Dagblaðið - 12.10.1979, Blaðsíða 8

8
DAGBLAÐIÐ. FÖSTUDAGUR 12. OKTÓBER 1979.
Kísiliðjan við Mývatn:
Úrbæturnar kosta
hundruð milljóna
— menguninni komið undir hættumörk innan sex
mánaða, segir framkvæmdastjóri verksmiðjunnar
— missir annars starfsleyfið, segir landlæknir
„Heilbrigðiseftirlit ríkisins getur
ekki mælt með því að starfsleyfi Kísil-
iðjunnar við Mývatn verði endurnýjað
nema úrbætur þar verið fljótlega,”
sagði Ólafur Ólafsson landlæknir í
gær. Landlæknir og Heilbrigðiseftirlit-
ið boðuðu til fundar í gær vegna hinnar
miklu rykmengunar, sem mælzt hefur í
Kísiliðjunni og við útskipun kísilgúrs á
Húsavik, sem DB hefur sagt frá.
„Verði endurbætur ekki unnar innan
t.d. hálfs árs getur Heilbrigðiseftirlitið
ekki mælt með því við ráðherra að leyfi
verksmiðjunnar verði endurnýjað,”
sagði landlæknir. ,,Auk þess verður
verksmiðjan þegar að leggja fram áætl-
un um aðgerðir og tima, sem verkið
verður unnið á.”
„Það er erfitt að segja hve langan
tíma lagfæringar í verksmiðjunni
taka,” sagði Vésteinn Guðmundsson,
framkvæmdastjóri Kisiliðjunnar. Við
verðum þó að ljúka verkinu innan sex
mánaða og það ætti að takast. Þá ætti
öll mengun að vera komin undir hættu-
mörk.
Við höfum þegar gert allar þær
ráðstafanir sem í okkar valdi eru til
þess að draga úr mengun, með bættri
umgéngni og meðferð til þess að fyrir-
byggja leka úr pokunum. Mengunin í
skipunum og við útskipunina verður
ekki stöðvuð nema með plastumbúðum
og notkun plastumbúða er þegar hafin
að nokkru.
Fundir hafa verið með starfsfólki og
er það mjög samvinnuþýtt til þess að
reyna allt sem hægt er. Mönnum hefur
verið kynnt efni skýrslunnar, en menn
gerðu sér ekki grein fyrir því hve mikil
hættan er."
Eins og fram hefur kontið í DB getur
mengunin valdið sjúkdómnum sili-
cosis, eða steinlunga, sem er ólæknandi
sjúkdómur.
„Það er ljóst,” sagði Vésteinn, „að
mengunarvarnirnar kosta verk-
smiðjuna hundruð milljóna króna, en
við kljúfum það.”
- JH
„Alþýðuflokkurinn hleypur frá Jan Mayen málinu”
Hætt við að Norðmenn
notfæri sér ástandið
— segir Alþýðubandalagið
„Með kröfu sinni um þingrof nú og
kosningar í desember hleypur Alþýðu-
flokkurinn frá mörgurn stórmálum á
viðkvæmu stigi. Þar má m.a. nefna Jan
Mayen málið, en hætt er við að Norð-
menn notfæri sér stjórnleysisástand á
íslandi í því sambandi,” segir þing-
flokkur Alþýðubandalags í yfirlýsingu
sem birt var í gær.
Þar er krafa Alþýðuflokks um
stjórnarslit sögð „í fyllsta máta
ábyrgðarlaus og vitaverð gagnvart
hagsmunum launafólks i landinu.”
Bendir Alþýðubandalagið á 4 höfuð-
atriði máli sínu'til stuðnings: Frestun á
afgreiðslu fjárlaga, nær allir kjara-
samningar eru lausir, ekki tekst að
ljúka því verki sem fram fer á endur-
skoðun stjórnarskrár og kosningalaga,
kosningar yrðu í mesta skammdeginu
„þegar aðstæður eru að jafnaði verstar
til umferðar í landinu”.
- ARH
Trillukarlar við Reykjavikurhöfn: Jón Barðdal (til vinstri) og Grimur Bjarnason.
DB-mynd Hörður.
LOKA TRILLUKARLAR
REYKJAVÍKURHÖFN?
„Það er gífurleg óánægja meðal
smábátaeigenda vegna þessarar
ákvörðunar hafnarstjóra og henni
verður örugglega mótmælt, hugsan-
lega með þvi að við lokum höfninni
einhvern tíma,” sagði Jón Barðdal,
einn af smábátaeigendum i Reykja-
vik, sem hefur nú verið gert að fjar-
lægja báta sína úr Reykjavíkurhöfn.
