Dagblaðið - 10.10.1979, Side 8

8
DAGBLAÐIÐ. MIÐVIKUDAGUR 10. OKTÓBER 1979.
Þrír verkalýðs-
foringjar spurðir
um stjómarslitin
DB sneri sér í gær til þriggja forystumanna verkalýðsfélaga og
spurði hvað þeim fyndist um stjórnarslitin.
„Sammála Magnúsi H.”
— segir Aðalheiður Bjamfreðsdéttir
„Ég er sammála Magnúsi H.
Magnússyni,” sagði Aðalheiður
Bjarnfreðsdóttir, formaður Sóknar,
um stjórnarslitin.
,,f>að átti að láta reyna á hvort
samstaða gæti náðst i ríkisstjórninni.
Mér finnst líka tíminn ákaflega illa
valinn. Um áramótin verða allir samn
ingar lausir hjá Alþýðusambands-
fólki. Samningar hafa verið lausir hjá
Bandalagi starfsmanna ríkis og bæja
og ekkert gengið. Þá hafa fjárlög
heldur ekki verið afgreidd. Landið
gæti orðið stjórnlaust i marga mán-
uði. Það hefði átt að kanna hvort
hægt væri að koma málum áfram og
láta þá springa á einhverjum málum.
Til dæmis er Magnús H. Magnússon
með ýmis frumvörp sem hafa mikið
gildi fyrir alþýðufólk og ég harma að
honum skuli ekki takast að koma
þeim fram.” -HH
„Mjögvonsvikin”
— segir Þórunn Valdimarsdóttir
,,Ég er uggandi um framtiðina,”
sagði Þórunn Valdimarsdóttir, for-
maður Verkakvennafélagsins Fram-
sóknar.
„Mér fannst þetta ekki bera rétt að
í Alþýðuflokknum. Að minnsta kosti
hefðum við, sem um þessi mál eigum
að fjalla í flokksstjórn, ekki átt að
frétta um þau fyrst i fjölmiðlum.
„Enginn getur ráðið í það í dag
hvernig málin verða til lykta leidd.
Það hefði verið kærkomin gjöf til
þjóðarinnar ef friður hefði getað
orðið. Ég er mjög vonsvikin,” sagði
Þórunn.
- HH
— segir Björn Bjamason
„Ég hef alltaf talið að búast mætti
við öllu af krötum en þetta framferði
þeirra er fáránlegra en ég hefði getað
átt von á,” sagði Björn Bjarnason
starfsmaður Iðju í Reykjavík.
„Öll verkalýðshreyfingin verður
með lausa samninga um áramótin.
Reynslan hefur verið að rikisstjórnir
blandast i kjarasamningamálin. Illa
horfir ef kannski situr fram á næsta
ár ríkisstjórn sem er alveg valdalaus.
Enda hljóta allir ábyrgir verkalýðs-
menn að vera andvígir stjórnarslitun-
um eins og sésl á þvi að verkalýðs-
armur krata er yfirleitt andvígur
þeim,” sagði Björn.
- HH
FRÁ ÍTALÍU
Hanzkaskinns
mokkasínur
Litur: brúnt
Stœrðir: 7—10.
Verð: 22.500.-
Herraskór
frá
Sandra
Litur: svart og
brúnt leður
með slitsterkum sóla.
Stærðir: 40—46.
Verð aðeins kr. 17.500.-
Skóbúðin Suðurveri
Stigahlið 45-47 - Sími 83225.
K«s
Gatnagerðarframkvæmdir «g fleiri stórframkvæmdir á Raufarhöfn hafa dregið vinnuaflið frá fiskvinnslunni.
DB-m.vnd Jónas Friðrik.
