Dagblaðið - 21.04.1981, Blaðsíða 11

DAGBLAÐIÐ. ÞRIÐJUDAGUR 21. APRÍL 1981.
Er kvennabyltingin merkilegri en byltingar kommúnista?
Karlmenn mundu hætta vígbúnaði
efþeir hugsuðu meira um bömin sín
— segirMarilyn French, konan sem skrifaði „Kvennaklósettið” og „ The Bleeding Heart”
«c
„Karlmenn halda
að konur séu alltaf
að hugsa um þá,
en það er mesti
misskilningur, þvi
konur hugsa lang-
mest um börn
sin,” segir Mari-
lyn French.
Marilyn French er bandarísk og
hafa tvær bækur hennar um líf og
tilfinningar kvenna hlotið óhemju
vinsældir og selzt í milljóna upplögum,
bæði i heimalandi hennar og í Evrópu.
í „Women’s Room” lýsir hún lífi
amerískra millistéttarkvenna og kom sú
bók út hjá Iðunni í fyrra undir nafninu
„Kvennaklósettið”.
Nýrri bók hennar „The bleeding
heart”, snýst um fráskilda miðaldra
konu og giftan mann á svipuðum
aldri, ástarsamband þeirra og
rökræður um viðhorf karla og kvenna
til mikilvægra hluta. Hér fer á eftir
stytt viðtal, sem „Alt for damerne”
átti við Marilyn nýlega og var hún fyrst
spurð eftirfarandi spumingar:
„Þótt bókin Kvennaklósettið seljist
eins og heitar lummur hefur hún sætt
gagnrýni, til dæmis fyrir það að í henni
segir nær ekkert frá karlmönnum. Er
hægt að skrifa bók um konur, þar sem
karlmenn eru næstum ósýnilegir?”
Karlmenn geta bara leyst
vanda sinn sjálfir
„Karlmönnum er í þessari bók lýst
frá sjónarmiði kvenna,” svarar
Marilyn French. „Karlmenn halda
sjálfir að þeir séu það eina sem konur
hugsa um, en það er algjör mis-
skilningur. Konur hugsa langmest um
börnin sín. Auk þess skrifa karlmenn
oft bækur, þar sem konur koma lítið
sem ekkert við sögu og það finnst
öllum alltílagi.”
„En karlmennirnir í þinni bók eru
tilfinningalega bæklaðir. Eiga þeir ekki
við vandamál að stríða eins og
konurnar?”
„Karlmenn verða sjálfir að leysa sín
vandamál. Þeir hafa fjölda rithöfunda,
og öll völd í þjóðfélaginu, fyrir utan
það, að þeir stjórna fjármagninu og
vilji þeir breyta lífi sínu, þá er þeim það
í lófa lagið. Við konurnar verðum að
taka okkur í gegn til að öðlast
mannsæmandi lif, við þurfum að
breyta heiminum fyrir okkur sjálfar, og
kannske koma karlmennirnir þá á
eftir.”
Móðurstarfiö er
merkilegra en
skrifstofustjórn
„Ég held, að bókin mín geti
kannske hjálpað konum, að minnsta
kosti á Vesturlöndum, til að gera sér
grein fyrir að þær leysa af hendi stór-
kostlega hluti. Að fæða böm og ala
þau upp, hlynna að fjölskyldunni og
halda heimilinu gangandi er merkileg-
asta starf sem hægt er að hugsa sér, og
ekkert kemst í hálfkvisti við það nema
ef vera skyldi að yrkja jörðina og sinna
búfé. Forstjórastörf á skrifstofu eða
bilaviðgerðir eru ekki nærri þvi eins
þýðingarmiklar athafnir eins og að ala
upp börn — og samt fá konur engin
laun fyrir móðurstarfið. Þess vegna
nýtur það heldur engrar virðingar.
Konur verða að læra að meta
framlag sitt mikils og hætta að vera
auðmjúklega þakklátar karlmanni, sem
réttir hjálparhönd við heimilisstörf og
barnagæzlu. Karlmaðurinn ber jafna á-
byrgð á þessum vettvangi og konan.”
Ólaunað en hver
á að borga?
„Ætti þá að greiða konum laun
fyrir barnauppeldi?”
