Ársrit Ræktunarfélags Norðurlands - 01.01.1961, Blaðsíða 36

fjárræktina og það ekki sízt vegna þess, að yfirleitt komu
lömb á hvern bæ frá mörgum eigendum.
Þessi fjárræktarfélög eru flest ung, en ég er sannfærður
um það, þó tölur liggi ekki beint fyrir um það, að þau eru
nú strax búin að gera gagn, til dæmis með því að:
a. Vekja meira en ella umtal og áhuga fyrir ræktun sauð-
fjárins, bæði innan félaganna og utan þeirra.
b. Félagsmennimir hafa gert sér gleggri grein, en þeir
hefðu annars gert, fyrir því, hverjar af ám þeirra eru mestar
afurðaær, bezt byggðar og farsælastar.
c. Þau stuðla að því að hrútaeign félagsmanna batni.
d. Þeir félagar, sem hafa um og yfir.30 ær á skýrslu, geta
árlega fengið nokkurn samanburð á tveimur hrútum, hvern-
ig lömbin undan þeim leggja sig, og einnig fá þeir saman-
burð á systrahópum.
Hér skal ekki rakið frekar á hvern hátt félögin eru nú
þegar búin að gera gagn, og ekki heldur skýrt nánar frá
þeirri miklu þýðingu, sem þau hafa á næstu áratugum. Held-
ur aðeins getið þeirrar staðreyndar, sent er viðurkennd í öll-
um búfjárræktarlöndum, að ekki er hægt að ná verulega
miklum, víðtækum árangri, við búfjárkynbætur, nema með
nákvæmum afurðamælingum og ættartölufærslu, eða sem
sagt áþekku skýrsluhaldi og krafizt er af félagsmönnum
sauðfjárræktarfélaganna.
Nau tgriparœktin.
A síðastliðnu ári voru um 900 kýr á skýrslu (en árið áður
en B. S. S. Þ. tók nautgriparæktina að sér 506 kýr)
Sé litið á skýrslu nautgriparæktarfélaganna síðustu ára-
tugina, er augljós verulegur árangur af starfi félaganna
Taka má t. d. til athugunar árin 1944 til ’58 hjá þeim fé-
lögum, sent eru innan B. S. S. Þ. Þá kemur í Ijós, séu árin
1944 til ’48 borin saman við árin 1954 til ’58, að meðalnyt
fullmjólkandi kúa hefur hækkað að meðaltali (meðaltalið
tekið af félögunum) um 246 kg og 1047 fitueiningar