Raufarhöfn:
Togarinn landar úti
þar sem fólk fæst
ekki í fískvhmuna
—landinn að verða of fínn í f iskvinnu og250 úfléndingar fluttir
inn til þeirra starfa víða um land
Raufarhöfn hefur nú bætzt í hóp
þeirra sveitarfélaga sem standa frammi
fyrir þeim mikla vanda að annaðhvort
flytja að vinnuafl til fískvinnslu, jafn-
vel utan úr heimi, eða láta afkastamikil
fiskiskip æ oftar sigla beint á erlenda
markaði með fiskinn þar sem heima-
fólk gerist stöðugt fráhverfara fisk-
vinnunni þegar annað er i boði.
Ólafur H. Kjartansson, fram-
kvæmdastjóri Jökuls hf. á Raufar-
höfn, sagði í viðtali við DB að togarinn
Rauðinúpur haft siglt út eftir síðustu
veiðiferð af þessum sökum og selt þar
afla i fyrradag.
Sagði hann greinilegan straum fólks
liggja úr ftskvinnslunni yfir í hinar
ýmsu þjónustugreinar. 400 manns búa
nú á Raufarhöfn. Fyrir nokkrum árum
var sett þar á fót loðnubræðsla sem
gefur uppgripalaun. Þá er mikla vinnu
að hafa í gatnagerð og byggingu vatns-
veitu. Óvenju mikil vinna hefur verið
við vegagerð undanfarið og fjölbýlis-
hús er í smiðum. í kjölfar þessa hefur
þjónusta, svo sem verzlun, blómgast og
allt á kostnað fiskvinnslunnar.
Þá sagði hann ekki unnt að draga úr
útgerð togarans því til þess að hann
gæti komið hagkvæmur út þyrfti hann
að veiða a.m.k. þrjú þúsund tonn á ári.
Væri því nauðugur sá kostur að láta
hann sigla út með afla þrátt fyrir að
hann hafi verið keyptur til að skapa
mikla og jafna atvinnu.
Smábátaútgerðin hefur einnig dreg-
izt saman á kostnað áðurnefndra
greina. Sagði hann að í sumar hafi al-
veg staðið í járnum að hægt hefði verið
að reka frystihúsið eðlilega og nú væri
ekki unnt að framleiða á viðunandi
hátt.
Sjávarútvegsráðuneytið lét fyrir
nokkrum mánuðum gera samantekt á
veitingu atvinnuleyfa til útlendinga i
fiskvinnu hér og voru 250 leyfi veitt á
tímabilinu frá júní 1978 til maí í ár.
Fyrir voru allmargir sem fóru út á tíma-
bilinu en talan mun gefa rétta mynd af
fjölda starfandi útlendinga á þessum
tima. Ekki hefur dregið úr þessu síðan.
Flestir fengu leyfi til vinnu á Súg-
andafirði, 39, 30 á Flateyri, 23 á Þing-
eyri, 17 á Eskifirði, 17 á Súðavík, 16 á
Patreksfirði, 14 í Hnífsdal, 12 á Fa-
skrúðsfirði, 10 á Stöðvarfirði og færri
annars staðar.
Ef farið er í talnaleik, tekin meðal
fjölskyldustærð og meðalvinnuafl
einnar fjölskyldu, stuðzt við tölur um
fjölda atvinnutækifæra í kjölfar hvers
og eins i fiskiðnaði, lætur nærri að
þessi fjöldi útlendinga skapaði utan um
sig kaupstað á stærð við Húsavík.
Nú standa Raufarhafnarbúar
frammi fyrir innflutningi útlendinga ef
þeir vilja vinna afla togarans heima, að
öðrum kosti landi hann annars staðar á
landinu eða erlendis. -GS
Sunna leitar nauða-
samninga við lánardrottna
skuldimar taldar um 200 milljónir
Ferðaskrifstofan Sunna, sem nú
hefur verið lokuð um mánaðartíma,
hyggst á næstu þremti' mánuðum
leita nauðasamningavi.'lánardrottna
sina. Hefur úrskurður vciið kveðinn
upp í skiptarétti Reykjavikur um
heimild til greiðslustöðvunarhjáfyrir-
tækinu meðan nauðarsamnmganna
er leitað. Greiðslustöðvunarheimildin
byggist á nýjum lögum um gjaldþrot
fyrirtækja og er það Þorvaldur
Júlíusson hrl., sem annast nauðar-
samningatilraunir af hálfu Sunnu.
