Dagblaðið - 27.06.1979, Blaðsíða 12

12
DAGBLAÐIÐ. MIÐVIKUDAGUR 27. JÚNÍ 1979. DAGBLAÐIÐ. MIÐVIKUDAGUR 27. JÚNÍ 1979.
13
ð
Iþróttir
Iþróttir
Iþróttir
Iþróttir
iþróttir
Iþróttir
Iþróttir
Sþróttir
Iþróttir
D
íþróttaf ulltrúinn og landshlaup FRÍ
Þorsleinn Einarsson, íþrótla
Fulltrúi ríkisins, skrifar ágæta grein i
íþróttablað Mbl. um landshlaup FRI
i gær og víkur þar art grein, sem
skrifurt var hér á íþróttasíðu DB.
Þorsteinn skrifar. „Rétt munþað
hjá Halli Símonarsyni að Hafsteinn
Jóhannesson, einn snjallasti frjáls-
íþróttamaður Umf. Breiðabliks í
Kópavogi og ötull framkvæmda-
maður um íþróttir, fékk þau tilmæli
hjá ritstjóra Dagblaðsins, Jónasi
Kristjánssyni að loknu mara-
þonhlaupi Umf. Breiðabliks og Dag-
blaðsins að efnt yrði til boðhlaups
eftir hringveginum.
Hafsteinn fór þegar að vinna að
málinu og meðal annars hreyfði hann
þvi við framkvæmdastjóra UMFÍ að
það tæki virkan þátt í framkvæmd
hlaupsins.
Þegar hér var komið hafði tillaga
Sigurðar Helgasonar um landshlaup
verið rædd af stjórn FRÍ, sem sam-
þykkti að leggja hana fyrir ársþing
FRÍ”.
Hér hefur Þorsteinn greinilega
fengið rangar upplýsingar frá starfs-
félaga sínum i menntamála-
ráðuneytinu, Sigurði Helgasyni, því
Þorsteinn íþróttafulltrúi vill
áreiðanlega fara með það, sem
sannara er. Þegar Hafsteinn
Jóhannesson kom með hugmynd sína
að hlaupi í Kópavogi til DB í júlí í
fyrrasumar stakk ritstjóri DB strax
upp á því, að í stað hlaups i Kópavogi
yrði efnt til hringhlaups. Slíkt hlaup
kostaði mikla skipulagningu og þótti
ekki hættandi á að leggja í það í
fyrrahaust, þegar allra veðra var von.
Hugmyndin að hringhlaupinu
kom því fram löngu áður en efnt var
til maraþon-boðhlaups Breiðabliks
og DB. Það eru einmitt þessar
augljósu blekkingar, sem hafa orðið
til þess að margir telja að hugmynd
að landshlaupi hafi ekki komið í
„maga ’Sigurðar Helgasonar fyrr en
í Kópavogi í fyrrahaust, þegar slíkt
hlaup var þar á „hvers manns
vörum”. i sjálfu sér skiptir það sára-
litlu máli. Þetta eru aðeins aukaat-
r'^‘- Meginatriði í grein minni í DB
„Hví þessi óheilindi FRI” var sá
feluleikur, sem forráðamenn lands-
hlaupsins höfðu á blaðamanna-
fundum FRÍ í sambandi við hlaupið.
Þar voru blaðamönnum, ekki siður
Mbl. en öðrum, gefnar vísvitandi
rangar upplýsingar. Sigurður Helga-
son er þar ekki undanskilinn frekar
en aðrir frá FRÍ á fundunum. Á
þessi atriði minnist Þorsteinn Einars-
son skiljanlega ekki í grein sinni í gær
— en skrifar hins vegar þarfa hug-
vekju um fjáröflun innan íþrótta-
hreyfingarinnar. -hsím.
Akranes í Eyjum
Akurnesingar mun leika sinn 5. úti-
lcik í röð í 1.- deildarkeppninni í knatt-
spyrnu á laugardag er þcir ferðast til
Vestmannaeyja og leika þar gegn
heimamönnum í Helgafellsdal.