„Auðvitað ætti að gera það, en það
er erfitt í framkvæmd. Það er nógu
flókið að eiginmaðurinn sé fyrirvinna,
þótt hann sé ekki gerður að at-
vinnurekanda. Og varla er þess að
vænta, að ríkisstjórnin geti tekið að sér
launagreiðslur fyrir uppeldi.
Nei, eina ráðið er að hjón axli á-
byrgðina í sameiningu, bæði á
heimilinu og á vinnumarkaðnum.
Og þegar karlmenn eru farnir að
sinna bömunum sinum get ég ekki
imyndaö mér annað en þeir hætti að
sinna jafn sjúklegri vitleysu eins og aö
framleiða eitraö taugagas eða byggja
sprengjuflugvélar til aðdrepa böm.”
Égerhrœdd viðþásem
hafa völdin í heiminum
„Konur ættu kannske að hrifsa öll
völd.”
„Enginn á að hafa öll völd. Karlar
og konur, svartir og hvítir, fátækir og
ríkir, allir eiga að njóta réttinda, sem
manneskjur. Við konurnar þurfum að
vinna að réttlátara kerfl, og þótt ég sé
svartsýn að eðlisfari, þá hef ég að
minnsta kostí ekki áhyggjur af því að
konur geti ekki unnið saman. Við
höfum allar sömu sögu að segja.
Tökum dæmi: Joan Kennedy, sem er af
velstæðu fólki og hefur gift sig inn í
mjög ríka ætt — hún veit samt hvað
það er að vera kúguð. Við stríðum allar
við hliðstæð vandamál.
Hins vegar lízt mér afar illa á þá sem
fara með völdin í heiminum: alþjóða-
fyrirtækin, ríkisstjórnir stórveldanna,
þá sem stjórna vígbúnaðar-
kapphlaupinu, guð má vita til hvers.
Það eru þessi valdamiklu öfl sem gera
mig dauðskelkaða. Að brjóta þau á
bak aftur er enginn hægðarleikur.
Eina ráðið: gera öll
börn friðelskandi
með uppeldinu
„Hvað getum við gert til að breyta
heiminum?”
„Ala börnin okkar upp þannig að
þau verði tilfinningarík, elskuleg og
full af umhyggju fyrir öllu því sem lífs-
anda dregur. Þá verða karlmenn orðnir
blíðir eins og konur eftir tvær þrjár
kynslóðir — og hver á þá að heyja
styrjaldir?”
„Þú gerir þér háar hugmyndir um
konur?”
„Auðvitað veit ég, að konur geta
drepið — ég gæti það sjálf undir viss-
um kringumstæðum. En fæstar konur
þjást af valdasýki, því þær eru of ná-
tengdar þeim sviðum lífsins, þar sem
kærleikur og umhyggja fyrir ungviðinu
erallsráðandi.”
Marilyn ræddi margt fleira, meðal
annars hvað það væri erfitt sálarlega
fyrir konur að vera árum saman
einangraðar yfir börnum sínum og
útivinna nútíma kvenna mundi gera
þær víðsýnni og andlega heilbrigðari.
Loks fullyrti hún að kvennabyltingin
væri fyrirboði nýrrar aldar og langtum
merkilegri en byltingar kommúnista.
„Markmið kommúnistabyltinga eru
fyrst og fremst efnahagsleg og beinast
að því að auka hagvöxt en kvenna-
byltingin kollvarpar skoðunum okkar á
því hvað það er sem raunverulega gefur
lífinu gildi.
-ihh.
ar
ISIENSK
FRAMLEIÐSIA
apar
styttri afgreiöslutími “ lægra verð
Einn skápur, tveir skápar eða tíu skápar. Þú getur alltaf bætt við eftir
eigin hentisemi. Staðlaðar einingar lækka verð og stytta afgreiðslutíma
nnniTimmrFi
di breiddir- fjöldi viðartegunda
■ innréttingar - hagkvæm nýting
Útborgun 1/3
- eftirstöðvar á 6 mánuðum
AXEL EYJÓLFSSON
HÚSGAGNAVERSLUN SMIÐJUVEGI 9 KOPAVOGI SIMI 43577
Sterkar
innanáfelldar lamir
Vinsamlegast sendið mér nánari upplýsingar um
Syrpuskápa.
Nafn ________________________________________
Heimili.
Sendum um allt land