Upplýst var í skiptaréttinum þá er
úrskurðurinn var upp kveðinn að
skuldir Sunnu nema um eða yfir 200
milljónum og eru rúmar 97 milljónir
þar af skuldir erlendis. Hluti skuld-
anna er tryggður í eignum aðalhlut-
hafa í Sunnu og eru það skuldir m.a.
við Flugleiðir og ferðaskrifstofurnar
Útsýn og Úrval.
Sunna og Útsýn heyja nú nokkurt
stríð í fjölmiðlum um það hve há
skuld Sunnu sé við Útsýn. í tilkynn-
ingu Útsýnar i síðustu viku segir að
þá er Sunnu var lokað hafi ferða-
skrifstofan skuldað Útsýn 35 millj-
ónir króna. Síðan hafi Útsýn fengið
14,4 milljónir kr. af tryggingarfé
Sunnu hjá samgönguráðuneytinu en
flutt 152 Sunnufarþega heim frá út-
löndum á sinn kostnað.
Þessum fullyrðingum hef-
ur Sunna nú mótmælt i frétta-
tilkynningu. Segir þar að Útsýn hafi
enga farþega flutt fyrir Sunnu,
hvorki heim eða annað, nema áður
hefði verið gengið að fullu frá
greiðslum og/eða tryggingum fyrir
greiðslum sem Útsýn tók gildar.
Þar segir og að „þær tölur sem
forstjóri Útsýnar nefni í fréttatil-
kynningu sinni séu svo víðsfjarri
raunveruleikanum, að óskiljanlegt er
hvernig því bókhaldi er háttað, sem
slíkar tölur eru fengnar úr.”
Sunna þakkar i tilkynningu sinni
ráðuneytinu og Úrvali fyrir lipurð en
segir að þeir aðilar verði ekki fyrir
fjárútlátum vegna aðstoðar við flutn-
ing farþega Sunnu í síðustu ferðum.
- A.St.
Skipstjóra- og stýrímannafélagið Aldan óánægt með kjaradóm:
HUNDSAR KJARADÓMUR
FRJÁLSAN SAMNINGSRÉTT?
„Við teljum tvíeggjað að þessi
ákvörðun Kjaradóms og staðfesting
forsætisráðherra á henni orki tvímælis
fyrir lögum og verið sé að færa kjara-
dóminn í farmannadeilunni frá í sumar
yfir á okkar svið án þess að við hefðum
átt neinn þátt í .ftirmannadeilunni,”
sagði Þórður Sveinbjörnsson, fram-
kvæmdastjöri Skipstjóra- og stýri-
mannafélagsins Öldunnar, í viðtali við
DB í tilefni þess að kjaradómur, sem
skipaður var með lögum í farmanna-
deilunni, hefur nú ákveðið kaup og
kjör skipstjóra og stýrimanna á sand-
dæluskipunum þrem.
Að sögn Þórðar höfðu aðeins 2
samningafundir verið haldnir þar sem
þegar hafði náðst efnislegt samkomu-
lag við stýrimenn og samkomulag við
skipstjóra var í augsýn. Með hliðsjón
af þessu hafi allt bent til að samningar
tækjust með eðlilegum hætti.
Benti hann á að ef samningar við
skipstjóra hefðu strandað hefði átt að
vísa málum til sáttasemjara rikisins.
Með þessu telur Aldan að kjara-
dómur, með staðfestingu forsætisráð-
herra, hafi hrifsað samningsréttinn úr
hendi félagsins að ástæðulausu og mót-
mælir félagið slíkri aðför að frjálsum
samningsrétti.
- GS