Ársrit Ræktunarfélags Norðurlands


Ársrit Ræktunarfélags Norðurlands - 01.01.1954, Blaðsíða 10

Ársrit Ræktunarfélags Norðurlands - 01.01.1954, Blaðsíða 10
10 um. Blómplöntur þær, er hér um ræðir, hafa verið kallaðar vesturarktískar1) samkvæmt útbreiðslu sinni. Ef hinar vest- urarktísku tegundir hefðu flutzt til Norðurlanda frá suðri eða austri eins og ördeyðukenningin gerði ráð fyrir um allan gróður Skandinavíu, varð með öllu óskiljanlegt, að þær, eða að minnsta kosti aðrar tegundir þeinr náskyldar, skyldu ekki finnast í Alpafjöllum eða Asíu. Eins og áður er að vikið, taldi Blytt sennilegast, að þær hefðu flutzt vestan yfir hafið eftir landbrú þeirri, er lá yfir Norður-Atlants- liafið, og þótti honum þá sennilegast, að sú landbrú hefði haldizt ofansjávar fram á síðasta sumarskeið jökultím- ans. Jarðfræðingar hafa talið fráleitt, að hún hafi haldizt svo lengi, þótt þeir séu lrins vegar ásáttir um, að hún hafi til verið á tertíertíma. Annað atriði í háfjallagróðri Skandinavíu stangast mjög á við ördeyðukenninguna og innflutning tegunda frá suðri eða austri eftir jökultíma. Lengi hefir það verið kunnugt, að tvö svæði í fjalllendum Skandinavíu eru sérstaklega auð- ug að fjallaplöntum, sem ekki vaxa annars staðar í þeim löndunr. Mætti með sanni kalla þau „gróðureyjar", og verð- ur svo gert hér. Önnur þessara gróðureyja er í Norður- Noregi í Troms- og Nordlandsfylkjum, en hin er suður í Dofrafjöllum og nágrenni þeirra. Margar eru þær tegundir, sem finnast einungis á eyjum þessum, annari eða háðum, en hvergi þar fyrir utan. Hefir Thore C. E. Fries kallað þær tegundir, sem á báðum eyjunum finnast hisentriskar, en liinar, sem einungis eru á annari eynni, unisentriskar, á íslenzku vildi ég kalla þær tvísvæða og einsvæðisplöntur. Allur þorri hinna vesturarktísku tegunda vaxa einungis á gróðureyjum þessum. Athyglisvert er, að tegundir norður- 1) Ég leyfi mér að taka upp orðin Arktika og arktískur um Norður- heimskautslöndin, og það sem við þau er ketint. Ætti það ekki að vera óþýðara í munni né meiri málspjöll en t. d. Ameríka og amerískur.

x

Ársrit Ræktunarfélags Norðurlands

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Ársrit Ræktunarfélags Norðurlands
https://timarit.is/publication/268

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.