Upphaflega átti lcikurinn að vera á
Akranesi, en þar sem grasvöllurinn þar
er enn ekki tilbúinn tóku Skagamcnn
það til bragðs í samráði við IBV að
leikaíEyjum. -FÓV.

Landsliðsmaður Skagamanna, Arni Sveinsson, nr. 9, fagnar jöfnunarmarki Skagamanna í gærkvöld.
Trausti og Marteinn komu engum vörnum við. Til vinstri er Sigþór Ómarsson.
sem Sigurður Halldórsson skoraði, Guðmundur Baldursson,
DB-mynd Höröur.
IAFNTEFLI — EN LEIK-
MENN FRAM NÆR SIGRI
—Skemmtilegur leikur Fram og Akraness í síðari hálfleik á Laugardalsvelli í gær
„Ég er ánægður með þetta stig,”
sagði Gylfi Þórðarson, formaður
knattspyrnuráðs Akraness, eftir að
Fram og ÍA höfðu gert jafntefli 1-1 i 1.
deild á Laugardalsvelli. Jafntefli sann-
gjörnustu úrslitin í leiknum þó því
verði ekki neitað, að leikmenn Fram
voru nær sigri — reyndu að knýja fram
sigur lokakafla leiksins. Fyrri hálf-
leikurinn var afspyrnu-lélegur — en í
þeim siðari sóttu bæði lið í sig veörið
og leikurinn þá var hin bezta skemmtun
fyrir 2806 áhorfendur, sem greiddu
aðgangseyri.
Það kom mjög á óvart, að Klaus
Hilbert, þjálfari Akurnesinga, breytti
liði sínu og táktik frá hinum ágæta leik
vjð Valsmenn — Guðbjörn Tryggvason
lék allan leikinn en Jón Áskelsson ekki
með. Þegar Hilbert var spurður hvers
vegna hann hefði breytt liðinu svaraði
hann til að hann hefði talið þessa
uppstillingu heppilegri gegn Fram „en
ég mundi nota aðra taktik ef leikurinn
væri endurtekinn,” sagði Hilbert.
Mikillar taugaspennu gætti í vörn
Fram fyrsta stundarfjórðunginn en
Skagamönnum, sem ákaft voru studdir
af fjölmörgum áhorfendum, sem
komið höfðu á leikinn frá Akranesi,
tókst ekki að nýta sér klaufalegar villur
Fram. Þó átti Kristján Olgeirsson
hörkuskot rétt framhjá marki — en
það var það næsta, sem Skagamönnum
tókst að komast að marki Fram í fyrri
hálfleiknum. Leikmenn Fram komust
yfir taugaspennuna — vörnin þéttist —
en fyrri hálfleikurinn var þó mjög slak-
ur. Fram fékk opið færi á 31. mín.
Guðmundur Steinsson hitti knöttinn
illa frír inn í markteig eftir sendingu
Rafns Rafnssonar. Jón Þorbjörnsson
náði knettinum og gullið tækifæri rann
út í sandinn.
í siðari hálfleiknum gjörbreyttist
leikurinn til hins betra og greinilegt, að
þjálfarar liðanna hafa talað vel við
leikmenn sína í hálfleik. Eftir mistök
Gunnars Guðmundssonar fékk
Kristján Olgeirsson knöttinn. Lék upp
að vítateig Fram. Hikaði aðeins við að
gefa á Sveinbjörn Hákonarson og það
varð til þess, að Sveinbjörn var rang-
stæður, þegar hann fékk knöttinn frír •
innan vítateigs. Skoraði af öryggi — en
linuvörður hafði Iöngu áður veifað.
Rangstaða og markið dæmt af. Þarna
var Kristján heldur seinn að hugsa og
svo náði Fram forustu.
Það var á 52. mín. Trausti Haralds-
son gaf knöttinn gullfallega fram til
Péturs Ormslev, sem komst frír að
marki ÍA og skoraði af öryggi. Renndi
knettinum framhjá Jóni Þorbjörns-
syni. — Augnabliki síðar var hætta við
mark Fram en Árni Sveinsson var
aðeins of seinn að nýta góða fyrirgjöf.