„Við fengum auglýsingu í síðustu
viku um að fjarlægja eigi bátana í
dag. Þetta eru um 20 bátar er hafa
verið vestan Ægisgarðs. Hér er um að
ræða trillur sem sennilega hafa aflað
gjaldeyris fyrir hundruð milljóna á
síðasta ári með grásleppuhrognum.
Aðstaða þessara báta hefur hvergi á
landinu verið eins slæm og í Reykja-
vík, og nú er það sem sé ákvörðun
hafnarstjórnar að þarna þurfi ein-
hverju að breyta og þá verðum við að
víkja. Það er mikil óánægja meðal
okkar og við munum örugglega mót-
mæla þessu,” sagði Jón Barðdal að
lokum.
- GAJ
„Vandinn verður ekki leystur hér”
—segirhafnarstjóri
„Að sjálfsögðu verður að leysa
vanda trillubátaeigenda þegar þar að
kemur. Það verður bara ekki gert á
þessum stað,” sagði Gunnar B. Guð-
mundsson hafnarstjóri er DB ræddi
mál trillubátaeigenda við hann.
Hafnarstjóri sagði, að trillubáta-
eigendur fengju jafnan á haustin til-
kynningu um að þeim bæri að taka
trillur sínar upp. Hann sagði, að nú
bættist hins vegar það við, að fyll-
ingarframkvæmdir væru fyrirhug-
aðar á þeim stað þar sem bátarnir
hefðu legið, þannig að vandi þeirra
yrðiekki leysturá þcim staðí framtíð-
inni. „Ef þessir bátar liggja þarna
yfir vetrartímann, eru þeir meira og
minna i vanhirðu og sökkva,” sagði
hafnarstjóri og itrekaði, að það væri
ekkert nýtt, að þessir bátar væru
teknir upp á haustin þó tilefnið væri
kannski annað nú.
-GAJ
Fjárlagafrumvarpið borið inn á Ál-
þingi í gær. DB-mynd Ragnar Th.
Andvana fætt
fjárlaga-
frumvarp
—Tómas Árnason gerir
ráðfyrirhallalausum
ríkisrekstri
Fjárlagafrumvarp Tómasar
Árnasonar fjármálaráðherra kom frari
í gær og er andvana fætt. Framsókn
stendur ein að frumvarpinu og vinstri
stjórnin fallin. Tómasgerir í frumsarpi
sinu ráð fyrir, að ekki verði á næsta ári
halli á ríkisbúskapnum eins og verður i
ár.
Heildartekjur ríkisins yrðu sam-
kvæmt frumvarpinu 330,3 milljarðar,
sem yrðu um 29 prósent af áætlaðri
framleiðslu þjóðarinnar og hann telur
innan við það stefnumark, sem vinstri
stjórnin hafði sett sér. „Þón i þessu
felist nokkur hækkun skatthlutfalls frá
því, sem verið hefur á síðustu árum, er
hér fyrst og fremst um það að ræða að
koma á jafnvægi milli gjalda og tekna
t ikissjóðs í samræmi við útgjöld eins og
þau hafa verið á undangengnum árum.
Hér er þannig verið að viðurkenna
nauðsyn þess að afla tekna til nauðsyn-
legra útgjalda og til að stöðva skulda-
söfnun ríkissjóðs,” segir Tómas í
greinargerð með frumvarpinu. - HH
Hitaveita Suðumesja:
Vill þrefalda raf-
orkuframleiðslu
„Við framleiðum nú þegar 2 mega-
vött með 2 túrbínum í Svartsengi og
óskuðum eftir heimild til frekari raf-
orkuframleiðslu þar,” sagði Albert
K. Sanders, bæjarstjóri í Njarðvíkum
og formaður Hitaveitu Suðurnesja,
við Dagblaðið.
Hitaveitan hefur selt afgangsorku
út á rafmagnskerfið undanfarið og
hyggst framleiða mciri raforku til
sölu.
„Við teljum góða möguleika á að
framleiða 6 megavött í viðbót. Ef
unnið verður hratt í málinu komast
viðbótartúrbínurnar í gagnið síðari
hluta næsta árs.
Kostnaður er lauslega áætlaður
7—800 milljónir króna, en sparnaður
á einum vetri gæti orðið nokkuð á
annan milljarð. Þctta er augljóslega
feikilegur sparnaður fyrir þjóðar-
búið,” sagði Albert K. Sanders.
