Dagblaðið - 02.04.1980, Page 20

24
DAGBLAÐIÐ. MIÐVIKUDAGUR 2. APRlL 1980.
Húsfyllir á
Vikusmakkinu
Vikingasalur Hótel Loftleiða var
þéttsetinn sl. fimmtudagskvöld, er
Vikan gekkst fyrir Vikusmakki.
Jónas Kristjánsson, ritstjóri Dag-
blaðsins, sem ritað hefur fjölda
greina um vín og mat í Vikuna, hélt
erindi um vínþekkingu og gafst
gestum kostur á að smakka á átta
víntegundum, hvítum og rauðum.
Það er augljóst að vínmenning
okkar íslendinga er mikið að
breytast, sterku drykkirnir eru ekki
eins einráðir og þeir voru og þá
fjölgar þeim stöðugt sem áhuga hafa
á vínsögu og uppruna vína en erlendis
er starfandi fjöldi áhugamannafélaga
um slik málefni.
Jónas hefur ritað nokkrar greinar
um vin þau er hér eru á boðstólum i
Ríkinu og gefið þeim einkunnir.
A thugasamir smakkarar röktu garnirnar úr Jónasi ettír erindi hans.
DB-mvnd Bjarnie'tfur.
ek ekki afstöðu tíl neins ósöö," sagöi Hilmar Helgason, formaður
sem hir sttur tíi borðs með eiginkonu sinni, Eiinu Thorarensen.
Hilmar lót sár nægja að smakka á kaffinu sem hannsagði að hefði verið i-
gœtt á bragðið.
Hermir sagan að lengi á eftir hafi
lesendur Vikunnar komið með blaðið
niður í Ríki og valið sér vín eftir
umsögn Jónasar sem vakti athygli á
alls kyns misræmi í vali og verðlagi á
vínum í þeim verslunum. Kom m.a.
fram á fimmtudagskvöldið, að
Chablis-hvítvínið hækkaði
skyndilega um 70% við síðustu
verðhækkun — án þess að nokkur
skýring væri gefin — trúlega er hún
sú að vínið hafi verið alltof ódýrt í
mörg ár!
-BS.
Þvílíkt veður,
þvílíkt útsýni!
,,Þvílíkt veður, þvílíkt útsýni!”
Oft mátti heyra athugasemdir
éitthvað í þessum dúr á Mosfells-
heiðinni sl. sunnudag. Þar var á ferð
hópur vaskra manna í skíðagöngu-
ferð Ferðafélags fslands.
Við fórum frá Reykjavík klukkan
10 að morgni og spenntum á okkur
skíðin við Skálafellsafleggjarann.
Svo var gengið sem leið liggur yfir
Mosfellsheiðina í glampandi sól og
bjartviðri. Fjallasýnin var ótrúleg.
Reyndu ferðajaxlarnir í hópnum
voru óþreytandi að útlista fyrir okkur
hinum hvað bæri fyrir augun:
Hengill, Esja, Armannsfell, Búrfell,
Skjaldbreiður, Skálafell, Móskarðs-
hnjúkar, Botnssúlur, Hekla, Eyja-
fjallajökull og hin fjöllin, öll á sínum
stað. Við gengum upp á Hæðir og
horfðum yfir Þingvallavatnið og
Grafning. Tekinn var góður krókur á
leiðinni til baka með tilheyrandi
kaffihléi. Að Skálafellsaf-
leggjaranum komum við aftur um 5-
leytið. Þá voru að baki einir 30|
kilómetrar. Eitthvað varð vart við
harðsperrur eftir labbið en það er
ábyggilega þess virði samt að fara í
svona hressingargöngu. Mikið
skelfingvarþetta gaman.
-ARH.
„Það verður engin gengisfelling,”
hafði dagblaðið Vísir eftir Tómasi
Árnasyni viðskiptaráðherra í fyrra-
dag, daginn sem 3% gengisfelling var
tilkynnt. í fréttum útvarpsins um
kvöldið var ráðherrann spurður oftar
en einu sinni hvers vegna hann hefði
ekki sagt sannleikann við Visi. Helzt
var á ráðherranum að skilja að hann
hefði ekkert vitað um að gengisfelling
væri yfirvofandi! Einkennilegt að
gengið skuli fellt og teygt á bak við
sjálfan viðskiptaráðherrann!
