Ársrit Ræktunarfélags Norðurlands - 01.01.1961, Blaðsíða 37

37
Séu árin 1949 til ’53 borin saman við árin 1954 til ’58,
þá er aukningin 319 kg og 1296 fitueiningar.
Eðlilega er árangur félaganna þessi tímabil mismikill.
Fyrra tímabilið hækkar nytin langmest hjá Nf. Skútustaða-
hrepps, 314 kg og 1836 fitueiningar. Astæða þess álít ég að
sé sú, að um átta ára skeið, áður en B. S. S. Þ. 1949 fer að
vinna að nautgriparæktinni, er starfsemi flestra félaganna
mjög' í molum. Sum félögin gera engar skýrslur í nokkur ár,
og önnur gera engar fitumælingar, þó þau haldi skýrsluhald-
inu við að nokkru leyti.
Nf. Skútustaðahrepps starfar vel allt frá stofnun þess
1931. en þó tiltölulega bezt um og eftir 1940, sem gefur svo
verulega nythækkun kringum 1950. Seinna tímabilið hækk-
ar meðalnytin mest hjá Nd. Bf. Reykdæla, 356 kg og 1832
fitueiningar. Þessi deild endurreisir starfið 1949 og starfar
síðan með miklum ljóma.
Eðlileg afleiðing þess, að starfsemi flestra nautgriparækt-
arfélaganna er engin eða lítil árin 1941 til ’48, er sú, að með-
alnytin hjá flestum þeirra lækkar á seinnihluta þess áratugs,
og verður lægst hjá sunrum þeirra 1950 en öðrum 1951. Síð-
an hefur hún svo hækkað og var hæzt hjá flestum félögun-
um 1958.
Sá aukningin athuguð frá því meðalnytin var lægst 1950
eða ’51 og til ’58, þá er meðalhækkunin 503 kg og 2413 fitu-
einingar.
Jarðabœtur.
Nýræktin 1960 var 240,7 ha, en ’59 var hún 312,5 ha og
var þá 7 ha meiri en 1958. Árið 1941 var nýræktin 6.6 ha.
Hér á eftir eru tölur um nokkra jarðabótaliði 1960 og á
eftir þeim tilsvarandi tölur fyrir árið 1941.
Túnasléttur 1.0 ba — 4,6 ha.
Girðingar um ræktunarlönd 42,0 km — 4,6 km.
Þurrheys og votheyshlöður 12,281 m3 — 858 m3.
Áburðargeymslur 1.206 m3 — 62 m3.