Dagblaðið - 25.10.1979, Blaðsíða 21

DAGBLAÐIÐ. FIMMTUDAGUR 25. OKTÓBER 1979.
.21
Birgðir sorpeyðingarstöðvarínnar um síðustu áramót:
Skamafjall á stærð við
4ra hæða íbúðarblokk
— það nægir til rúmlega 2ja ára þó framleiðslu skarna sé hætt fyrir löngu
1 upphafi þessa árs voru til hjá
Reykjavíkurborg birgðir af skarna,
samtals 6000 rúmmetrar, að þvi er
segir í skýrslu gatnamálastjóra.
Samsvara þessar birgðir skarnafjalli
sem er á við fjögurra hæða
íbúðarblokk með átta 115 fermetra
íbúðum. Skarnafjallið gæti verið
stæða sem væri 12x40 metrar að
flatarmáli og 12 metrar að hæð. Þess-
ar birgðir voru til þrátt fyrir að
Sorpeyðingarstöðinni var lokað og
störfum þar hætt 14. júlí 1978.
Samkvæmt skýrslu gatnamála-
stjóra um söluskarna á árinu 1978 eru
birgðirnar sem til voru um áramótin
síðustu meiri en tveggja ára notk-
unáburðarins.í skýrslunni kemur og
fram að skarna notuðu fáir aðrir en
borgarstofnanir. Samkvæmt þessu
virðast vinsældir skarnans ekki hafa
orðið miklar hjá almenningi.
Fram til 14. júlí 1978 er sorpeyð-
ingarstöðinni var lokað vann hún úr
734 bílförnum af sorpi eða ca 3100
tonnum. Úrgangur úr því magni
reyndist um 2000 tonn og var ekið á
öskuhaugana.
Framleiðsla á skarna þetta
rúmlega hálfa ár 1978 nam 3294 rúm-
metrum og þar af seldust 2441 rúm-
metri og 2053 pokar.
Aldrei var nema litill hluti sorps
Reykvikinga unnið i sorpeyðingar-
stöðinni sálugu. Á árinu 1978 var
heildarmagn sorps í Reykjavik 220
þúsund rúmmetrar eða um 23.800
tonn. í hverri hrcinsunaryfirferð þarf
að tæma 40669 sorpílát.
Allt þetta sorpmagn fer að mestu
leyti á haugana í Gufunesi og þangað
hefur einnig verið ekið sorpi frá ná-
grannabæjunum og jafnvel sorpi frá
bæjum austanfjalls. -A.St.
Hvar er athvarf
alkóhólistanna?
— Sogn, Silunga-
pollur,
Hlaðgerðarkot,
Kleppureða
Hverfissteinn
í viku sem tileinkuð er baráttunni
gegn vímugjöfum er ekki úr vegi að
athuga hvert athvarf þeir eiga, sem
orðið hafa vímunni að bráð. Og hvert
geta þeir leitað sem vilja aðstoða sína
nánustu dauðadrukkna og ef til vill
haldna drykkjuæði — deleríum trem-
ens? Við snerum okkur til Hilmars
Helgasonar, formanns SÁÁ, og
spurðum hann þeirra spuminga.
„Satt bezt að segja er ekki sama
hver maðurinn er,” sagði Hilmar.
„Sé. um að ræða mann sem áður
hefur leitað sér aðstoðar, t.d. hjá
AA-samtökunum er oftast hægt að
fá mann frá samtökunum til þess að
koma heim. >á situr hann hjá þeim
drukkna þar til af honum bráir. Ef
þetta er hins vegar maður sem ekki
hefur áður leitað sér aðstoðar er
vænlegast að hringja í sáluhjálpar-
síma SÁÁ, eða á skrifstofuna ef hún
er opin. Stundum er reynt að senda
þaðan fólk heim til alkóhólistans en
það er erfitt slarf og stundum ekki
hægt að fá fólk. En það hefur þó
tekizt og hjálpað mikið til. Ef
alkohólistinn er hins vegar kominn
með deleríum er oftast laust neyðar-
pláss ádeild 10 á Kleppi. Sé hins veg-
ar ekki um annað að ræða en að kalla
á lögregluna, þá er manninum oftast
komið i Hverfistein yfir nóttina. Þar
vinnur nú orðið áfengisráðgjafi og
talar hann við alla fanga áður en þeir
fara út aftur á morgnana og reynir að
fá alkóhólistana til að leita sér
meðferðar. Svo vel hefur honum
tekizt til, að í júlí kom 121 í Hverfis-
stein og af þeim leituðu 86 sér
meðferðar eftir viðtalið við hann.”