Að öllu gamni slepptu er alvarlegt
mál og íhugunarvert að ráðherra
skuli leyfa sér að grípa til svo aug-
ljósra blekkinga i viðskiptum við
fréttamenn.
FerðafHagamir i „pisu". Frá vinstri: Annemarie Lorentren senMterra
Noregs á ísiandi, Helga Jóhannesdóttír fólagsráðgjafi á KieppsspHaia,
Kari Nergaard norskur sjúkraþjátfari á Grensásdeild, Anni G. Haugen ■
fólagsráðgjafl hjá Fólagsmálastofnun Reykjavikurborgar, Snorri Jónas-
son starfsmaður i ölgerð Egils Skallagrímssonar, Páll Steinþórsson
starfsmaður hjá iBM og fararstjóri, Hiidur Gunnlaugsdóttir kona Páls og
Matthías Pálsson starfsmaður Hitaveitu Reykjavikur. DB-mynd ARH
Verð-
lögð
hugmynd
Lisiamaounnn cinar naxonarson
hefur boðizt til að skreyta veggi á
skólahúsi fyrir vangefna í Safamýr-
inni. Yfirvöld borgarinnar eru hik-
andi að ganga til samninga við lista-
manninn. Hann fer fram á 10 millj-
ónir króna fyrir verkið, þar af 5 millj-
ónir fyrir hugmyndina.
Gengis-
felling,
ha?
■.
Á. Íi M - fÆm m K ■ J

Skegginu
fómaö
fyrir listina
Gestir á sýningum Leikfélags
Eskifjarðar á Skjaldhömrum
Jónasar Árnasonar fara ánægðir
heint að þeim loknum og koma sumir
aftur á næstu sýningu. Hafa ýmisr
haft við orð að áhugaleikararnir
gæfu ekkert eftir atvinnumönnum að
sunnan.
Ég er sérstaklega hrifinn af
frammistöðu Ragnars Eðvaldssonar,
' 14 ára, sem sá um lýsinguna.
Skólabörn hafa stundum hlegið
dátt á sýningum þegar kennara
þeirra, Ragnari Lárussyni, bregður
fyrir. Ragnar leikur eitt hlutverkið
og rakaði af sér skeggið af því tilefni.
Þá var Benedikt Jóhannsson verka-
maður í frystihúsinu sömuleiðis allt í
einu orðinn skegglaus. Aðrir
leikendur eru Guðmundur Ingólfsson
kennari, Sólveig Eiríksdóttir banka-
maður, Hrafnkell Jónsson verka-
maðurogEdda Kristbjarnardóttir.
Skjaldhamrar verða sýndir á
ýmsum stöðum á Austfjörðum í
páskavikunni. Regína, Eskifirði.
Aðstandendur sýningar Leikfélags
Eskifjarðar é Skjaidhömrum eftir
Jónas Árnason.
Guðni
selur
fisk,
hrogn
og osta
* Guðni Þórðarson fyrrum forstjóri
ferðaskrifstofunnar Sunnu er farinn
til Suður-Ameríku og reynir að selja
þar íslenzkan saltfisk, grásleppu-
hrogn og osta. Ostana ætlar Guðni
að reyna að selja í Venezúela. Þetta
mun vera hluti ostafarms sem
reiknað var með á sínum tíma að yrði
allur seldur til Bandaríkjanna. Af því
varð ekki og m.a. var talað við
Wálter Mondale varaforseta Banda-
ríkjanna um málið þegar hann kom í
heimsókn til Islands forðum.
Guðni Þórðarson kom fyrir
nokkru heim frá Argentinu með til-
boð í 600 tonn af saltfiski. Þá stóðu
yfir viðræður um fisksölu til Portú-
gals og af samningi varð. Allur salt-
fiskurinn af þeim gæðaflokki sem
Argentínumenn vildu kaupa fór ti!
Portúgals og ekkert varð eftir handa
þeim. Nú er Guðni sem sagt kominn
á stað á nýjan leik.