Dagblaðið - 27.10.1979, Blaðsíða 15

DAGBLAÐIÐ. LAUGARDAGUR 27. OKTÓBER 1979.
Úr „Ævlnlýri Píkassós'
Brandarakallamir
Tage og Hasse
Laugarásbíó hefur keypt nýjustu mynd
þeirra félaga sem ber nafnið
Picassos Aventyr
Þótt eflaust sé hægt að finna fjöl-
margar ástæður fyrir því að fólk fer á
bíó er sú veigamest að fóik vill til-
breytingu og er að leita að ódýrri af-
þreyingu. Sumir vilja sjá hasar-
myndir, aðrir ástarmyndir og svo
mætti lengi teija. En ef fólk vill sjá
gamanmyndir vandast oft málið því
reglulega góðar gamanmyndir eru fá-
séðar. Reyn þú, lesandi góður, að
rifja upp hvenær þú sást síðast góða
gamanmynd.
Yfirleitt er það svo að hver þjóð á
sína brandarakalla en þótt þeir séu
fyndnir í sínu heimalandi er ekki þar
með sagt að aðrar þjóðir kunni að
meta þá. Bandaríkjamenn eiga háð-
fuglana Mel Brooks og Woody Allen,
Bretar týpur eins og Terry Thomas og
. Monty Python, Norðmenn sinn
Fleksnes og svo mætti lengi telja. Hér
heima höfum við Halla og Ladda
þótt þeir séu ekki enn komnir á hvita
tjaldið sem gamanleikarar. En ætlun-
in er að kynna tvo sænska háðfugla
sem hafa kitlað hláturtaugarnar hjá
Svíum undanfarin ár. Það eru kapp-
arnir Hans Alfredson og Tage
Danielsson.
Frá útvarpi yfir í
kvikmyndir
Þeir félagar hittust hjá sænska
ríkisútvarpinu og heilluðu fljótlega
landa sína með gamanþáttum. þeir
létu ekki staðar numið og 1964 sendu
þeir frá sér sína fyrstu mynd,
SWEDISH PICTURES. Þeir sömdu
handritið í sameiningu en Tage var
leikstjórinn. Myndin sló í gegn og
strax næsta ár var önnur komin á
markaðinn, Att angöra en brygga. í
þriðju mynd sinni, I huvet pá
gammal gubbe, blönduðu þeir saman
teiknimynd og leikinni þar sem Hasse
fór með aðalhlutverkið. Teikni-
myndahlutinn var útfærður af Per
Áhlin sem er á sömu linu og þeir
félagar. Myndin fjallar um iðnverka-
mann á eftirlaunaaldri sem er ekki of
ánægður með þjóðfélagið sem hann
lifir í. Hann verður fyrir slysi og er
sendur á hjúkrunarheimili þar sem
hann situr og dreymir um gömlu
góðu dagana. Þess má geta að kvik-
myndaklúbbur framhaldsskólanna
mun sýna þessa mynd í vetur.
Eftir'þriggja ára hvíld frá kvik-
myndum kom svo Áppelkrigit (1971)
sem sýnd var sem mánudagsmynd í
Háskólabíói fyrir nokkrum árum.
Þetta var gamansöm ádeilumynd á
alþjóðleg fyrirtæki sem kaupa upp
ósnortin landsvæði og breyta þeim í
ferðamannaparadís. Fyrirtækið sem
fjallað var um í myndinni bar einmitt
nafnið ,,Deutchneyland AS”.
Leiðir skiljast
Þegar hér var komið sögu hættu
þeir um tíma samstarfi og Tage sendi
frá sér Mannen som slutade röka eftir
samnefndri bók sinni. Aðalhlutverk-
ið var i höndum Gösta Ekman en
hann átti eftir að spila stóran þátt í
siðari myndum þeirra félaga. 1975
sendu þeir félagar frá sér 2 myndir
sinn í hvoru lagi og báðar með Gösta
Ekman. Hasse var með Ágget er löst
en Tage með Slapp fángarna loss —
det er vár. Bæði myndin um manninn
Kvik
myndir
BaWurHjaltason
sem hætti að reykja og eggjamyndin
hafa verið sýndar hér sem mánudags-
myndir. Allar þessar myndir gengu
gifurlega vel í Svíþjóð en í þeim var
einkennandi sænskur húmor sem
margir, a.m.k. hér á landi, eru lítið
hrifnir af.
Hasse og Tage ákváðu því að taka
saman höndum að nýju og reyna að
yfirstíga þetta vandamál með landa-
mæri gamanmyndarinnar. Þeir
ákváðu að gera mynd um ævi
Picassos — þögla mynd með tón.
Þulur er látinn lesa textann svo auð-
velt var að hafa hann á öllum tungu-
málum.
Eins og lesendur renna eflaust grun
i er hér ekki um heimildarmynd að
ræða þótt margt sé sameiginlegt lífi
Picassos. Eins og segir í upphafstexta
myndarinnar ,,er allt það sem er sam-
eiginlegt myndinni og raunveruleik-
anum algjör tilviljun”. Myndin er
tekin i Tomelilla sem er i suðurhluta
Svíþjóðar og rnyndir Picassos eru
málaðaraf PerÁhlin.