Guðmundur Baldursson kom inn úr
marki sínu. Spennan jókst. Pétur
Ormslev lék snilldarlega á tvo varnar-
menn ÍA innan vítateigs — spyrnti
þrumufleyg á markið en Jón varði
mjög vel.
Þungi sóknar Skagamanna jókst
eftir þetta. Sigþór Ómarsson lék á
Kristin Atlason — komst i dauðafæri
en spyrnti þá framhjá marki Fram og á
70. mín. jafnaði ÍA. Kristján tók auka-
spyrnu — Sigurður Halldórsson, mið-
vörður, skallaði í mark. Markvörður
og varnarmenn Fram steinsváfu. Ekki
hresstust þó Akurnesingar við
jöfnunarmarkið — en leikmenn Fram
tvíefldust. Símon Kristjánsson lék upp
og gaf mjög vel á Guðmund Steinsson,
sem aftur brást í markteig mótherj-
anna. Fram fékk hornspyrnu eftir
hornspyrnu og hurð skall nærri hælum
hjá Akurnesingum. En þeim tókst að
verjast áföllum. Leiktítpinn rann út og
Arnþór Óskarsson dómari, sem naut
aðstaðar slappra línuvarða, flautaði
leikslok.
Eftir taugaspennu upphafsmínútn-
anna náði vörn Fram sér vel á strik með
Martein, Símon og Trausta sem beztu
menn. Rafn vann mjög vel á miðjunni
— og í framlínunni var Pétur stór-
hættulegur í síðari hálfleik. Þá var
Ásgeir Elíasson útsjónarsamur að
venju, þó heldur hægt fari. Vörn
Skagamanna var ekki sannfærandi í
Jeiknum. Sigurði Lárussyni í stöðu bak-
varðar hættir alltof mikið til að fara
inn á miðjuna — og vörnin galopnaðist
við það á hægri kantinum. Lið ÍA var
jafnt i leiknum — enginn skar sig veru-
lega lúr, og leikur liðsins i heild miklu
lakari en gegn Val í fyrri viku. -hsím.
Staðan í 1. deild eftir leik Fram og
Akraness í gær er nú þannig. Keflavík 6 3 3 0 11—2 9
Fram 6 2 4 0 10—5 8
Akranes 6 3 2 1 11—8 8
KR 5 3 1 1 6—4 7
ÍBV 6 3 1 2 8—3 7
Valur 6 1 3 2 7—7 5
Víkingur 6 2 1 3 7—9 5
KA 6 2 0 4 7—12 4
Þróttur 5 1 1 3 4—9 3
Haukar 6 1 0 5 3—15 2
Þeir Sveinbjörn Hákonarson, ÍA og
Pétur Ormslev, Fram, eru
markahæstir. Hafa skorað fimm mörk
hvor. Einn leikur er á dagskrá í kvöld
kl. 20.00. Þá leika Þróttur og KR á
aðalleikvanginum i Laugardal —
BÍLL í BOÐI
Nú um helgina fer fram stórmót í golfi á
Hvalcyrarvellinum og er það svonefnd „The
Victory Toyota Cup”. Þetta er í 9. skipti sem
kcppnin er haldin en nú vcrður í fyrsta skipti
keppt I 8 flokkum. Lætur nærri að þetta mót
verði það næstfjölmcnnasta á landinu í sumar —
aðeins íslandsmótið verði með flciri keppendur.
Forráðamenn Keilis gera sér vonir um 200—250
þátttakendur en það byggist að sjálfsögðu
nokkuð á veðri.
Keppnin hefst á föstudag kl. 16 með keppni i
kvennaflokki og er það eini flokkurinn þar sem
keppt er með forgjöf. Sama daga verður leikið í
drengja- og unglingaflokki. Á laugardag verður
leikið í öldunga-, 3. og 2. flokki karla og á
sunnudag keppa 1. og meistaraflokkur karla. í
öllum flokkum verða leiknar 18 holur.
