Dagblaðið - 22.10.1979, Blaðsíða 40
V
Rannsókn á umfangsmiklu fíknief namáli að Ijúka:
„UPPLÝST UM FLESTAR
TEGUNDIR FÍKNIEFNA”
— kannabis, amfetamín, LSD og kókaín
Um það bil er að Ijúka rannsókn á
talsvert umfangsmiklu fikniefnamáli
hjá fíkniefnadeild lögreglunnar i
Reykjavík. Hátt í tugur ungra manna
hefur á undanförnum vikum setið i
gæzluvarðhaldi vegna málsins, en á
laugardaginn losnaði sá siðasti.
„Þetta var umtalsvert magn fíkni-
efna,” sagði Guðmundur Gigja,
lögreglufulltrúi í fikniefnadeUdinni i
morgun, „og flestar tegundir. Á þvi
hálfa öðru ári, sem mál þetta nær
yfir, voru flutt inn nokkur kiló af
kannabisefnum, slatti af LSD og svo
nokkuð af bæði amfetamini og
kókaíni. Þessi efni hafa verið fiutt
inn bæði frá Bandaríkjunum og
Evrópu.”
Guðmundur kvaðst ekki geta gefið
nánari upplýsingar um magnið, sagði
það ekki hafa verið tekið saman
ennþá.
Þá er rétt að geta þess, að i frétt
blaðsins á laugardag um innflutning
fikniefna til landsins, var ruglað
saman tveimur orðum — upptækt og
upplýst — þannig að veruleg brengl-
un varð á efnisatriðum fréttarinnar.
Hið rétta er, að ásíðasta ári upplýsti
fikniefnadeildin um innflutning á um
70 kg af kannabisefnum, en gerði þau
ekki upptæk, eins og sagði í fréttinni.
Hluta þessara 70 kílöa hafði þegar
verið neytt er uppvíst varð um inn-
flutning þeirra. DB biðst velvirðingar
á þessum mistökum. -ÓV.
frfálst, áháð daghlað
MÁNUDAGUR 22. OKT. 1979.
Vesturlandskjördæmi:
Ekkert
prófkjör
hjá
Framsókn
— Alexander í efsta sæti
— Davíð á Ambjargar-
lækíöðrusæti
Alexander Stefánsson alþingismaður
verður i efsta sæti Framsóknarflokks i
Vesturiandskjördæmi. f öðru sæti
verður Davíð Aðalsteinsson á Am-
þjargarlæk. Ákvörðun um þetta var
tekin á kjördæmisþingi, sem haldið var
að Valfelli í Borgarhreppi í gær.
„Kjördæmisþingið var mjög
ánægjulegt og mikill hugur í mönn-
um,” sagði Alexander Stefánsson í við-
tali við DB. Hann sagði, að staða
fiokksins væri betri nú en fyrir síðustu
þingkosningar.
Ákvörðun um næstu sæti hefur ekki
enn verið tekin. í þriðja sæti er meðal
annars rætt um Dagbjörtu Höskulds-
dóttur, verzlunarmann í Stykkishólmi,
og Jón Sveinsson, fuUtrúa bæjarfógeta
á Akranesi. Úr þessu verður skorið um
næstu helgi og þannig verður ekki próf-
kjör hjá Framsókn á Vesturlandi.
- BS
Kvennalisti í
kosningunum?
TU tals hefur komið meðal nokkurra
kvenna hér í bæ að setja saman
kvennalista til framboðs í alþingiskosn-
ingunum í vetur. Ein af þeim konum
sem um þetta hafa rætt er Unnur Krist-
jánsdóttir skattendurskoðandi í
Reykjavík. Er haft var samband við
Unni i morgun vildi hún ekkert um
málið segja, sagði að það væri ekki
komið á það stig að hægt væri að segja
nokkuð.
- DS
Sjálfstæðisflokkurinn
á Vesturlandi:
Tillaga um
prófkjör
felld
Sjálfstæðismenn í Vesturlandskjör-
dæmi héldu aðalfund kjördæmisráðs á
Grundarfirði i gær. Niðurstaða hans
var meðal annars súað halda ekki próf-
kjör um skipan framboðslista að þessu
sinni. Heimildir DB herma að skiptar
skoðanir hafi verið um þessa ákvörðun
og einstaka áhrifamenn flokksins í
kjördæminu séu óhressir með að hafa
ekki prófkjör.
Búizt er viö að kjördæmisráð verði
kvatt saman til fundar um næstu helgi
til að ganga frá framboðslista Sjálf-
stæðisflokksins á Vesturlandi.
-ARH
Sjálfstæðismenn hafna
prófkjöri íNorðurlandi
eystra:
Fellt með
39:8
Sjálfstæðismenn í Norðurlandi
eystra halda ekki prófkjör fyrir þing-
kosningarnar. Tillaga um prófkjör var
felld með 39 atkvæðum gegn 8 og tveir
seðlar voru auðir á kjördæmisþingi
Sjálfstæðisflokksins, sem haldinn var á
Akureyri í gær.
Kjörnefnd skilar tillögum til kjör-
dæmisráðsins fyrir næsta sunnudag.
„Það var skoðun yfirgnæfandi fjölda
fulltrúa, að of skammur tími væri til
þess að halda prófkjör. Meðal annars
mótast þetta af nýjum samræmdum
reglum flokksins um prófkjör,” sagði
Svanhildur Björgvinsdóttir á Dalvík,
formaður kjördæmisráðsins, í viðtali
við DB.