, Afvötnun og
eftirmeðferð
— En hvers konar meðferð er það þá
sem fólki gefst kostur á
,,SÁÁ rekur afvötnunarstöð að
Silungapolli og eftirmeðferðarstöð
að Sogni. Afvötnunin tekur 10—14
daga en eftirmeðferðin fjórar vikur.
Hvítasunnusöfnuðurinn rekur
einnig Hlaðgerðarkot sem alltaf er
fullt. Meðferðin sem þar er boðið
upp á er ekkert lík meðferð SÁÁ. Þar
er trúin eina lækningarmeðalið. Þeir
sem dvelja að Hlaðgerðarkoti geta að
þvi er virðist farið í bæinn þegar þeir
vilja og fáalltaf inngöngu aftur.”
I gistiskýlinu i gamla Farsóttarhúsinu við Þingholtsstræti
DB-mynd: Ragnar Th.
— Er svo ekki gistiskýli fyrir svo-
nefnda róna?
„Jú. Rekin eru tvö gistiskýli i
Reykjavik. Borgin sér um þatt og
heldur þeim uppi. Skýli er i Þingholts-
strætinu fyrir karla og á Amimanns-
stígnum fyrir konur. í Þtngholts-
strætinu er mönnum leyft að gista séu
þeir sæmilega stilltir og þar fá þeir
morgunmat. Á Amtmannsstignum
búa konurnar hins vegar og vinna út
frá skýlinu eins og hverju öðru
heimili sem þær borga til. Þar er al-
gjört skilyrði að konurnar séu
ódrukknar þegar þæ; koma inn. Svo
strangt er það ekki í Þingholts-
strætinu en ef menn eru mjög illa
drukknirer þeim bent á að fá sér
gistingu i Hverfisteini."
Vilja láta
ákveða fyrir sig
— Hvað geta aðstandendur
alkohólista gert til þess að fá þá til að
leitasér lækninga?
„Þeir sem hringja til okkar eru
yfirleitt hvattir til að koma til
viðtals. Þá er þeim ráðlagt hvernig
haga beri sér í slíkum tilfellum. Yfir-
leitt duga þær ráðleggingar sem við
gefum vel því í rauninni vill
alkoliólistinn ekkert frekar en aðgera
eitthvað í málinu. Og hann vill helzt
láta aðra taka þá ákvörðun fyrir sig.
Stundum förum við líka heim til
fólks og það gera AA-samtökin
einnig. En það er mjög erfitt starf og
enginn maður er hvattur til slíkra
erinda nema i fylgd með öðrum og þá
verður að fara varlega i sakirnar,”
sagði Hilmar Helgason. -DS.
ISCARG0 KAUPIR VELIAMERIKUFLUG
„Það er maður frá okkur í Banda-
rikjunum núna að skoða ákveðna flug-
vél í eigu Golfstream Airlines, með
kaup i huga ef vélin reynist í því ástandi
sem félagið segir og um semst. Ef af
þessum kaupum verður munum við
alveg á næstunni stórauka
vöruflutningaflug okkar og m.a. taka
upp fasta vikulega ferð til Banda-
ríkjanna auk tveggja ferða til Evrópu,”
sagði Kristinn Finnbogason, fram-
kvæmdastjóri íscargo, i viðtali við DB.
Flugvélin, sem um ræðir er af
gerðinni Lockheed Electra, fjögurra
hreyfla skrúfuþota og getur borið allt
að 16 tonnum eða 2 tonnum meira en
DC-6 vélin sem félagið á nú. Slikar
vélar kosta nú um milljarð og eru
viðskiptin fyrirhuguð á kaupleigu-
grundvelli. Gamla vélin verður þá
væntanlega seld innan tíðar. í kjölfar
tíðra bilana hefur hún verið endur-
nýjuð verulega undanfarið og bjóst
Kristinn við að miðað við ástand henn-
ar gætu fengizt 350 þúsund til 400 þús-
und dollarar fyrir hana.
Að sögn Kristins liggur þegar fyrir
stór samningur um flutninga til Banda-
ríkjanna ef félagið aflar sér flugvélar til
þeirra ferða.
-GS.
Fylkingin meðframboð:
RAGNAR
EFSTUR
Fylkingin hefur birt framboðslista
sinn vegna Alþingiskosninganna.
