Dagblaðið - 27.10.1979, Blaðsíða 6

6
DAGBLAÐIÐ. LAUGARDAGUR 27. OKTÓBER 1979.
BP cÍcnAnnOnrlÍ -harðvítugátökíöllum
#tblbpennanu l flokkunum í profkjön,
. B ■ ■ ■ forvali og skoðanakön
kosnmgahelgi —
Æsispennandi kosningahelgi er
hafin. í öllum flokkunum fjórum
verður um þessa helgi gert út um
harðvítug átók um saeti á framboðs-
listum viða um land. Þetta gerist
ýmist með prófkjöri, forvali, skoð-
anakönnunum eða fundarsamþykkt-
um.
I Reykjavik eru atök í öllum flokk-
unum. Sjálfstaeðismenn kjósa í próf-
kjöri á sunnudag og mánudag. Hver
kjósandi skal merkja númer við átta
nöfn af tuttugu og fimm sem eru í
framboði. Þeir gera sér vonir um að
geta komið átta efstu mönnum í
Reykjavík á þing í næstu kosningum
en einhverjir „stórir” munu ekki ná
að komast í eitt þeirra sæta. Hver eða
hverjir verða það?
Alþýðuflokksmenn kjósa í próf-
kjöri í Reykjavík á laugardag og
sunnudag um hvort Benedikt
Gröndal eða Bragi Jósepsson skipi I.
sæti lista þeirra. Þar er hart barizt.
Alþýðubandalagsmenn í Reykja-
vík halda forval um skipan efstu sæta
síns lista í Reykjavik laugardag og
sunnudag. Þar eru sviptingar tölu-
verðar um 3—4 efslu sætin. Miklu
harðari barátta stendur í Fram-
sóknarflokknum í Reykjavík þar sem
skoðanakönnun meðal fulltrúaráðs-
manna lýkur í dag og einkum er tek-
izt á um hvor þeirra Guðmundar G.
Þórarinssonar eða Haralds Ólafs-
sonar verði i öðru af tveimur efstu
sætunum ásamt Ólafi Jóhannessyni.
Fjör víða
Reykvíkingar eru ekki einir um að
fá hitasótt kosninga um þessa helgi.
Á Reykjanesi stendur i dag og á
morgun prófkjör sjálfstæðismanna
sem gcra sér vonir um að geta komið
fjórum efstu mönnum lista síns á
þing. En miklu fleiri eru um hituna
og mun enginn treysta sér til að spá
hverjir hljóta hnossið.
Alþýðuflokksmenn á Reykjanesi
gangast einnig fyrir spennandi próf-
kjöri laugardag og sunnudag. Þar
telja kunnugir einkum barizt um ann-
að sætið.
Framsóknarmenn á Reykjanesi
Ijúka annað kvöld skoðanakönnun
fulltrúaráðs sins um skipan efstu
sæta. Framsókn hefur hvergi próf-
kjör en lætur slikar kannanir eða
kjördæmisþing ráða ferðinni.
Alþýðuflokksmenn gangast fyrir
fjöri úti á landsbyggðinni þar sem
prófkjör fer fram um helgina i öllum
kjördæmum nema Austurlandi.
Athyglin beinist einkum að Norður-
landi eystra og Vestfjörðum. Á Vest-
fjörðum takast á þekktir menn, Sig-
hvatur Björgvinsson ráðherra og
Karvel Pálmason fyrrum þingmaður,
og erfitt að spá um úrslit. Á Norður-
landi eystra beinist athyglin að
baráttu um 1. sætið milli þekktra
manna.
Auk þessa eru kjördæmisþing
flokka, fundir ráða og skoðanakann-
anir sums staðar annars staðar á
landinu þar sem margt skemmtilegt
getur gerzt.
- HH
Krataslagurinn á
Noröurlandi eystra:
Hef ur Bragi
vinninginn?
„Hér heyrir maður grjótharða fram-
sóknarmenn ganga um og segjast ætla
að kjósa Jón Ármann Héðinsson i
prófkjöri kratanna," sagði viðmæl-
andi DBáDalvík.
Svona er lífið í pólitík: Engin leið að
reikna út vindáttirnar.
Úrslita i prófkjöri Alþýðuflokksins á
Norðurlandi eystra er beðið með eftir-
væntingu. Þar slást um 1. sætið Árni
Gunnarsson, Bragi Sigurjónsson og
Jón Ármann Héðinsson. Jón býður sig
líka fram í 2. sætið ásamt Jóni Helga-
syni, formanni Verkalýðsfélagsins'
Einingar. Báður Halldórsson og Sig-
björn Gunnarsson glíma um 3. sætið.
