Dagblaðið - 16.10.1980, Blaðsíða 28

_ l
„Hreinsun” ráðgerð f
þingfararkaupsnefnd
þingmenn fá ekki sjálf krafa kauphækkun
„Hreihsun” er ráðgerð i þingfarar-
kaupsnefnd. Flestir þeir „gömlu”
nefndarmenn, sem árum saman hafa
ákveðið kjör þingmanna, víkja nú úr
nefndinni en í staðinn koma í hana
forsetar þingsins og formenn þing-
flokka. Sverrir Hermannsson (S)
verður þó með þessari aðferð áfram i
nefndinni.
Þingfararkaupsnefnd verður kosin
fljótlega, hugsanlega strax í dag.
Henni er a;tlað, segja þingmenn, að
hsekka dagpeninga og húsaleigu-
styrki en hafast annars iitið að. Þing-
menn fullyrða að þeir fái nú enga
sjálfkrafa hækkun á þingfararkaupi.
Ákvörðun um þá hækkun síöastliðið
vor var frestaö. Nú mun ætlunin að
málið bíði enn. Frumvarp er væntan-
legt, þar sem gert er ráð fyrir að
ákvörðun um kaup þingmanna verði
framvegis i höndum Kjaradóms.
Tvær tillögur liggja fyrir og verður
frumvarpið byggt á þeim. Annars
vegar er tillaga firá Friðjóni Sigurðs-
syni skrifstofusljóra Alþingis um að
Kjaradómur skuli aðeins ákveða
kaup þingmanna en þingfararkaups-
nefnd ákveði aðrar sposlur. Hins
vegar er tillaga lögmannanna Bene-
dikts Sigurjónssonar og Gunnars G.
Schram um að Kjaradómur ákveði
bæði kaup og sposlur þingmanna.
Ekki hefur verið afráðið hvor leiðin
verður valin. Verði sú siðari fyrir
valinu, leggst þingfararkaupsnefnd
niður. -HH.
Það hefur verið sagt um Sveinbjörn Beinteinsson, allsherjargoða Asatrúarmanna,
að hann sé lifandi tákn söfnuðar slns. Fáir menn á Islandi skarta t.d. jafn glœsilegu
skeggi og bóndinn og skáldið á Draghálsi, sem Ijósmyndari DB hitti fyrir I biðstöð
SVRá Hlemmi. DB-mynd: Gunnar Örn.
Flugleiðamálið rætt á þingi í dag:
GEFUM RÍKISSTJÓRNINNI KOST Á
AÐ SAMRÆMA MÁLFLUTNING SINN
— segir málshef jandi, Friðrik Sophusson alþingismaður
,,Ég hefi i sjálfu sér ekkert á móti því
að umræða verði á Alþingi um málið,
enda ljóst að hún yrði ekki síðar en á
þriðjudag,” sagði Steingrímur
Hermannsson samgönguráðherra í við-
tali við DB í morgun. Hann bætti við:
„Þingflokkur Alþýðuflokks hafði
óskað eftir skýrslu minni um málið. Að
henni er nú unnið af fullum krafti. Ég
sé ekki betur en að þetta sé eitthvert
kapphlaup milli Alþýðuflokks og Sjálf-
stæðisflokks, þegar óskað er eftir
umræðum á þingi í dag.”
, .Ástæðan fyrir því að við fórum á
stað með málið á þennan hátt var súað
gefa ríkisstjórninni tækifæri til þess að
samræma málflutning sinn í þessu
máli,” sagði Friðrik Sophusson
alþingismaður, sem verður málshefj-
andi utan dagskrár á þingi í dag um
Flugleiðamálið.
„Önnur veigamikil ástæða fyrir
beiðni þingflokks okkar um þessa
umræðu er sú að við teljum að málið
tefjist um of i meðferð rikisstjórnar-
innar. Það er orðið óþolandi fyrir
stóran hóp starfsmanna Flugleiða að
vita ekki hver staðan er í atvinnumálum
hans,” sagði Friðrik Sophusson
alþingismaður í viðtali við DB.
-BS.
579 nefndir störfuöu
á vegum ríkisins 1979
2603 menn fengu hálfan milljarð fyrir nefndasetu
579 nefndir störfuðu á vegum ís-
lenzka rikisins á árinu 1979. í þessum
nefndum sátu alls 2603 nefndar-
menn. Þeir fengu greiddar fyrir
fundasetur samtals 469.271.156
krónur. Annar kostnaður við nefnd-
irnar nam 58,55 milljónum króna og
heildarkostnaður ríkisins við nefnda-
hald var 527.824.984 krónur.