Verðlaunin eru ekki aldeilis af lakara taginu
og óvíða eru jafnglæsileg verðlaun í boði og í
þessu móti. Auk glæsilegra hefðbundinna
verðlauna býður Toyota-umboðið hér á landi
splunkunýja bifreið, Toyota Tercel, þeim til
handa sem fer holu í höggi á 7. braut, en hún er
162 metrar á lengd. Verður bifreiðin til sýnis
keppnisdagana á Hvaleyrarvellinum og ekki er
að efa að kylfingar munu fjölmenna á 7. teiginn í
dag og á morgun, en völlurinn er opinn til
æfinga fram til föstudags. Képpnisgjaldinu er
mjög í hóf stillt — 3500 kr. í karlaflokkunum en
2500 kr. í kvenna- og unglingaflokkum.
Væntanlegir þátttakendur eru hvattir til að skrá
sig hjá sínum klúbbum eða hafa samband við
Golfskálann á Hvaleyri og síminn þar er 5-33-60.
Stórsigur
Ármanns
Tvcir leikir fóru fram í 3. deildarkeppninni í
gærkvöldi. Á Melavelli áttust við lið Ármanns
og Grindavikur í A riðli og vann Ármann þar
óvæntan stórsigur, 5-1 eftir að staðan í hálf-
leik hafði verið jöfn, 0-0. Á Rcyðarfirði léku
Valur og Súlan í F riðli og sigraði Súlan 3-2.
Ef við snúum okkur að ieik Ármanns og
Grindavíkur var hann mjög jafn i fyrri hálfleikn-
um. í hálfleik komu þeir Viggó Sigurðsson og
Jens Jensson inná í liði Ármanns og liðið
gerbreyttist til hins betra. Þegar um 10 mín. voru
liðnar af síðari hálfleik kom Smári Jósafatsson
Ármenningum yfir með sannkölluðum þrumu-
skalla efst i markvinkilinn. Grindvíkingar virtust
.brotna við þetta mark þvi Ármenningar tóku öll
völd og skoruðu þrjú mörk á skömmum tíma.
Fyrst skoraði Viggó eftir að skot frá Þráni
Ásmundssyni hafði verið blokkcrað, þá bætti
Smári þriðja markinu við og loks skoraði Þráinn
sjálfur og staðan var skyndilega 4-0. Július Pétur
lngólfsson skoraði þvi næst eina mark Grindvik-
inga, en lokaorðið átti Viggó er hann skoraði
undir lokin. Með þessum sieri Ármanri^ hafa öll
liðin í riðlinum tapað s' i'eða stigum, en staða
Ármenninga er bezt sem stcndur.
Súlan vann ágætan s: ;ur á Reyðarfirði í gær-
kvöldi, en þrátt fyrir tapið virðast Valsmenn
vera að hressast eftir tvö slæm töp til þessa.
Mörk Varls skoruðu þeir Ólafur Sigmarsson og
Hannes Sigurðsson en DB var ókunnugt um
markaskorara Súlunnar.
-SSvZ-VS.
tuyu
TÖYGTA
SÆNSKUR KNATTSPYRNUÞJÁLF-
ARI í LE1KMANNALEIT Á ÍSLANDI
Einn kunnasti knattspyrnuþjálfari Sví-
Þjóðar, Sven Agne Larsson, hefur dvalizt
hér á landi siðan á laugardag — fylgzt með
leikjum og er beinlínis í leikmannaleit fyrir
félag sitt, Gautaborgarliðið Örgrytc, sem
er meðal kunnustu félaga Sviþjóðar þó það
leiki nú í 2. deild suður. Er þar meðal efstu
liða — nýfallið niður úr Allsvenskan.
Sven Agne fylgdist með leik Kefla-
víkur og KA á sunnudag i Keflavík og um
kvöldið sá hann leik úrvalsliða Reykja-
víkur og Kópavogs í 2. aldursflokki. Á
mánudagskvöld var hann á Laugardalsvelli
og fylgdist með viðureign Víkings og Vals í
1. deild. Hann var þar enn í gærkvöld, þeg-
ar Fram og Akranes léku. í kvöld mun
hann svo fylgjast með leik KR og Þróttar.
