Dagblaðið - 19.07.1979, Blaðsíða 24
BANKALEYND YFIR
NIGERÍUMUTTJNUM
— Umboðslaun ogmúturíNígeríuviðskiptum tvær milljónir á hvem skreiðarframleiðanda
Seðlabankinn neitar að upplýsa
DB um hverjir eru eigendur banka-
reikninga þeirra sem notaðir voru i
sambandi_við greiðslu „umboðs-
launa” eða mútufjár til að liðka fyrir
skreiðarsölu til Nígeríu á siðasta ári.
Björn Tryggvason bankastjóri ber
við bankajeynd og telur að réttar-
úrskurð þurfi til að heimila slíkar
upplýsingar.
DB hefur óyggjandi heimildir
fyrir því að féð hafi verið lagt inn á
reikning i bankaútibúi í London.
Hluti greiðslunnar var síðan fluttur á
dularfullan hátt til Sviss. Jafnframt
segja heimildir DB að eigandi
reikningsins í London sé nígeríska
fyrirtækið Dagazau International
Ltd. Erfiðlega hefur gengið að afla
upplýsinga um starfsemi þess fyrir-
tækis og eigendur.
Skreiðarsala til Nígeríu nam á
síðasta ári rúmum 5373 tonnum.
Söluandvirði var um 5,7 milljarðar.
Greidd voru óvenjuhá
„umboðslaun” eða 215 milljónir
króna.
Sú spurning vaknar af hverju féð
var greitt inn á reikning einkafyrir-
tækis ef það var ætlað til að múta
embættismönnum í Nígeríu.
Þeirri spurningu verður a.m.k.
ekki svarað meðan bankaleynd hvílir
yfir frekari upplýsingum.
BS/GM.
Olíufélögin hóta lokun
eftir morgundaginn:
Vilja hækkað
útsöluverðolíu
Olíufélögin hafa tilkynnt rikisstjórn-
inni að þau muni hætta allri olíusölu
eftir morgundaginn ef ekki liggi þá
fyrir ný verðákvörðun sem skapi
grundvöll fyrir oliusölu.
Vilhjálmur Jónsson, forstjóri Olíu-
félagsins hf., staðfesti þetta í samtali
við DB í morgun. Hann kvaðst að öðru
leyti ekki vilja tjá sig um þetta mál. Það
væri til vinnslu hjá rikisstjórninni og
von væri til að frá því yrði gengið alveg
á næstunni.
í gær samþykkti verðlagsnefnd
hækkun á gasolíuverði i 155,40 kr. lítr-
inn, sem er tæplega 51%. Samþykktin
verður til umræðu á fundi ríkis-
stjórnarinnar i dag svo og tilkynning
oliufélaganna.
-GM.
Fjárklippur
stungust
ínárabónda
— og klipptu sundur
slagæð
Sérstætt slys varð austur í Laugardal
i gærkvöldi er menn voru að vinna við
rúningu kinda. Hljóp kind á einn
rúningsmannanna, 66 ára gamlan
bónda, og við það stungust rafmagns-
klippur, sem bóndinn vann með, í nára
hans og klippti sundur slagæð.
Voru læknir og sjúkrabifreið í
skyndingu kvödd á vettvang. Var blóð-
rás stöðvuð sem verða mátti en síðan
haldið til Reykjavíkur í loftköstum.
Aðgerð sem gerð var á manninum í
Borgarspitalanum tókst vel, að sögn
Selfosslögreglunnar, og liður honum
eftir atvikum vel.
-ASt..
Skipakaupin:
Kjartan gaf
reglugerðina
út íbræði
Kjartan Jóhannsson sjávarútvegs-
ráðherra gaf út nýja reglugerð fyrir
Fiskveiðasjóð í bræði eftir að mál hans
hafði ekki fengið hljómgrunn i ríkis-
stjórninni. Svavari Gestssyni viðskipta-
ráðherra mun hafa verið vel kunnugt
um þá stefnu sjávarútvegsráðherra að
stöðva skipakaup erlendis.
Svavar hafði samt ákveðið að veita
leyfi til að kaupa tvo togara, fyrir Nes-
kaupstað og Akranes. Kjartan var
erlendis. Þegar hann kom heim átaldi
hann þetta á ríkisstjórnarfundi en
talaði fyrir daufum eyrum. Þá rauk
Kjartan til og gaf út reglugerð til að
reyna að stöðva kaupin.
Stjórn Fiskveiðasjóðs samþykkti í
gær að hafna beiðnum á kaupum á
þessum togurum, samkvæmt hinni
nýju reglugerð_. Fimm voru á móti
leyfinu, einn með og einn sat hjá.
-HH.
Einu sinni xar IslancJ skógi vaxiö milli fjalls og jjöru, segir ^ ^
einhvers staðar. Þessir ungu iinenn. Arni og Siguröur Pðll % :
voru ð dögunum ausiur í Olversholti vióíkögarhijgg« . v '
zý* v,"*
t Xf
•*^|áp.
,J ’ %&&&&
V: . h * . >. ■
Orkuspamaður í fiskiðnaöi
Sjávarútvegsráðuneytið hefur tekið
saman yfirlit um aðgerðir til orku-
sparnaðar í fiskiðnaði og fiskveiðum
og kynnt hagsmunaaðilum.
