Dagblaðið - 09.04.1981, Síða 28

Nýju lögin of stór biti fyrir stjómina:
Verðbætur á sparimerki
fást ekki greidd út
— og þess verða spar'rfjáreigendur að gjalda — peningaleysi hrjáir húsnæðismálastjórn
„Þetta stafar fyrst og fremst af
peningaleysi hjá húsnæðismála-
stjórn. Einnig hafa komið „feilar”
hjá Reiknistofnun bankanna. Þetta
er alveg hroðalegt ástand og við
stöndum hér í vandræðum alla daga.
Ríkisstjórnin lofar upp í ermina á sér
og getur síðan ekki við neitt staðið í
þessu máli,” sagði Jóhannes Jens-
son, fulltrúi i Veðdeild Landsbank-
ans, í samtali viðDB.
Samkvæmt nýjum lögum um
skyldusparnað átti að greiða verð-
bætur á sparimerkin 1. febrúar.
Margir höfðu reiknað með þessum
peningum sem Veðdeildin gat, þegar
allt kom til alls, ekki greitt fólki. Það
sama gildir um úthlutun húsnæðis-
lána.
„Með þessum nýju lögum átti að
bæta upp hvernig unglingar hafa
verið féflettir í gegnum árin með
þessum skyldusparnaði en þetta
hefur líklega verið of stór biti hjá
ríkisstjórninni því hún getur ekki
greitt þetta,” sagði Jóhannes.
í staðinn fyrir að reiknuð verði
visitala á sparimerki einu sinni á ári
verður hún nú reiknuð út mánaðar-
lega. „Við biðum lengi eftir þessu frá
ráðuneytinu. Svörin sem við fengum
voru þau að fyrst ætti þetta að koma
fyrsta febrúar, síðan 15. febrúar. Þau
svör höfum við gefið viðskiptavinun-
um sem nú eru orðnir mjög þreyttir á
þessu. Það eina sem þeir sætta sig við
er að þeir fá greidd út sparimerkin
strax, og verðbæturnar þegar þær
koma. Það nýjasta er að þær verði
tilbúnar til útborgunar um næstu
mánaðamót,” sagði Jóhannes Jens-
son.
Gatnamót Laakjargötu og Skólabrúar í Reykjavfk eru hœttuleg
og þar munar oft mjóu, eins og menn segja. f gœr var þar
allharður árekstur er bfll er kom sunnan Lœkjargötu beygði
vestur Skólabrú. Bfll á leið suður Lœkjargötu skall á honum.
Ungur farþegi í fyrmefnda bflnum hlaut sár og var fluttur í
slysadeild. í morgun var ekki talið að þau meiðsl vœru
hættuleg.
DB-mynd S.
r
...............■■■■■
Flugstöðin:
Alþýðubandalagið hótaði öðrum
stjórnarliðum að endi væri bundinn á
stjórnarsamstarfið, yrði tillaga
stjórnarandstæðinga um heimild til
lántöku vegna flugstöðvarbyggingar
samþykkt. Ólafur Jóhannesson utan-
ríkisráðherra greiddi samt atkvæði
með stjórnarandstöðunni og tillagan
féll á jöfnum atkvæðum í efri deild i
gær.
Ólafur sagðist hafa látið bóka í
rikisstjórn að hann kynni að fylgja
slíkum breytingartillögum. Aðeins
væri um heimild að ræða. Áfram
gilti það ákvæði stjórnarsáttmálans
að allir aðilar í stjórninni yrðu að
samþykkja, ætti að nota slíka heim-
ild.
Tómas Árnason ráðherra, sem var
talinn svipaðrar skoðunar og Ólafur,
var fjarstaddur atkvæðagreiðsluna í
gær. Varamaður kom í hans stað og
greiddi atkvæði gegn tillögunni, sem
gerði gæfumuninn. Fjarstaddir voru
einnig Ólafur Ragnar Grimsson (AB)
og Kjartan Jóhannsson (A), sem
munu báðir erlendis. Varamenn eru
ekki í þeirra stað, svo að fjarvistir
þeirra „jöfnuðust út”. Aðsjálfsögðu
var mönnum í deildinni, svo sem for-
seta deildarinnar Helga Seljan (AB),
fyrirfram ljóst að tillagan mundi falla
á jöfnu. Ella hefði atkvæðagreiðslu
verið frestað enn.