Viðmælendur blaðsins í kjördæminu
töldu tvísýnt um úrslit. Fleiri hölluðust
að því að Bragi hefði vinninginn.
„Hann er duglegur að starfa í
kosningunum og þekkir sitt fólk,”
sagði einn. Annar sagði að Árni hefði,
ekki passað sig á að sinna snatti fyrir
kjördæmið nægilega vel. „Árni hefur
kannski ekki búizt við kosningum
svona fljótt,” sagði annar.
Menn voru yfirleitt sammála um að
Jón Ármann ætti ekki möguleika á 1.
sætinu en góða mögulcika á 2. sætinu,
sérstaklega ef Bragi gæfi sínu fólki
ábendingar um að krossa við hann.
„Jón Ármann er lítið þekktur á Eyja-j
fjarðarsvæðinu. Það er erfitt fyrir
hann. Jón Helgason nýtur þess að veral
á heimavígstöðum. Hann á góðan
möguleika,” sagði viðmælandi.
Alþýðuflokksmenn reikna með því
að tapa öðru sætinu i sjálfum þing-
kosningunum. Árni slapp naumlega
inn fyrir alþingisþröskuldinn síðast og
tekur engann „séns” núna. Hann vill
fyrsta sætiðeða ekkert.
-ARH.
Prófkjör krata:
Vilmundurog
Jóhanna
styðja
Benedikt
Ýmsar hviksögur hafa sprottið upp
af vangaveltum um það hvei.iig dr.
Braga Jósepssyni muni vegna í fram-
boðinu á móti Benedikt Gröndal. Ein
sagan er sú að Jóhanna Sigurðardóttir,
sem er i þriðja sæti á prófkjörslista
krata í Reykjavík, styðji dr. Braga.
Samkvæmt áreiðanlegum heimildum
fep.því fjarri að Jóhanna Sigurðardóttir
styðjí'dr. Braga. Bæði hún og Vil-
mundur Gylfason vinna ötullega að
kjöri Benedikts og eru þau því á önd-
verðum meiði við dr. Braga í prófkjör-
inu.
lón Baldvin Hannibalsson lýsti því
yfir á fundi dr. Braga á Loftleiðahótel-
inu að hann myndi styðja Benedikt í
efsta sæti lista Alþýðuflokks i Reykja-
vik, cinsog DB hefurskýrt frá.
- BS
Hulda Kristinsdóttir hampaði veggblaði með mynd af Benedikt Gröndal, formanni
Alþýðuflokksins, þegar Dagblaðið heimsótti höfuðstöðvar formannsins við Skóla-
vörðustíg. DB-myndir: Ragnar Th.
Stóra spuming helgarínnar:
HVERJIR VERÐA
AFLAKÓNGAR Á
ATKVÆDAVERTÍÐ?
Frambjóðendur í skoðanakönnunum
og prófkjörum flokkanna hafa róið
grimmt á atkvæðamiðin undanfarna
daga og lagt hart að sér. Þeir hafa
notað mismunandi veiíjitækni og lent á
misjafnlega gjöfulum miðum eins og
gengur.
Nú um helgina er aflanum landað og
menn bíða aflafrétta með eftirvænt-
ingu. Hverjir fagna sigri sem afla-
kóngar og brosa breitt? Hverjir draga
fáar bröndur og missa af „sénsinum”?
Þetta eru stóru spurningar helgarinnar.
Sumir frambjóðendur hafa rekið
kosningaskrifstofur, gefið út auglýs-
ingapésa, hringt skipulega i möguleg
atkvæði og gert annað það sem gæti
fleytt þeim í gimileg sæti á framboðs-
listum.
Dagblaðið leit inn í bækistöðvar
þeirra sem berjast um toppsætið hjá
Alþýðuflokknum i Reykjavík. Á
Skólavörðustíg 16 var Hulda Kristins-
dóttir að skipuleggja veiðiskapinn fyrir
Benedikt Gröndal. Hún hampaði stóru
auglýsingaveggblaði með mynd af for-
manni Alþýðuflokksins. Það fór ekki á
milli mála að andi Gröndals sveif þar
yfir vötnum.
Á herbergi 612 sat dr. Bragi Jóseps-
son prófessor af Ameríku við símann
og rabbaði við sitt fólk. Hann gaf sér
tíma til að rétta komumönnum hnetur
og rúsínur í lófann, segja nokkur orð
um stöðuna — og svo var hann rokinn í
símann.