Mestar líkur eru nú á því, að Lárus
Jónsson alþm. og Halldór Blöndal,
varaþingm. verði í tveim efstu sætum
lista, Sjálfstæðisflokks í kjördæminu.
JónG^Sólnes vildi hafa prófkjör. Það
var fellt é'ms.og að framan segir.
Listi Sjáifstæðisflokks á
Vestfjörðum ákveðinn:
Matthías í
efsta sæti
Sjálfstæðismenn i Vestfjarðakjör-
dæmi gengu frá skipan framboðslista
sins á fundi í gær. Tillaga um prófkjör
var felld með 28 atkvæðum gegn 22.
Að sögn var ástæðan fyrst og fremst
knappur tími til kosninga.
Efstu sæti listans skipa:
1. Matthías Bjarnason, fyrrv. al-
þingismaður, ísafirði.
2. Þorvaldur Garðar Kristjánsson,
fyrrv. alþingismaður, Reykjavik.
3. Sigurlaug Bjarnadóttir, kennari,
Reykjavík.
4. Einar K. Guðfinnsson, Bolungar-
vik.
5. Ólafur H. Guðbjartsson, Patreks-
firði. -ARH
Prófkjör Alþýðuflokks
á Reykjanesi:
Barizt umöll sæti
nema það ef sta
„Kjartan Jóhannsson býður sig fram
í efsta sætið í prófkjörinu hér i Reykja-
neskjördæmi,” sagði Ólafur Haralds-
son, formaður kjördæmisráðs, í viðtali
við DB.
Karl Steinar Guðnason býður sig
fram i 2. sæti, og Gunniaugur Stefáns-
son í 2. og 3. sætið. Guðrún H. Jóns-
dóttir bankaritari, Kópavogi, gefur
kost á sér í 3., 4. og 5. sæti og Ásthildur
Ólafsdóttir, Hafnarfirði, Í4. og 5.
Ólafur Bjöfnsson bæjarfulltrúi,
Keflavik, gefur kost á sér i 1., 2., 3., 4.
og 5. sæti og Örn Eiðsson, bæjarfull-
trúi Garðabæ, í 2., 3., 4. og 5. sæti.
Kosið verður um fimm efstu sætin og
verður prófkjörið næstkomandi
laugardag og sunnudag á 14 kjör-
stöðum. Strax að loknu kjöri verða at-
kvæði talin i Alþýðuhúsinu i Hafnar-
firði og úrslit kynnt. - BS
Þarfasti þjónninn barþau fyrsta afangann
Vegfarenclur I Hafnarfirdi rak í rogastanz ú laugardaginn þegar prúðbúió par skeiðadi eftir aðaigötum bœjarins. Þetta roru
greiniiega ekki neinir renjulegir útreiðartúrsmcnn — eitthvað merkilegt hafði átt sér stað. Þetta voru ung brúðhjón að koma
frá því að láta gefa sig saman i Fríkirkjunni og þau kusu að ferðast með þessum nokkuð óvenjulega hœtti heim til hrúðarinn-
ar. þar sem veizian var haldin. Þetta eru þau Margrét Jónsdóttir og Sveinn Gaukur Jónsson. -A.Bj./ DB-mynd: Hörður.
— sjá bls. 16
Færeyingar sár-
reiðir Iscargo
— Færeyska f élagið Kyndill rekið úr Evrópukeppninni
íhandknattleik
IHF, alþjóðahandknattleikssam-
bandið, rak færeyska liðið. Kyndil
úr Evrópukeppninni í siðustu viku
vegna þess að leikmenn félagsins
mættu ekki til leiks, þegar þeir áttu
að leika við ensku meistarana á
Englandi.
Færeyingar eru sárreiðir íslenzka
flugfélaginu Iscargo. Telja að það
eigi alla sök á þvi, að leikmenn
félagsins komust ekki til Englands á
réttum tíma. Kyndill hafðigert samn-
ing við Iscargo og átti 19 manna
Vængja-flugvél að fljúga leik-
mönnum þess til Englands fimmtu-
dáginn II. október. Vængjaflugvélin
kom hins vegar sólarhring of seint til
að ná i leikmenn Kyndils. Enska
liðið, sem Færeyingar töldu sig hafa
alla möguleika á að sigra og komast
þar mcð í 2. umferð, vildi ekki fresta
leiknum við Kyndil um nokkrar
klukkustundir.
-Hsím.
„Við ráðum ekki við veðurguðina”
— segir Kristinn Finnbogason, framkvæmdastjóri Iscargo
„Þetta er einfalt mál. Við ráðum
ekki við veðurguðina,” sagði Krist-
inn Finnbogason, framkvæmdastjóri
Iscargo, er DB spurði hann um
ástæður þessa máls.
„Við áttum að fljúga til Færeyja
með knattspymustúlkur úr Fram og
ætluðum síðan með þetta færeyska
handknattleikslið til Englands.
Veðrið var hins vegar vitavitlaust
þennan dag og því ekki forsvaranlegt
að fljúga. Við komumst ekki fyrr en
daginn eftir og buðumst til að fljúga
með liðið þá en Englendingar
neituðu þeim þá um að fresta leikn-
um.
Við hörmum að þetta skuli hafa
komið fyrir en við ráðum bara ekkt
við veðrið. Flugleiðir áttu að fljúga
þennan sama dag til Færeyja en þeir
komust ekki heldur vegna veðurs,”
sagði Kristinn.
-GAJ-
I