í yfirliti ráðuneytisins er pj.a. fjallað
um betri nýtingu varma í fiskmjöls-
verksmiðjum, framleiðslu fiskmjöls
með jarðgufu og nýtingu kælivatns frá
frystivélum. Þá er fjallað um aðgerðir
til olíusparnaðar í fiskiskipum.
Mikið starf hefur verið unnið við að
breyta vélum skipa frá gasolíubrennslu
yfir í svartoliubrennslu. Það sem af er
árinu hefur 27 skipum verið breytt og
áætluð er breyting á a.m.k. 20 til við--
bótar á árinu.
Sjávarútvegsráðherra beinir því til
hagsmunaaðila að þeir leiti fleiri hug-
mynda um orkusparnað og leiða til að
hrinda þeim í framkvæmd, jafnframt
því sem þeir hver fyrir sína grein leggi
mat á kostnað af hinum ýmsu hug-
myndum um orkusparnaðaraðgerðir,
þannig að lánastofnunum sé ljóst,
hvaða upphæðir hér er um að ræða og
leggja megi frekara mat á arðsemi
aðgerðanna. -GAJ-
Olíumálin í ríkisstjórninni
GASOUAN1137 KR.
—ósamkomulag um hækkun olíugjaldsins
Samkomulag hefur tekizt í rikis-
stjórninni um að gasolían til fiski-
skipa hækki í 137 krónur á lítra. Þar
er um að ræða málamiðlun milli til-
lögu Kjartans Jóhannssonar sjávar-
útvegsráðherra um 130 krónur og til-
lögu Hjörleifs Guttormssonar
iðnaðarráðherra um 147 krónur.
Enn er ósamkomulag í rikisstjórn-
inni um tillögur Kjartans um hækkun
olíugjalds í 14 prósent. Framsókn
hefur samþykkt þær tillögur en
Alþýðubandalagið ekki. Alþýðu-
bandalagsmenn segjast sjá fram á, að
„tugur togara fái meðgjöf” með
slíkri hækkun, sem tekin er af
óskiptu. Muni þá hjá sumum togur-
um verða tekið meira af óskiptu en
oliuhækkuninni nemur, svo að
„hagnaður” verði. Alþýðubanda-
lagið vill láta aðila sjávarútvegsins
semja um olíugjaldið og fiskverðið.
Sú hækkun, sem nú stefnir í, þýðir
gengissig allt að 10 prósent, að sögn
heimildarmanna DB i morgun, en
ekki verður séð, hvert gengissigið
þarf að vera, fyrr en gengið hefur
verið frá olíugjaldi og fiskverði.
Bilið frá 137 krónum og í 155,40
krónur, sem er hið raunverulega olíu-
verð, verður brúað með 2—3 millj-
arðalántöku ríkisins.
-HH
Irjálst, úháð dagblað
FIMMTUDAGUR 19. JÚLÍ1979.
7 ára drengur
létlífíð
íumferðinni
Sjö ára drengur lét lífið í umferðar-
slysi er varð kl. 14.18 í gær skammt frá
Nesti á Ártúnshöfða. Var drengurinn í
hjólreiðaferð ásamt tveimur félögum
sínum. Hugðust þeir fara yfir götuna,
þar sem ætíð er þung um ferð. Sá er lézt
fór fyrstur og leiddi hjól sitt. Á leiðinni
yfir götuna varð hann fyrir stórum
vöruflutningabíl, tiu hjóla. Lézt litli
drengurinn samstundis.
Vörubílstjórinn reyndi að varna
slysinu en lenti við það út af veginum
ogáljósastaur. -ASt,-
Bessastaða-
árvirkjun
Iðnaðarráðuneytið hefur fallizt á til-
lögur Rafmagnsveitna rikisins um að
eðlilegt sé að biða með ákvörðun um
framkvæmdir við Bessastaðaárvirkjun,
þar til niðurstöður fást um stofnun
nýrrar Landsvirkjunar síðar á þessu
ári. -JH.
Mjaömar-
grindarbrotí
hörkuárekstri
Hörkuárekstur varð í gærkvöldi á
mótum Suðurlandsvegar og Hálsa-
brautar sem liggur yfir Borgarmýri og
tengir Vesturlands- og Suðurlandsveg.
Voru hjón og dóttir þeirra i öðrum
bílnum og hlutu þau öll sár, m.a.
mjaðmargrindarbrotnaði eitt þeirra.
-ASt.
Miklar reyk-
skemmdir
íkaffibrennslu
Rétt fyrir kl. 10 í gærkvöldi varð
miðbæjaríbúi var við reyk er lagði frá
kaffibrennslu Magnúsar Blöndals i
Vonarstræti. Kvaddi hann slökkvilið til
og er á veltvang var komið var mikill
reykur í húsinu og hiti mikill. Eldurinn
leyndist i skilrúmi og umbúðastafla og
var fljótt slökktur. Varð lítið tjón af
eldi en talsverðár reykskemmdir.
Talið er líklegt að eldurinn hafi
kviknað út frá hýðisofni í kaffibrennsl-
unni. Hafði kviknað út frá honum fyrr
um daginn, en menn töldu fullvíst að
búið væri að slökkva alla glóð er farið
var úr verksmiðjunni. -ASt.
Tíankomin
ogfarin
DC-10 þota Flugleiða kom til Kefla-
víkur kl. 19.30 í gærkvöldi eftir 5 vikna
flugbann og viðgerð á hreyfilfestingu í
New York. Vélin kom frá Luxlemborg
og hélt áfram eftir stutta viðdvöl til
NewYork. .jh.