Dagblaðið - 09.10.1979, Side 24
frjálst, úháð dagblað
ÞRIÐJUDAGUR 9. OKTÓBER 1979.
Sex bflar
skemmdir
— eftir akstur tveggja
drukkina manna
Tveir ökumenn í Vestmannaeyjum
voru teknir ölvaðir við akstur um helg-
ina. í sjálfu sér er slíkt varla fréttnæmt
lengur þar sem akstur undir áhrifum
áfengis hefur færzt svo mjög í vöxt sem
raun ber vitni.
En hvor ökumannanna í Eyjum fyrir
sig ók utan í tvo kyrrstæða bíla áður en
ökuferð þeirra lauk, þannig aðsex bílar
eru meira og minna skemmdir eftir
tiltæki mannanna tveggja. Slikt cr
sjaldgæfari saga og er nú mikið bóta-
mál í undirbúningi á hendur mönnun-
um. -A.St.
Ásgeirefsturá
Haustmóti T.R.
Að loknum 7 umferðum á Haust-
móti T.R. er Ásgeir Þ. Árnason efstur
með 5 vinninga og biðskák. I 2. sæti er
Sævar Bjarnason með 5 vinninga.
Staðan er annars mjög óljós vegna
fjölda biðskáka. Þannig er Björn Þor-
steinsson með 3 vinninga og 3
biðskákir. Júlíus Friðjónsson hefur
einnig 3 vinninga og 3 biðskákir. Stefán
Briem hefur 3,5 vinninga og 2
biðskákir. Allir þessir skákmenn ættu
að geta blandað sér alvarlega í
baráttuna um efsta sætið.
Biðskákir verða tefldar í kvöld en
alls verða tefldar 11 umferðir á mótinu.
-GAJ-
Ráðherrar Alþvðuflokksins eftir fundinn í gær. Benedikt greinilega áhvggjufullur en Magnús og Kjartan bera það ekki eins með sér. DB-mvnd: Bj. Bj.
„ALÞÝÐUBANDALAGIÐ ÆTLADI
AD HLAUPAST FRÁ ÞESSU”
— sögðu Kjartan og Sighvatur á flokksstjómarfundinum — margir töluðu gegn samþykktinni
„Alþýðubandalagið ætlaði að
hlaupast frá þessu,” sögðu Sighvatur
Björgvinsson, formaður þingflokksins,
og Kjartan Jóhannsson sjávarútvegs-
ráðherra á fundi flokksstjórnar
Alþýðuflokksins í gær. Skorað var á
fundarmenn að skila auðu fremur en
að greiða atkvæði gegn samþykkt þing-
flokksins um stjórnarslit, en margir
töluðu gegn samþykktinni.
Á móti henni töluðu Magnús H.
Magnússon ráðherra, Jón Helgason,
Akureyri, Jón Kristjánsson, Sauðár-
króki, ÁsthildurÓlafsdóttir og Hörður
Zophoníasson, Hafnarfirði, og Jóhann
Möller, Siglufirði. Var þetta að miklu
leyti „verkalýðsarmur” flokksins.
Eiður Guðnason, Árni Gunnarsson og
Sjöfn Sigurbjörnsdóttir mæltu harðast
fyrir stjórnarslitum auk ráðherranna
Benedikts Gröndal og Kjartans.
Flestir andstæðingarnir sátu hjá við
atkvæðagreiðsluna til að komast hjá
sundrungu. Tillagan um að Alþýðu-
flokkurinn drægi ráðherra sína út úr
stjórninni og krefðist þingrofs og
kosninga fyrir áramót var samþykkt
með 53 atkvæðum, 2 voru á móti og 14
sátu hjá. Atkvæðagreiðslan var
leynileg.
-HH.
Frestast Jan
Mayen við-
ræðumar?
Svo kann að fara að viðræðum við
Norðmenn um Jan Mayen verði frestað
í Ijósi stjórnmálaástandsins hér.
Norska blaðið Fiskaren ályktar a.m.k.
svo eftir viðtöl við þarlenda ráðamenn.
Þær áttu að hefjast 23. október.
Það vekur athygli að frétt blaðsins
birtist á fimmtudaginn í siðustu viku,
degi áður en þingflokkur Alþýðuflokks
ákvað að slíta stjórnarsamstarfi, en
samt talar blaðið um það sem gefna
staðreynd að kratar muni kljúfa stjórn-
ina. Hún muni jafnvel ekki lifa fram að
þingsetningu á morgun, sem raunin
varðá. -GS.
Kærði rán
áveski
með300kr.
Á níunda timanum í gærkvöldi
kærði „gamall kunningi” lögreglunn-
ar rán á veski sínu en hann hafði verið á
göngu í Austurstræti. Kvað hann fimm
menn hafa átt þátt í þjófnaðinum, en í
veskinu voru þó ekki nema 300 krónur.
