Dagblaðið - 25.06.1979, Blaðsíða 6

6
DAGBLAÐIÐ. MÁNUDAGUR 25. JÚNl 1979.
Flugdagurinn 1979:
Bianchi bjargaði degjnum
Hvassviðri varð þess valdandi að
fella varð niður nokkur atriði í dagskrá
Flugdagsins 1979 en hann var haldinn í
Reykjavík á laugardag. Þannig varð
ekki af svifdrekaflugi hins heimsþekkta
„Jimmi Potts” en þess atriðis hafði
verið beðið með talsverðri eftirvænt-
ingu. Dagskráin varð þess vegna engan
veginn eins fjölbreytileg og reiknað
hafði verið með.
Mikill fjöldi áhorfenda fylgdist með
sýningunni en sjálfsagt hefur minnstur
hluti þeirra borgað sig inn á öskju-
hlíðarsvæðið eða inn á aðra þá staði
sem selt var inn á. Margir fylgdust með
sýningunni úr bílum sínum kringum
Umferðarmiðstöðina og meðfram
Hringbrautinni og öðrum þeim stöðum
sem ekki þurfti að greiða aðgangseyri
að. Þrátt fyrir það gera forráðamenn
sýningarinnar sér vonir um að hún
standi undir sér. Kostnaðurinn mun
nema um 3 milljónum og vegur þar
þyngst kostnaðurinn vegna komu út-
lendinganna tveggja. Segja má, að ann-
ar þeirra, hinn heimsþekkti listflug-
maður Tony Bianchi, hafi hreinlega
bjargað Flugdeginum. Atriði hans var
síðast á dagskránni en fram að þvi
hafði hún verið heldur tilþrifalitil. En
slík tiljjrif sýndi Bianchi í listflugi sínu,
að áhorfendur stóðu hreinlega á önd-
inni. Oft virtist sem vélin félli stjórn-
laust til jarðar en alltaf reif Bianchi
hana upp aftur, átakalaust að því er
virtist. Einnig vakti vélin DeHavilland
Dash-7 talsverða athygli. Vél þessi er
stóri bróðir Twin Otter vélanna og
styrkleiki hennar felst einkum í þvi, að
hún þarf mjög stutta flugbraut. Hún er
svipuð að stærð og Fokkerinn en er
fjögurra hreyfla og getur notað hreyfl-
ana til að bremsa. Slíkar vélar henta
mjög vel þar sem flugvallarskilyrði eru
slæm enda hafa bæði Norðmenn og
Grænlendingar pantað slíkar vélar.
Dagskrá flugdagsins var endurtekin
á Akureyri í gær í blíðskaparveðri.
-GAJ
■»
McDonnell-Douglas F-4 „Phantom” orrustuþotur frá bandariska flughernum.
Tony Bianchi á CAP-10.
DB-myndir Árni Páll
Keppt í akstri á mótorhjólum:
Þorvarður Björg
ólfsson sigur-
vegari dagsins
Þorvarður Björgólfsson átti góðan
dag í gær. í motocrosskeppni sem
haldin var við Sandfell við Þrengsla-
veg var hann tvímælalaust sigurveg-
ari dagsins. Þorvarður ók á Suzuki
vélhjóli auðkenndu með stöfunum
RM 125. Á þessu hjóli sigraði hann i
báðum umferðum stórra vélhjóla og
var í seinni umferðinni það snöggur í
ferðum að þegar hann kom í mark
voru þeir sem síðastir voru í keppn-
inni að leggja af stað í síðasta hring-
inn. Þeir sem næstir komu Þorvarði í
röðinni, þeir Lárus Guðmundsson á
Suzuki RM 370 og Gunnar Aðal-
steinsson á Yamaha 250, voru langt á
eftir honum i mark.
Motocrosskeppni er þannig upp
byggð að ekið er á hringlaga braut
sem öll er í hlykkjum og hæðum. Sá
sem fyrstur er að aka mótorhjóli
ákveðinn hringafjölda er síðan sigur-
vegari.
í gær var keppt í tveim flokkum
vélhjóla. Annars vegar flokkur stórra
hjóla sem áður eru nefnd og var þá
keppt tvisvar. Hins vegar kepptu svo
litlu guttarnir á skellinöðrunum. í
þeirra flokki bar sigur úr býtum
Oddur Vífilsson á Yamaha RM 50.
Annar varð Gunnlaugur Melsted á
Hondu SS 50 og 3. varð Sveinn Sig-
marsson á Yamaha RM 50.
í fyrri umferðinni á stóru hjólun-
um urðu sömu tveir menn í fyrstu
tveim sætum og í seinni umferð sem
áður er getið. En þá varð í 3. sæti
Kári Tryggvasou á Suzuki RM 125.
- DS
BIADID
SNARFAMí*
Sendist merkt:
DAGBLAÐIÐ
SJÓRALL '79
Síðumúla 12
105 Reykjavík
Hvaöa bátur verður fyrstur?
KEPPENDUR ERU:
03 — Bjarni Björgvinsson og Lára Magnúsdóttir
05 — Hafsteinn Sveinsson og Runólfur Guðjónsson
06 — Bjarni Sveinsson og Ólafur Skagvik
07 — Eiríkur Kolbeinsson, Hinrik Morthcns
og Tryggvi Gunnarsson
08 — Gunnar Gunnarsson og Ásgeir Ásgcirsson
SKILAFRESTUR TIL MÁNUDAGSINS 2. JÚLÍ1979
PÓSTSKIL MÁNUDAGINN 2. JÚLÍ1979 í SÍÐASTA LAGI. önnur svör gilda ekki
1
2
3
Sendandi:
Nafn:.....
Heimili: ...
Sími:.....