Páll Flygenring í iðnaðarráðuneyti
sagði að erindi Suðurnesjamanna
hefði verið sent Landsvirkjunog Raf-
magnsveitum rikisins til umsagnar,
enda færu þeir fram á að selja raf-
magn inn á veitusvæði sem Lands-
virkjun sæi fyrir rafmagni lögum
samkvæmt. Landsvirkjun hefur
svarað erindinu að hluta og virðist
gefa grænt Ijós á 6 megavatta viðbót í
Svartsengi. Landsvirkjun vill að
orkuframleiðslan geti hafizt strax
næsta vetur, enda vandræðaástand í
vatnsbúskap og orkuskortur yfirvof-
andi.
Fulltrúar Hitaveitu Suðurnesja og
Landsvirkjunar munu ræða málið
frekar. Iðnaðarráðuneytið telur að
þessir aðilar eigi að ná samkomulagi
um framhaldið. -ARH
Hitagildi vamar-
liðssorps kannað
„Nei. Það er ekki um það að ræða,
að varnarliðsmenn séu óánægðir með
þátttöku sina í sorpreyðingarstöðinni.
Ástæðan til þess að þeir hafa ekki
notað stöðina undanfarna daga er sú,
að við óskuðum eftir því,” sagði
Haraldur Gíslason, framkvæmda-
stjóri Sorpeyðingarstöðvar Suður-
nesja, er DB spurði hann, hvort rétt
væri að varnarliðsmenn væru hættir
að keyra sitt rusl i sorpeyðingar-
stöðina vegna þess hve dýrt það
væri.
Haraldur sagði, að í upphafi hefði
eingöngu verið keyrt i stöðina rusl frá
hernum. Það hefði verið gert til að
ftnna hitagildisinnihald sorpsins þvi
kostnaðurinn færi eftir hitagildisinni-
haldinu. Undanfarna daga hafa
varnarliðsmenn síðan hætt að keyra í
stöðina til að hægt væri að tlnna
hitagildisinnihald þess sorps sent
ekki væri frá þeint komið.
Haraldur ítiekaði að ekki væri urn
neina óánægju varnarliðsins að
ræða. Hér væri einungis urn samn-
ingsatriði að ræða.
- GAJ
Skýrsla Þjóðhagsstofnunar i gær varð ekki til að létta brúnina á Gcir Hallgrimssyni
og Benedikt Gröndal.
Samkvæmt þjóðhagsáætluninni:
VERÐBÓLGAN í ÁR
53-55 PRÓSENT
— framleiöslan vex en þjóðartekjur minnka
Siðust áætlanir benda til, að vísitala
framfærslukostnaðar, verðbólgan,
hækki um 53—55 prósent frá upphafi
til loka ársins í ár, segir í skýrslu um
þjóðhagsáætlun, sem Þjóðhagsstofnun
hefur unnið og kom fram á Alþingi í
gær.
Bein og óbein áhrif olíuverðshækk-
unarinnar eru talin valda um 10 pró-
sentum af þessari auknu verðbólgu.
í spá fyrir næsta ár er stuðzt við-
stefnuyfirlýsingar framsóknarmanna
um kjaramál og því litið upp úr þeim
að leggja á þessu stigi, þar sem stjórnin
er fallin.
Horfur eru á, að framleiðsla þjóðar-
innar vaxi um rúmlega tvö prósent í ár.
Vegna versnandi viðskiptakjara við út-
lönd munu þjóðartekjur hins vegar
minnka um nálægt eilt prósent. Tölur
um næsta ár benda til, að framleiðslan
vaxi um nálægt eitl prósent en þjóðar-
lekjur verði nánast óbreyttar.
Viðskiplakjörin gagnvart útlöndum
eru talin verða 11 —12 prósenl lakari i
ár en i fyrra. Óliklegl er talið, að á
næsta ári muni hækkun verðlags á út-
flultum afurðum gera belur en að vega
upp verðhækkun á innflutningi öðrum
en olíu. Olíuverðið mun því ráða áfram
úrslitum viðskiptakjörin, og er áællað,
að þau verði 1980 3—4 prósent lakari
en i ár.
Kaupmattur kauptaxta verkafólks
verður i ár I—2 prósent minni en var í
fyrra, þegar reiknað er meðallal yfir
árið. Kaupmáttur er talinn munu rýrna
á síðasta fjórðungi ársins og verða þá
2—3% undir meðaltali ársins.
Erlendar skuldir þjóðarinnar hafa
aukizt ntun meira en ráð var fyrir gert.
Erlendar lántökur i ár munu verða um
50 milljarðar.
Framvinda rikisfjármála varð óhag-
stæð, og er gert ráð fyrir 5—6 milljarða
rekstrarhalla hjá ríkinu og 4,5—5 millj-
arða greiðsluhalla.
- HH