Mál þetta var sent RLR en þó talið
líklegast að þarna hefði aðeins verið
um að ræða missætti félaga og
drykkjubræðra. -A.St.
*
„Alþingi ber að kanna
nýjan meirihluta”
—„engar raunverulegar ástæður nema tilfinningatitringur í okkar garð,”
segir Svavar Gestsson, viðskiptaráðherra
„Ég er þeirrar skoðunar að nú sé
alþingi skylt að kanna hvort annar
meirihluti sé til um myndun ríkis-
stjórnar,” sagði Svavar Gestsson
viðskiptaráðherra er DB spurði hann
hver þróunin yrði að hans mati vegna
samþykkta Alþýðuflokksins um
brotthvarf úr rík isst jórninni.
„Það er fullkomið ábyrgðarleysi
af Alþýðuflokknum að flýja nú úr
ríkisstjórn,” sagði Svavar. „Hann
hefur engar tillögur komið með í
efnahagsmálum um langt skeið.
Hins vegar hleypur flokkurinn nú
frá mjög brýnum verkefnum, sem al-
þingi ber að vinna að. Þar vil ég fyrst
nefna gerð fjárlaga. Þá fjárfestingar-
og lánsfjáráætlun fyrir næsta ár. Þá
eru kjaramálin óleyst og samningar
eru allir lausir innan tíðar. Loks er
kjördæmamálið óleyst en það er
vitanlega afar þýðingarmikið,” sagði
Svavar Gestsson.
,,Þá er enn ótalið að Alþýðu-
flokkurinn hleypur frá samþykktum
sem ríkisstjórnin hefur verið að
samþykkja síðustu daga um
gerbyltingu á húsnæðismálalána-
kerfinu og lifeyrisréttindakerfinu.
Þetta finnst mér sýna að ekkert
raunverulegt tilefni er til þessa
upphlaups. Það sannar aðeins enn
betur að þetta er ekkert annað en til-
finningatitringur i okkar garð, eins
og verið hefur allan tímann,” sagði
Svavar.
Hann kvað þarna vera að finna
skýringuna á verðbólgunni. Hann
sagði: „Innan stjómarinnar eru öfl
sem ekki hafa fengizt til að taka á
málum af heilindum. Flestar lotur
um efnahagsmálin hafa endað með
þvi að vísað var á verðbólguna án
þess að tekizt væri á við vandann.”
-BS.
RYKMENGUNIN ALLT AÐ15-
FALT YFIR HÆTTUMÖRKUM
Ástand vegna rykmengunar i Kísil-
iðjunni við Mývatn og við útskipun á
kisilgúr á Húsavik er mjög alvarlegt.
Við nákvæmar mælingar Heilbrigðis-
eftirlits ríkisins kom i Ijós að
mengunin er allt að 15 falt yfir hættu-
mörkum við útskipunina og alltað 10
falt yfir mörkum i Kísiliðjunni. Þáer
mengunin og svipuð í vörugeymslum
fyrir kísilgúrá Húsavík.
Heilbrigðiseftirlit rtkisins gerði
þessa athugun t júni 1978 og liggja
niðurstöður hennar nú fyrir. For-
maður Heilbrigðiseftirlitsins og land-
'læknir dvöldust i gær við Mývatn og
á Húsavík vegna þessara niður-
staðna.
Katrín Eymundsdóttir formaður
heilbrigðisnefndar Húsavíkur sagði í
morgun að unglingar og konur hefðu
unnið mikið við útskipunina og yrði
unglingum innan 18 ára aldurs nú
bannað að vinna við útskipunina. Þá
yrði að auka mjög notkun rykgríma
og skipta um pakkningu á kísilgúrn-
um. Hann hefur verið t bréfumbúð-
um, en nú er byrjað að setja hann t
plast og setja á sérstaka palla.
Hætta er á að þessi mikla mengun
af völdum kísilgúrs valdi svonefndu
steinlunga eða silicosis, en það gerist
er mjög fint ryk safnast í lungu.
Hákon Björnsson i Kísiliðjunni við
Mývatn sagði í morgun að byggja
yrði upp mjög stranga áætlun til þess
að berjast gegn rykmenguninni. Ryk-
mengunin er við hin ýmsu störf í
verksmiðjunni, en þósagði Hákon að
sjúkdómar hefðu enn ekki komið
fram. Starfsmenn fara allir i læknis-
skoðun og röntgenmyndatöku ár-
lega.
„Það hefur alla grunað þetta og
gerðar hafa verið ófullkomnar mæl-
ingar á menguninni,” sagði Hákon.
„En engan óraði fyrir því að ástandið
væri svona alvarlegt. En það hefur
tekizt að koma i veg fyrir slika
mengun í erlendum verksmiðjum og
ætti að takast hjá okkur líka.”
-JH