Dagblaðið - 13.10.1979, Blaðsíða 7

DAGBLAÐIÐ. LAUGARDAGUR 13. OKTÓBER 1979.
7
Það munar um að ná gjaldeyrinum undan koddanum:
5% GJALDEYRISFORÐANS
Á ÍSLENZKUM REIKNINGUM
Landsmenn eiga nú 2500 milljónir
króna inni á gjaldeyrisreikningum
sem eru 4—5 þúsund talsins í
bönkum landsins. Þetta eru hvorki
meira né minna en fimm af hundraði
af öllum gjaldeyrisforða íslands,
brúttó, og munar um minna.
Eigendur slíks gjaldeyris fá stórar
upphæðir í gengishagnað eftir því
sem íslenzka krónan fellur í verðgildi
gagnvart þeim erlendu myntum sem
gjaldeyrisreikningarnir eru stílaðir á.
Þannig hafði erlendur gjaldeyrir
hækkað í verði um 20 prósent frá
áramótum fram i september. Ef
reiknað er með 30 prósent hækkun
erlends gjaldeyris á einu ári fengju
eigendur gjaldeyrisreikninganna 750
milljónir í gengishagnað á ári. Geir
Haarde í Seðlabankanum veitti DB
framangreindar upplýsingar, og þá
vaknar spurningin: er slíkur gengis-
hagnaður skattskyldur?
Sigurbjörn Þorbjörnsson ríkis-
Húsávík:
RYKGRÍMUR NÚ SKILYRDIS-
LAUST N0TAÐAR VIÐ
ÚTSKIPUN Á KÍSILGÚR
skattstjóri tjáði blaðinu, að þess
konar gengishagnaður væri skatt-
skyldur eða skattfrjáls eftir sömu
reglum og „aðrar vaxtatekjur”.
Gengishagnaðurinn er skattskyldur
meðan hann er lægri upphæð en
skattgreiðandi hefur fært sér til frá-
dráttar sem vaxtagjöld af stuttum
lánum, og vegur þannig upp á móti
frádrættinum. Það af gengishagnaði,
og „öðrum vaxtatekjum” sem er
umfram vaxtagjöldin er hins vegar
skattfrjálst.
-HH.
Alþýðubandalagið:
„Fullt hús á
félagsfundi”
„Við vorum með fullt hús, lang-
fjölmennasta félagsfund
Alþýðubandalagsins í Reykjavik í
langan tíma,” sagði Ólafur Ragnar
Grímsson, formaður framkvæmda-
stjórnar Alþýðubandalagsins, í
viðtali við DB um Alþýðubandalags-
fund í fyrrakvöld.
Lúðvík Jósepsson og Svavar
Gestsson voru frummælendur á
fundinum.
„Það er hugur í okkar fólki að
blása til sóknar á tímum þegar endur-
reisn viðreisnarstjórnar í einhverri
mynd virðist borðliggjandi.
Ýmsar spurningar hafa vaknað í
sambandi við brotthlaup kratanna úr
ríkisstjórninni,” sagði Ólafur
Ragnar.
„Táknrænt er að á borðum þing-
manna í gær beið skýrsla frá Bene-
dikt Gröndal um flugstöðvar-
byggingu á Keflavikurfiugvelli —
hjartans mál ráðherrans í langan
tíma. Um hana hefur ekki verið rætt
í rikisstjórninni og því umhugsunar-
efni hvers vegna lá svo mikið á að
leggja hana fram.
Þjónusta við Bandaríkjamenn er
kappsmál utanríkisráðherra og
fróðlegt að vita hvort menn koma til
með að lesa það í leyniskjölum eftir
30 ár, að um þetta leyti hafi átt sér
stað baktjaldamakk milli stjórnvalda
íslands og Bandaríkjanna um
aðstöðu þeirra síðarnefndu hér á
landi.”
-ARH.
Skálatún berst enn íbökkum
„Það er fyrirsjáanlegt að heimilið
verður rekið við slæman kost á næst-
unni. 80% af daggjöldum fara beint í
launagreiðslur og það hlutfall er allt of
hátt,” sagði Sigurður Þorgrímsson,
stjórnarformaður Skálatúnsheimilis-
ins, i samtali við DB.
Sigurður sagði að í ágúst hefði
heimilið beinlínis verið komið i þrot
vegna mikillar skuldasöfnunar. Þá
hefði fengizt yfir 40% hækkun. Þessi
daggjaldahækkun hefði síðan verið
dregin til baka að nokkru þann 1.
september og útlitið væri alls ekki gott
nú.
-GAJ-
Nú ber verkamönnum skilyrðislaust að nota rykgrímur við útskipun kisilgúrs.
Útskipun á kísilgúr á Húsavik hefur
reynzt sérlega hættuleg vegna ryk-
mengunar, eins og komið hefur fram í
DB. Við útskipun vinna að jafnaði
10—15 manns, oft konur og unglingar.
Útskipun er að jafnaði á 10—14 daga
fresti og stendur í 2—3 daga i einu.
Rykmengunin reyndist við mælingu
Heilbrigðiseftirlits ríkisins allt að 15-
falt yfir hættumörkum við útskipunina
á Húsavik. Þar hefur fólk ekki notað
rykgrímur og því staðið berskjaldað
fyrir menguninni.
Heilbrigðisnefnd Húsavikur hefur
nú gert það að skilyrði að menn noti
rykgrímur við útskipunina og var það
gert við útskipun i siðasta skip nú í
vikunni. Jafnframt hefur unglingum
innan 18 ára aldurs verið bannað að
vinna við útskipunina, enda getur
mengunin valdið ólæknandi sjúkdómi,
steinlunga.
-JH.
Faríð er að nota plast utan um kisilgúrpokana og dregur það verulega úr rykmengun
við uppskipunina. Stefnt er að þvi að slikt plast verði notað utan um alla pokana.
DB-myndir: Einar Ólason, Húsavfk.
N0RRÆN
MENNINGARVIKA1979-
1 kvöld kl. 20:30:
ELSE PAASKE (ait)
ERLAND HAGEGAARD (tenór)
FRIEDRICH GURTLER ipianú)
jÁ efnisskránni eru verk eftir Schumann (Frauenlibe und — leben) Sibelius,
'Mahler og Purcell.
Sunnudag 14. okt. kl. 20:
Tónleikar með verkum eftir JÓN N0RDAL
Flytjendur: Guðný Guðmundsdóttir, Halldór Haraldsson,
Félagar úr Fóstbræðrum (stj. Ragnar Björnsson)
Kammersveit Reykjavíkur (stj. Páll P. Pálsson) og Hamra-
hlíðarkórinn (stj. Þorgerður Ingólfsdóttir).
Verið velkomin.
Norræna húsið.