Ársrit Ræktunarfélags Norðurlands - 01.01.1907, Blaðsíða 32

H
Girðingar á 9 stöðum.
Lokræsla - 5 —»—
Trjárækt - 6 —
Svarðarleit var gerð á 8 stöðum, og þar
af fanst svörður á 4 stöðunum.
Hinn tímann fram í septembermánaðarlok vann eg í
tilraunastöðinni að ýmsum nauðsynlegum störfum, sem
þar þurfti að framkvæma.
* *
*
Eg var ráðinn hjá Ræktunarfélagi Norðurlands frá 31.
okt. til 25. des. til að fara ferð vestur um sýslur til að
mæta á deildarfundum félagsins. Ferðáætlun var samin
áður en eg lagði á stað, og í henni var ætlast til að
eg kæmi á 31 fund.
Eg lagði á stað 1. dag nóv. Sveitirnar sem eg fór um
voru Eyjafjarðarsýsla norðan Akureyrar, Skagafjarðar-
sýsla og Húnavatns. Eg fór sem leið liggur vestur í
Hörgárdal, Öxnadal og Öxnadalsheiði og yfir fram
Skagafjörð, vestur Stóravatnsskarð, og fram Húnavatns-
sýslu vestur í Miðfjörð, þaðan út á Hvammstanga og
austur útsýsluna út á Skagaströnd þaðan í Laxárdal í
Skagafjarðarsýslu austur yfir út Skagafjörð, og heim
að Hólum, út Höfðaströnd, Fljót, Siglufjörð, Ólafsfjörð
og Svarfaðardal, inn vesturland, og til Akureyrar 24.
dag desembermánaðar.
Svo var tilætlast að fundir kæmust á í hverjum hreppi,
ef hægt væri, þar sem nokkurir félagsmenn eru. Alls
komust á 17 fundir, og voru þeir víða vel sóttir eftir
því sem hér gerist. Á fundunum flutti eg vanalega
einn eða fleiri fyrirlestra viðvíkjandi jarðyrkju, eftir því
sem óskað var, líka gaf eg ýmsar skýringar viðvíkjandi
starfsemi Ræktunarfélagsins og svaraði fyrirspurnum
þar, sem þær voru gerðar, tók á móti pöntunum til
félagsins, sem voru gerðar all miklar, einkanlega girð-
ingarefni og fl.
Á fundum þessum voru rædd ýms búnaðarmálefni,
sem máttu til framfara horfa, eftir því sem tími og á-