Lárus Jónsson (S) og Karl Steinar
Guðnason (A) breyttu breytingartil-
lögu sinni í gær í samráði við Ólaf Jó-
hannesson og Iækkuðu umrædda
lánsupphæð úr 20 í 5 milljónir ný-
króna. - HH
frjálst, úháð dagblað
FIMMTUDAGUR 9. APRÍL 1981.
Skákmótið íLone Pine:
lóhann náði
íáfangann
Frá Jóni L. Árnasyni á skákmótinu í
Lone Pine, Kaliforníu:
Jóhann Hjartarson tryggði sér
áfanga að alþjóðlegum meistaratitli
með því að gera jafntefli við alþjóðlega
meistarann Federowicz frá Bandaríkj-
unum í lokaumferð mótsins. Hann
tefldi við 6 stórmeistara og 3 alþjóðlega
meistara og hlaut 4,5 vinninga. Jón L.
Árnason hlaut einnig 4,5 vinninga eftir
jafntefli við Domason frá Bandaríkj-
unum í síðustu umferð. Bandaríkj-
maðurinn nældi þar með í áfanga að al-
þjóðlegum titli.
„Þetta var stutt skák. Ég vildi ekkert
vera að stríða honum, nennti ekki að
vinna hann,” sagði Jón L. i gaman-
sömum tón í samtali við blaðamann
DB i morgun. Guðmundur Sigurjóns-
son gerði jafntefli við stórmeistarann
Shankovich og hlaut 5 vinninga.
Viktor Kortsnoj tryggði sér 15 þús-
und dollara með því að verða einn í
efsta sæti mótsins. Hann gerði jafn-
tefli við Sosonko í síðustu umferð og
hlaut 7 vinninga. í 2.—4. sæti urðu
Sosonko, Seirawan og Gligoric með 6,5
vinninga.
Sigurvegarinn frá því i fyrra, Dzind-
chiashvili, var gjörsamlaga heillum
horfinn og hlaut aðeins 3,5 vinninga.
- GAJ
Sígarettuaug-
lýsingar ef tir
10 ára bann
Þrjár sígarettutegundir, Kool,
Winston og Kent, eru auglýstar í því
tölublaði tímaritsins Samúels sem út
kom í gær. Eru þetta vel þekktar
amerískar sígarettutegundir og hver
þeirra auglýst með heilli síðu í litum.
Ólafur Hauksson, annar ritstjóri
tímaritsins, segir í inngangsgrein að
margar ástæður liggi að baki þessum
auglýsingabirtingum. Aðalástæðuna
kveður hann þá að blaðið vilji vekja
athygli á því að lög um bann við
hvers konar tóbaksauglýsingum frá
1977 brjóti í bága við ákvæði
stjórnarskrárinnar um prentfrelsi.
Heilsíðuauglýsingar þessar eru
prentaðar upp úr þrem bandarískum
timaritum, sem öll eru til sölu í bóka-
og blaðsöluverzlunum hér á landi.
Umboðsfyrirtæki Winston er Rolf
Johansen & Co. en Winston er ein
þeirra tegunda, sem Samúel auglýsir.
Hinar eru Kool, sem Globus hefur
umboð fyrir, en Heildverzlun Alberts
Guðmundssonar hefur umboð fyrir
Kent.
„Þetta er í engu samráði við
okkur,” sagði Friðrik Theodórsson,
sölustjóri, Rolf Johansen&Co. „Við
tókum þá stefnu að hlýða lögunum,
sem ætluð eru til varnar gegn tóbaks-
reykingum, í einu og öllu,” sagði
Friðrik. Hann bætti við: „Hitt er svo
annað mál að flestir telja mikið
ósamræmi vera í framkvæmd lag-
anna. Má nefna öll þau erlendu blöð
sem hér fara inn á velflest heimili þar
sem tóbaksauglýsingar eru margar og
áberandi.”
Telja má víst að ríkissaksóknari
hlutist til um rannsókn sígarettuaug-
lýsinganna í Samúel og að ákvörðun
verði tekin um það hvort þær verða
kærðar. -BS.