Keypt til landsins
Það er ekki hægt að segja annað en
Picassos Áventyr, sem er sænski tit-
illinn á myndinni, hafi slegið i gegn.
Það er hetdur ekki að ástæðulausu
því myndin er bráðfyndin og Gösta
Ekman óborganlegur í hlutverki
Picassos. Margir þekktir sænskir
leikarar koma fram í aukahlutverk-
um, leikarar sem eru vanir að leika í
alvarlegri hlutverkum.
Þeim Táge og Hasse tókst að gera
mynd sína vinsæla á Norðurlöndum
en erfiðara gekk með aðra heims-
hluta. Þó hafa nokkur lönd í Evrópu
keypt sýningarrétt á myndinni og eru
að hefja sýningar. Eins er með
ísland. Laugarásbíó sýndi þá fram-
takssemi að kaupa Picassos Áventyr
svo við íslendingar eigum að geta létt
okkur upp i skammdeginu á næst-
unni og verður myndin sýnd um mán-
aðamótin nóv.v-des. Það má segja að
meginókostur myndarinnar sé hve
hún er fyndin þvi eftir fyrstu 45
minúturnar eru kjálkarnir orðnir
máttlausir af hlátri. Góða skemmtun.
HÁDEGISTÓNLEIKAR
Hádegistónleikar Söngskótans f Reykjavlc, 24.
október, í tónleikasal Söngskólans við
Hverfisgötu.
Flytjendur Anna Júlíana Sveinsdóttir sópran-
söngkona og Lára Rafnsdóttir píanóleikari.
Verkefni: Ljóð Brahms, Liebestreu, Dort in den
Woiden og Die Mainacht; Schuberts, Die
Mainacht, Ellens erster og zweiter Gesang og
Fröulein vom See; og Rachmaninofs, Yllirinn,
Þegar nóttin mig umlykur þögn.
Það var þéttsetinn bekkurinn í tón-
leikasal Söngskólans í hádeginu
þennan miðvikudag, eins og mun
hafa verið á báðum fyrri hádegistón-
leikum. Þær stöllur, Anna Júlíana og
Lára, stráðu Ijóðaperlum fyrir áheyr-
endur í þessum litla og látlausa sal
þar sem áður var þrumað „orðið”
yfir hólpnum sálum.
Brahmsljóðin fundust mér fulllit-
lítil í meðförum þeirra. Þótt þau iáti
ekki mikið yftr sér eru þau gagnmeitl-
uð og öll smáatriði skipta svo óend-
anlega miklu máli að söngvarar geta
eytt megninu af sinni listamannsævi í
að slípa þau. í ljóðum Schuberts
tókst þeim mun betur upp. Mér
finnst þau liggja betur við rödd Önnu
Júlíönu og svo varð hún líka miklu
öruggari með sig eftir því sem á tón-
leikana leið. Sérstaklega tókst henni
vel upp i Yllinum — sem öðrum
trjám fremur telst vorboði. Rúss-
neskt vor er stutt, sumir segja að það
standi ekki nema í viku og svo sé
Anna Júlfana Sveinsdóttir.
komin steikjandi sumarbreiskjan. En
vor telst suður á meginlandi Evrópu
sá tími sem líður á milli þess sem yllir-
inn fyrstur trjáa — og kastanian
síðust allra trjáa — blómgast. Þetta
magnaða vor lofsyngur Rachmaninof
einmitt svo dýrðlega í óðnum um yll-
inn. Þær stöllur bættu svo um betur
og fluttu smárunu úr ítölsku Ijóða-
bókinni hans Hugos Wolfs og svo
Zeignung Richards Strauss sem auka-
lög. Anna Júlíana óx með hverju
verkefni og Lára Rafnsdóttir skilaði
sínu hlutverki af stakri prýði. Ég var
svo óheppinn að kontast ekki á
tvenna fyrstu hádegistónleika Söng-
skólans og þykir mér það miður.
Hádegistónleikarnir eru ekki
aðeins skemmtileg nýbreytni í fjör-
ugu tónlistarlífi borgarinnar heldur
veita þeir listamönnum tækifæri að
koma fram með smærri verkefna-
skrár sem ekki er víst að þeir hefðu
að öðrum kosti.
-F.M
Landsleikir í körfuknattleik
ÍRLAND—ÍSLAND
ídagkl. 14 í Laugardalshöll
(Forsala aðgöngumiða frá kl. 12.)
Á morgun, sunnudagkL 14 í
íþróttahúsinu í Borgamesi.
Munið kveðjudansleikinn
íHollywood annað kvöld!
Kristinn Jörundsson if if í
fyrírliði rl.fLf.
Efþér finnst vanta
mann úr atvinnulífinu
á Alþingi —
þá viljum við
benda á
Gunnar S. Björnsson
trésmíðameistara
sem tekur þátt í prófkjöri
Sjálfstœðisflokksins
í Reykjavík 28.-29. okt. nk.
Stuðningsmenn.