Frá þessu er skýrt í nýútkomnum
bæklingi sem ber nafnið „Stjórnir,
nefndir og ráð ríkisins 1979” og sam-
an er tekinn af Fjárlaga- og hagsýslu-
stofnun.
Flestar nefndirnar störfuðu á veg-
um menntamálaráðuneytisins, eða
alls 135 nefndir. Næst kom heil-
brigðis- og tryggingaráðuneytið með
58 nefndir, iðnaðarráðuneytið með
57 nefndir og dóms- og kirkjumála-
ráðuneytið með 50 nefndir. Fæstar
voru nefndirnar hjá Hagstofu
íslands, aðeins ein, 6 nefndir hjá fjár-
málaráðuneytinu, fjárlaga- og hag-
sýslustofnun, og 12 á vegum utan-
ríkisráðuneytisins.
Á árinu 1979 voru settar á stofn
alls 137 nýjar nefndir en 96 nefndir
sem voru á skrá 1978 hafa látið af
störfum. í árslok 1979 voru starfandi
479 nefndir á vegum ríkisins.
- A.St.
ftjólst, nháð daghlað
FIMMTUDAGUR 16. OKT. 1980.
Sáttatillagan
ívinnudeilunum:
Stjórnin
ræðir lög-
festingu
Ráðherrar Alþýðubandalagsins í
ríkisstjórninni hafa hafið máls á lög-
festingu sáttatillögunnar í kjaradeilu
Alþýðusambandsins og vinnuveitenda.
Ríkisstjórnin ræðir nú þessa hug-
mynd. Ýmsir framsóknarmenn hafa
látið að því liggja að þeir gætu sætt sig
við lögfestingu, ef hún yrði tengd
ýmsum öðrum efnahagsráðstöfunum
fyrir 1. desember.
Ráðherrar Framsóknar hafa lýst
þeirri skoðun opinberlega, að aðgerðir
séu nauðsynlegar fyrir 1. desember, ella
stefni í óefni. Hinn 1. desember á sem
kunnugt er að koma til verðbótahækk-
un á laun og siðan aðrar hækkanir í
framhaldi af henni, eins og verið hefur.
-HH.
Sfldin veiðist —
Loðnan treg
Fimm síldarbátar hafa verið úti fyrir
Austfjörðum og hafa aflað mjög
þokkalega í reknet. Nótasíldin hefur
verið minni og hafa þvi fleiri bátar
leitað til Austfjarða. Fyrstu dagana í
október höfðu veiðzt um 7000 tonn af
reknetasild en ekki eru enn til tölur um
veiði síðan. í gær höfðu hins vegar ekki
veiðzt nema 2300 tonn af nótasildinni.
Lítil veiði hefur verið í Meðallands-
bugtinni. í fyrra var veiðin á öðrum
stöðum eða í Meðallandsbugtinni, við
Ingólfshöfða og í Lónsbugtinni.
Loðnan er hins vegar mjög treg. A
síðasta sólarhring tilkynntu sig 8 bátar
með 5000 tonn og frá miðnætti í nótt
tilkynntu sig 4 bátar með 3600 tonn.
- ELA
Slys um borð
í Júní
Alvarlegt slys varð um borð í
togaranum Júní í morgun. Einn skip-
verja féll þá ofan í lest og meiddist, svo
að beðið var um þyrlu til að flytja
manninn i hendur lækna.
Björgunarþyrla varnarliðsins fór á
staðinn að beiðni Slysavarnafélagsins.
Lenti hún á hinum nýja þyrluvelli við
Borgarspítalann. Er það í fyrsta sinn
sem þyrluvöllurinn er notaður í raun-
verulegum sjúkraflutningi. -A.St.
Hassmál:
ÞRÍR ENN
í GÆZLU
Rannsókn er haldið áfram á hass-
málinu sem DB sagði frá i síðustu viku.
Þá voru fjögur ungmenni í gæzluvarð-
haldi vegna gruns um innflutning og
dreifingu á talsverðu magni af hassi.
Síðan hefur einum verið sleppt úr haldi
og gæzluvarðhaldsúrskurður annars
rennur út i dag. Ekki er þó ólíklegt, að
nýr úrskurður verði kveðinn upp yfir
honum.
Hassið var flutt inn frá Evrópu á
nokkurra mánaða tímambili. Hand-
taka pilts i Keflavík á dögunum leiddi
til þess að upp komst um hasssalana í
Reykjavík, sem nú eru í gæzluvarð-
haldi. -ÓV.
LUKKUDAGAR:
16. OKTÓBER 28831
Sharp vasatölva
m/klukku og vekjara.
Vinningshafar hringi |
ísíma 33622.