Fimm efstu sætin skipa:
1. Ragnar Stefánsson jarðskjálfta-
fræðingur.
2. Ásgeir Danielsson kennari.
3. Guðmundur Hallvarðsson verka-
maður.
4. Birna Þórðardóttir.
5. Rúnar Sveinbjörnsson rafvirki.
Fylkingin segir að „megináherzlu
punktar” kosningastefnuskrárinnar
séu:
Eflum sjálfstæða verkalýðshreyfingu.
Enga samfylkingu verkalýðsafla með
borgaraflokkunum.
Gegn skipulagsleysi auðvaldskerfisins
— fyrir áætlunargerð og verkalýðs-
eftirliti. ísland úr NATO — herinn
burt.
Þjóðaratkvæði um hermálið.
-ARH.
Þórarinn Þórarinsson
ritstjóri:
Hermann
Jónasson kom
inn á svipaðan
hátt og
Haraldur nú
. „Ég lét vita fyrir skoðanakönnun
Framsóknarflokksins í Reykjavík að ég
gæft ekki kost á mér í framboð,” sagði
Þórarinn Þórarinsson ritstjóri í viðtali
við DB i gær. „Það er því ekkert nýtt.
Mér lizt mjög vel á Ólaf
Jóhannesson i fyrsta sæti listans í
Reykjavík og er viss um að hann mun
skipa það sæti. Ég hef stutt hann til
þess og tel framboð hans styrkja mjög
flokkinn í Reykjavik og um land allt.”
Aðspurður um tilmæli Kristjáns
Friðrikssonar í Timanum i gær um
Harald Ólafsson, sem fékk næst flest
atkvæði i skoðanakönnun flokksins,
sagði Þórarinn að algengt væri að nýir
menn kæmu svo skyndilega fram á
sjónarsviðið. Kristján sagði i morgun
að það væri hörð lexia eldri og yngri
manna, sem starfað hafa i flokknum af
fórnfýsi og áhuga, að nýr maður sem
varla hefði komið á fund i flokknum
skuli tekinn fram yfir.
„Ég vil minna á,” sagði Þórarinn,
,,að Hermann Jónasson kom inn á
svipaðan hátt. Mér lizt vel á Harald
Ólafsson og álit að eldri menn verði að
sætta sig við að nýir menn komi inn og
raunar að fagna því.
Ég tel bæði Harald Ólafsson og
Guðmund G. Þórarinsson góða mcnn
og hæfa til þess að skipa annað og
þriðja sæti listans en flokksménn verða
að ráða hvor þeirra verður i öðru
sæti”. -JH.
TILVIUUN - EÐA HVAÐ?
Vonandi er það ekki nema tilviljun
sem ræður þvi að sjónvarpið tekur til
sýningar einmitt núna myndina um
stjórnmál í Bandaríkjunum og allt
það svínarí sem þar viðgengst. Það
væri þokkalegt ef íslenzkir stjórn-
málamenn væru farnir eða færu að
herma eftir bandarískum starfs-
bræðrum sínum.
Þetta var annars mjög skemmti-
legur .þáttur, í bezta „Gæfu eða
gjörvileikastíl”. Bezt væri að njóta
þáttarins án þess að vera alltaf að
hugsa um hver er hver. Samt er það
dálítið erfitt. Bezt væri sennilega að
fá birtan nafnalista, þannig að hægt
sé að fylgjast með. Annars kemur svo
margt fólk við sögu að það tekur dá-
litinn tíma að komast inn í málið.
Við söknuðum Trausta veðurfræð-
ings í gærkvöldi. Hann er alveg stór-
kostlegur. Hinir eru svo sem ágætir,/
en hann er samt langskemmtileg-
astur. Sextán ára sonur minn sagði
um daginn er Trausti var á skjánum:
Hann væri fínn veðurfræðikennari!
Áreiðanlega rétt hjá stráksa.
Hvers vegna þurfa fréttatímarnir
J að vera svona voðalega stifir og strix?
Af hverju þurfa erlendu fréttirnar
alltaf að vera ítarlegri og betur unnar
.en þær innlendu?
Vökuþátturinn var góður, nema
hvað umsjónarmaðurinn var allt of
hátiðlegur, bæði í fasi og tali.
Óvenjulegt og jafnframt ánægjulegt
var að nöfn þeirra sem spurðir voru
álits á götunni voru tekin fram, eins
og jafnan er gert í „síðdegisblöðun-
um”. - A.Bj.