hagkvæmu verði? Og olíukreppan
mun auka á kostnað offramleiðslu
landbúnaðarins, og upp-og-niður-
greiðslurnar aukast að mun.
Trfalt verð
Ég hefi margoft bent á að sumar
búnaðarvörur á íslandi kosta allt að
tífalt meira en sams konar vörur sem
koma ti! Evrópu „hinumegin af hnett-
inum”, auk milljarða i allrahanda
„bætur” sem kosta landsmenn tvö-
falda skatta, þrefalda tolla og allt að
tífalt vöruverð. Og meginorsök vand-
ans liggur í ofgildi dreifbýlisatkvæð-
anna í þingkosningum. Ef svertingjar
i Ródesíu og S-Afríku fá sín mann-
rcttindi, möglunarlítið, ættu Reyk-
víkingar að geta sýnt að þeir séu ekki
minni menn.
Flest riki heims hafa margvísleg af-
brigði af misrétti: Kommúnistalöndin
og flest riki í Asíu, Afríku og
Ameriku. Hvaða réttlætanlega
ástæðu hefur núverandi íslandsstjórn
fyrir þessu áframhaldi?