Dagblaðið - 14.08.1980, Blaðsíða 6
6
DAGBLAÐIÐ. FIMMTUDAGUR 14. ÁGÚST 1980.
PLO 0G ARAFAT HÓTA
NORDMONNUM HÖRDU
Félagar PLO samtaka Palestínu-
araba eru æfareiðir norskum stjórn-
völdum fyrir það sem þeir telja arg-
asta dónaskap og lítilsvirðingu. Or-
sökin er sú að Jasser Arafat, leiðtogi
PLO, hefur lýst áhuga sínum á að
heimsaskja Norðurlöndin og þar á
meðal Noreg. Norsk stjórnvöld hafa
sagt að Arafat hefði fulla heimild til
að heimsækja landið en ekki yrði um
að ræða neins konar opinbera mót-
töku vegna hans.
Talsmaður PLO í Stokkhólmi
hefur haft stór orð um Norðmenn
vegna þessa máls og lýst því yfir að
þeir muni gjalda þessa illilega.
— Það eru 160 milljónir araba í
heiminum og auk þess 600 milljónir
múhameðstrúarmanna, sem styðja
Palestínuaraba og PLO samtökin —
sagði talsmaðurinn.
Viö munum hér eftir tala illa í eyru
þessa fólk um Norðmenn og Noreg.
Norska stjórnin hefur valið leið ein-
angrunarinnar með því aö neita að
taka á móti Arafat með opinberri
viðhöfn.
Norsk stjórnvöld hafa lýst því yfir
að ekki séu neinar aðstæður til að
taka á móti Arafat sem þjóðhöfð-
ingja. Ef hann komi hins vegar til
Noregs þá muni embættismenn ræða
við hann. Einnig hefur komiö fram
aö ekkert muni því til fyrirstöðu að
PLO samtökin opni skrifstofu í Osló
ef þauóski þess.
Norðmenn hafa verulegra við-
skiptahagsmuna að gæta 1 arabalönd-
unum og i ríkjum múhameðstrúar-
manna. Meðal annars eru þeir að
byggja upp áhugaverðan framtíðar-
markað i írak.
Frydenlund utanríkisráðherra Noregs
segir að ekki séu neinar aðstæður i
Noregi til að taka á möti Jasser Arafat
leiðtoga PLO samtakanna sem þjóð-
höfðingja.
—neitað að veita honum opinbera móttöku í Osló þó hann
komi til Noregs
Margir hópar koma til New York þessa dagana til að vekja athygli á ýmsum er haldið. Á myndinni eru andstæðingar núverandi stjórnar I Mið-Amerikurikinu
áhugamálum sínum vegna flokksþings bandariska Demókrataflokksins sem þar F.l Salvador sem vilja mótmæla stuðningi stjórnarinnar I Washington við hana.
Skákeinvígin:
Jafntefli á Italíu
enfrestað
íBuenosAires
Tólftu skákinni i einvígi þeirra
Viktors Kortsnojs og Lev Polugajevsky
i Buenos Aires var frestað í gær. Var
það hinn siðarnefndi sem óskaði eftir
frestinum. Skákin verður að öllu
óbreyttu tefld á morgun. Kortsnoj
hefur nú 6 vinninga gegn fimm vinning-
um Polugajevskys. Nægir Kortsnoj
jafntefii í tólftu skákinni til sigurs. Þar
með er hann kominn í fjögurra manna
undanúrsiit i keppninni um að fá heim-
ild til að tefla við heimsmeistarann
Anatole Karpov.
Jafntefii varð í sjöundu skák þeirra
Lajos Portisch og Roberts HUbner í
Abano á Ítalíu í gær. Allar skákirnar
sjö hafa endað í jafntefli og þykir ein-
vigi stórmeistaranna heldur tíöindalítið
til þessa.
Hilbner hafði hvítt og byrjaði með
enska leiknum. Lítið fjör var á tafl-
borðinu og eftir 42. leik bauð Portisch
jafntefli sem Hílbner þáöi umsvifa-
laust.
I
REUTER
p
Og morðin halda áfram:
27 FALLA í INDLANDI
Að minnsta kosti tuttugu og sjö
manns féllu í átökum lögreglu og
múhameðstrúarmanna i borginni
Moradabad á Indlandi í gær. Kom til
átaka vegna útisamkomu sem haldin
var í tilefni þess að föstumánuðurinn er
liðinn samkvæmt boðum Kóransins
helgustu bók múhameðstrúarmanna.
Meðal hinna föllnu er að sögn ind-
versku fréttastofunnar þrír lögreglu-
þjónar og sex börn.
Lögreglan hóf skothríð að mann-
fjöldanum.þegar húnvargrýtt. Einnig
var skotið af húsþökum í nágrenni
mótmælanna. Einnig voru nokkrir
þeirra sem féllu í gær stungnir til bana
en aðrir brenndir inni.
Upphaf óeirðanna í gær var það að
fólk sem var í helztu mosku í Morada-
bad í gærmorgun sá dýr tilsýndar sem
það taldi vera svín. Stóðu þá morgun-
bænir múhameðstrúarmanna yfir. Fór
þá allt i bál og brand og grjóti var
kastað og skotum hleypt af.
...og 191Guatemala
Tólf hermenn féllu í gær i Guate-
mala er ráðizt var á þá úr launsátri. Að
sögn yfirvalda í landinu félu auk þess
sjö óbreyttir borgarar á liðnum sólar-
hring. Hermennirnir féllu er vinstri
skæruliðar réðust að herfiokki sem var
á ferö um það bil tvö hundruð kíló-
metra frá Guatemalaborg.
Meðal hinna föllnu voru tveir lög-
fræðingar sem féllu fyrir byssukúlum
óþekkts morðingja á götu i höfuðborg-
inni. Gömul kona féll fyrir byssukúlu í
borginni Coran.
...og 7 ÍEI Salvador
Lögreglan í E1 Salvador felldi sjö
vinstri sinna í skotbardaga í morgun.
Þá átti að hefjast þriggja daga alls-
herjarverkfall sem vinstri menn hafa
boðaö til gegn hinni frjálslyndu herfor-
ingjastjórn landsins. Svo virtist þó sem
lítil þátttaka æ.tlaði að verða i verkfall-
inu. Verzlanir og skrifstofur voru
flestar opnar og umferð virtist með
eðlilegum hætti í höfuðborginni San
Salvador og öðrum borgum landsins.
f síðasta verkfalli sem vinstri menn
boðuðu til í júni síðastliðnum var mjög
mikil þátttaka. 1 fyrri verkföllum tóku
hinsvegar færri þátt.
Tilgangur vinstri manna er sá að
reyna að koma herstjórninni frá völd-
um. Hún hefur ríkt síðan í október
síðastliðnum, þegar annarri og íhalds-
samari herstjórn var velt úr sessi.
Stuðningsmenn Khomeinis trúarleiðtoga I Iran héldu mótmælafund fyrir utan
sendiráð Bandarikjanna i Stokkhólmi fyrir nokkrum dögum. Tveir mótmælend-
anna meiddust eitthvað i átökum við lögreglu.