Dagblaðið hefur eftir áreiðanlegum
Iheimildum að sænski þjálfarinn hefur
fengið simanúmer og heimilisfang for-
manns Víkings, Jóns Aðalsteins Jónas-
sonar. Svíinn hreifst mjög af tveimur leik-
mönnum Víkings í leiknum við Val. Ekki
tókst DB að ná í Jón Aðalstein i gærkvöld
eða morgun til þess að fá fréttir af því
hvort Svíinn hefur rætt við hann — en rétt
að geta þess, að samkvæmt lögum Knatt-
spyrnusambands Islands geta erlend knatt-
spyrnufélög ekki ráðið til sín íslenzka leik-
menn á miðju keppnistímabili. Málið er þó
alvarlegt fyrir islenzku félögin í heild —
en um leið sýnir það þó þann áhuga, sem
erlend félög hafa á islenzkum knatt-
spyrnumönnum.
Fimmtán islenzkir leikmenn leika nú
með erlendum félögum sem atvinnumenn
Ieða „hálfatvinnumenn” — það er stunda
vinnu eða nám með knattspyrnunni. Fjórir
eru úr Víkingi, Arnór Guðjohnsen, Eiríkur
Þorsteinsson, Guðgeir Leifsson og Stefán
Halldórsson. Þrír frá Akranesi, Karl
Þórðarson, Pétur Pétursson og Teitur
Þórðarson. Þrir frá Vestmannaeyjum, As-
geir Sigurvinsson, Karl Sveinsson og
Ólafur Sigurvinsson. Tveir úr Fram, Árni
Stefánsson og Jón Pétursson og auk þess
Atli Þór Héðinsson, KR, Jóhannes
Eðvaldsson, Val, og Þorsteinn Bjarnason,
Keflavík.
Sven Agne Larsson, sem er 54 ára að
aldri, er ekki óþekktur hér á landi. Hann
kom hingað fyrst 1955 með Gautaborgar-
liðinu Hácken, sem leikmaður. Árið eftir
var hann þjálfari hjá KR — tók við KR-
liðinu sem íslandsmeistara — en það varð í
öðru sæti á eftir val 1956 með átta stig.
Valur níu og Akranes hlaut þá sjö stig —
sex félög. Síðan varð Sven Agne þjálfari í
Svíþjóð þar sem hann hefur náð mjög at-
hyglisverðum árangri. Hann gerði meðal
annars Halmstad að sænskum meistara í
knattspyrnu — en mesta athygli vakti hann,
þó sem þjálfari Atvidaberg, þegar hann var
með fjölmarga, sænska landsliðsmenn i
liði sinu. Hann tók við þjálfun hjá Örgryte
fyrir þetta leiktímabil — og lið hans stefnir
nú að þvi að vinna sæti í Allsvenskan á ný.
Þó er engan veginn hægt að segja að
girnilegt sé fyrir íslenzka knattspyrnumenn
að fara til þessa félags. Fjórir íslenzkir
landsliðsmenn It'ikanú i Svíþjóð — Teitur
hjá meistaraliðinu Öster, Árni og Jón hjá
Jönköping og Eiríkur hjá Grimsas.
Jönköping og Grimsas leika i 2. deild suður
eins og örgryte. Teitur stundar nám i
Svíþjóð — Árni starfar sem íþrótta-
kennari, Jón sem bakari og Eirikur við
verzlunarstörf. Þá eru nokkrar líkur á því
að Þorsteinn Ólafsson, Keflavík, landsliðs-
markvörður, gerist leikmaður á ný í Sví-
þjóð. Hann lék með Perstorp í 3. deild í tvö
ár meðan hann stundaði efnafræðinám i
Svíþjóð.
SÍÐUSTU FRÉTTIR: — Rétt áður en
blaðið fór i prerunn náði það tali af Jóni
Aðalsteini, formanni Víkings. Sviinn hafði
þá ekki haft samband vtð Jón Aðalstein og
er það skiljanlegt því formaður Víkings var
ekki i bænum í gær.
-hsím.
J.S. HELGASON HF.
SKEIFAN 3J - SÍMI37450