Nú sér fyrir endann á innbyrðis
kosningum fiokkanna. Liðin á vellin-
um hætta að berjast innbyrðis og
skjóta á eigið mark. Síðari hálfleikur
hefst innan tíðar. Þá spila menn saman
og reyna að skora hjá andstæðingun-
um. Einkennilegur fótbolti þetta.
- ARH
Dr. Bragi Jósepsson I höfuðstöðvunum, herbergi 612 á Sögu. Hann bauð hnetur,
rúsfnur og konfekt — og nafnspjald með mynd til að hafa i vasa.
Yfirskoðunarmaður ríkisreikninga:
Út í hött að dylgja um
árás okkará Jón Sólnes
ekki okkar að yfiríieyra einstaka menn
í Norðurlandinu, málgagni Alþýðu-
bandalagsins á Norðurlandi, er fjallað
um aðferðir yfirskoðunarmanna ríkis-
reikninga meðal annars i skoðun þeirra
á símareikningum Jóns G. Sóines
vegna Kröflunefndar og Alþingis. Er
þetta mál í blaðinu tengt framboðsmál-
um sjálfstæðismanna í Norðurlands-
kjördæmi eystra.
Meðal annars er spurt um það hvort
tilviljun ein hafi ráðið því að málið
komst í hámæli rétt áður en ákvörðun
var tekin um framboðslista þeirra í
kjördæminu. Er þess getið um leið og
spurt er að Halldór Blöndal sé einn
yfirskoðunarmanna.
Þá spyr blaðið hvers vegna iðnaðar-
ráðuneytinu hefði ekki verið skrifað i
stað þess að gera forseta sameinaðs
þings grein fyrir málinu.
Loks er spurt hvers vegna yfir-
skoðunarmenn hafi ekki boðað Jón G.
Sólnes til viðræðna um málið fyrr þótt
ekki hefði verið nema til þess að stað-
festa það sem athugavert og ámælisvert
var talið.
Baldur Óskarsson, starfsmaður Al-
þýðubandalagsins, er einn yfir-
skoðunarmanna ríkisreikninga. Hann
sagði í viðtali við DB að allar dylgjur
um að yfirskoðunarmenn hafi með
starfi sínu reynt að koma Jóni G. Sól-
nes fyrir kattarnef væru út í hött. Það
sé algjör misskilningur.
Yfirskoðunarmenn voru að skoða
reikninga vegna Kröflu, eins og ýmsa
fleiri reikninga, meðal annars af þeirri
ástæðu að ríkisendurskoðun hafi gert
athugasemdir við reikninga Kröflu
fyrir 1978. Ljóst hafi verið að heimild
liafi skort til þess að greiða heimilis-
síma Jóns G. Sólnes.
Vegna reikninga fyrir 1977 hafi Jón
G. Sólnes svarað fyrirspurn vegna
símareikninga þannig að hann teldi að
ýmsir forstöðumenn rikisstofnana sem
vel ætti að gera við hefðu rétt til
greiðslu fyrir síma. Þá hafi endur-
skoðun komizt að raun um greiðslur
Alþingis fyrir síma Jóns.
Athugasemdir voru gerðar til fjár-
málaráðuneytis. Málið hafi verið þess
eðlis að skoðunarmenn hafi talið sér
skylt að gera Alþingi grein fyrir því.
Baldur Óskarsson.
„Það er okkar yfirskoðunarmanna
að vekja athygli á því sem við teljum að
þurfi athugunar við,” sagði Baldur
Óskarsson. „Það er ekki okkar hlut-
verk að yfirheyra einstaka menn.”
Hann sagði að Jóni hafi verið það
kunnugt í meira en ár að athugasemdir
hafi verið gerðar við þessa stmareikn-
inga.
„Við töldum að Alþingi ætti að fá
vitneskju um málið og sendum fjár-
Jón G. Sólnes.
málaráðuneytinu vitanlega afrit af
bréfi okkar til þingforseta,” sagði
Baldur Óskarsson. Hann sagði að fyrir
tilmæli yfirskoðunarmanna til fjár-
málaráðuneytisins hafi iðnaðarráðu-
neytið verið spurt um margumtalaða
símareikninga. Það ráðuneyti hafi
verið beðið um að gera grein fyrir
' þeim. Þaðan hafi ekkert svar borizt.
„Það er að rnínu mati meiri ástæða
til þess að hvetja skoðunarmenn ríkis-
reikninga til aðhalds heldur en bera
þeim á brýn óheiðarlegar aðferðir
þegar athygli er vakin á misfellum sem
engin svör hafa fengizt við þegar skyr-
inga er leitað,” sagði Baldur Óskars-
son. - BS