Dagblaðið - 30.10.1979, Blaðsíða 6
6
DAGBLAÐIÐ. ÞRIÐJUDAGUR 30. OKTÓBER 1979.
Hin vinsœlu
DOSI bakbelti
eru komin aftur í öllum
stœrðum.
Pantanir óskast sótíar.
Jjbmediahf.
Borgartúni 29 Reykjavík.
Sími: 27511.
Styrkir til háskólanáms eða
rannsóknarstarfa í Finnlandi
Finnsk stjórnvöld bjóða fram styrk handa íslendingi til háskólanáms
eða rannsóknastarfa i Finnlandi námsárið 1980—81. Styrkurinn er
veittur til níu mánaða dvalar frá 10. september 1980 að telja og er styrk-
fjárhæðin 1200 finnsk mörk á mánuði. Skipting styrksins kemur [ró til
greina.
Þá bjóða finnsk stjómvöld einnig fram eftirgreinda styrki er mönnum
af öllum þjóðernum er heimilt að sækja um:
1. Tiu fjögurra og hálfs til níu mánaða styrki til náms i finnskri tungu eða
öðrum fræðum er varða finnska menningu. Styrkfjárhæðin er 1200
finnsk mörk á mánuði.
2. Nokkra eins til tveggja mánaða styrki handa visindamönnum, lista-
mönnum eða gagnrýnendum til sérfræðistarfa eða námsdvalar i
Finnlandi. Styrkfjárhæðin er 1500 finnsk mörk á mánuði.
Umsóknum um framangreinda styrki skal komið til menntamálaráðu-
neytisins, Hverfisgötu 6, 101 Rcykjavík, fyrir 15. desember nk. Umsókn
skal fylgja staðfest afrit prófskírteina, meðmæli og vottorð um kunnáttu i
finnsku, sænsku, ensku eða þýsku. — Sérstök umsóknareyðublöð fást í
ráðuneytinu. Menntamálaráðuneytið
25. október 1979.
Mhjfu
mynair
a minutunm
í öii skfrteini
Minútu, VD LŒKJARTORG
/ myndir s/mi 12245
—Auglýsing frá ríkisskattstjóra---------
Verðbreytingarstuðull
Samkvæmt ákvæðum 2. mgr. IV. tl. ákvæði til
bráðabirgða í lögum nr. 40 18. maí 1978 um
tekjuskatt og eignarskatt hefur ríkisskattstjóri
reiknað verðbreytingarstuðul fyrir eignir sem
skattaðili hefur eignast á árunum 1964 til 1978
sem nota skal sem margföldunarstuðul skv. á-
kvæðum IV. og V. tl. ákvæði til bráðabirgða í
greindum lögum.
Margföldunarstuðull umræddra ára er sem hér
segir:
Ársins 1978
Ársins 1977
Ársins 1976
Ársins 1975
Ársins 1974
Ársins 1973
Ársins 1972
Ársins 1971
1,4551
2,1558
2,7625
3,4650
5,1541
7,5762
9,4085
11,1809
Ársins 1970:
Ársins 1969:
Ársins 1968:
Ársins 1967:
Ársins 1966:
Ársins 1965:
Ársins 1964:
12,8280
15,0316
18,4961
20,0168
20,8932
24,5645
28,0271
Reykjavík 26. október 1979.
SIGURBJÖRN Þ0RBJÖRNSS0N,
rikisskattstjóri.
El Salvador:
Þrír ráöherrar
i vinstrí gíslingu
— þrjátíu fallnir í höfuðborginni—á þriðja hundrað sleppt
úr haldi en ráðuneyti í höndum vinstri manna
Skæruliðar vinstrihreyfingar í El
Salvador héldu í morgun þrem
ráðherrum úr hinni nýju ríkisstjórn
landsins í gíslingu. Ásamt þeim voru
nokkrir embættismenn i haldi skæru-
liðanna, sem halda atvinnumála og
efnahagsráðuneytisbyggingunum í
höfuðborg landsins San Salvador.
Byggingarnar voru teknar í gær af
hópi um það bil eitt hundrað
skæruliða. í byrjun voru gíslarnir á
þriðja hundrað talsins. Voru þeir
teknir í kjölfar mikilla bardaga á göt-
um borgarinnar. Vitað er að í það
minnsta tuttugu og þrír féllu i þeim á-
tökum.
Skæruliðar slepptu flestum gislum
sínum seint í gærkvöldi. Ráðherrun-
um og nokkrum embættismönnum
munu þeir að eigin sögn ekki sleppa
fyrr en ríkisstjórn landsins hefur
gengið að kröfum þeirra. Eru þær
þrjár. Sú fyrsta að þegar verði gefnar
upplýsingar um örlög ýmissa
pólitískra fanga. Auk þess er krafizt
almennrar launahækkunar og verð-
stöðvunar.
Samkvæmt upplýsingum fulltrúa
Rauða krossins í San Salvador voru
bardagar á milli skæruliða og herliðs
nýju stjórnarinnar mjög harðir í gær.
Fulltrúar stjórnarinnar sem tók við
eftir að herinn hafði steypt Carlos
Humberto Romero af stóli segjast
reiðubúnir til viðræðna við fulltrúa
hinna stríðandi vinstrimanna. Þess er
þó krafizt að ráðherrunum þremur
og öðrum gíslum verði sleppt úr haldi
áður en viðræður hefjast.
Sagt er að Brésnef forseti Sovétrfkjanna sé orðinn heldur hrumur. Lengst gengu þó sögurnar fyrir nokkru þegar þvl var
haldið fram að hann væri annaðhvort látinn eða þá alveg í andarslitrunum. Svo reyndist þó ekki og forsetinn kom opinberlega
fram fyrir nokkrum dögum til að taka á móti leiðtoga Suður Jemen — Abdel Fattah Ismail — sem brá sér til Moskvu.
Portúgal:
Fundur leiðtoga
sósíalista heims
Leiðtogar sósíalista heims koma
saman til fundar i borginni Estoril í
Portúgal í dag. Þar á að ræða hefð-
bundin vandamál okkar tíma eins og
orkukreppuna, ástandið í Suður-
Afríku, Suður og Mið-Ameríku og
Miðausturlönd.
Meðal sósialistaleiðtoga sem koma
til fundarins eru þeir Willy Brandt fyrr-
um kanslari Vestur-Þýzkalands en
hann er formaður samtaka sósíalista.
Einnig eru þarna menn eins og skáldið
og forseti Senegal, Leopold Sedar
Senghor, Carlos Andrez Perez fyrrum
forseti Venezuela og Eden Pastora einn
af þekktustu leiðtogum sandinista í
Nicaragua en sandinistar ráða þar nú
lögum og lofum eftir að hafa steypt
Somoza fjölskyldunni frá völdum.
Senghor forseti Senegal sagði við
fréttamenn við komuna í gær að nú
gæti Portúgal tekið upp fyrra hlutverk
sitt sem tengill á milli Afríku og
Evrópu. Hann sagði einnig, að álit leið-
toga sósialista gæti flýtt fyrir að réttur
svartra í Suður-Afríku væri viður-
kenndur.
HongKong:
Grípu þúsund ólög-
lega flóttamenn
á einum sólarhring
Rétt tæplega eitt þúsund flótta-
menn voru gripnir á síðasta sólar-
hring við tilraunir til að komast á
ólöglegan hátt inn í Hong Kong frá
Kína. Samkvæmt upplýsingum lög-
reglunnar í hinni brezku nýlendu er
þetta algjör metfjöldi slíkra tilrauna í
mörg undanfarin ár.
Stöðugur straumur Kínverja
reynir stöðugt að komas? til Hong
Kong og er tala þeirra komin upp i
fimmtán þúsund nú í október. Hafa
embættismenn þar miklar áhyggjur
af þessari þróun og eru í stöðugu
samban'di við starfsfélaga sína hinum
megin landamæranna til að reyna að
draga úr þessum stöðuga landflótta.
Þéttbýli er mjög mikið i Hong Kong
en lífskjör aftur á móti mun betri en í
Kína.
Stærstur hópur flóttamanna, sem
gripinn var í gær, var um borð í fiski-
skútu, sem brezkur varðbátur
stöðvaði. Þar hýrðust níutíu Kínverj-
ar við lélegan kost.
Vitað er að Margaret Thatcher
forsætisráðherra Bretlands muni
ræða þessi mál við Hua formann
kinverska kommúnistaflokksins, sem'
þar er i heimsókn.