Ársrit Ræktunarfélags Norðurlands - 01.01.1961, Blaðsíða 63
ÓLAFUR JÓNSSON:
Ársrit Skógræktarfélags
fslands 1960-61.
Þetta er enginn ritdómur um Skógræktarfélagsritið yfir-
leitt, þó í því rnegi finna margt kynlegt, svo sem: Kynlegir
kvistir, Kynlegir menn og loks forskrift um Að hugsa og
skrifarétt. Eg hefði nú haldið, að vestan járntjalds gæti orð-
ið örðugt að fá samstöðu um slíka forskrift.
I þessurn greinarstúf ætla ég aðeins að víkja örlítið að
ritgerð dr. Sigurðar Þórarinssonar í ritinu, Uppblástur á
Islandi í ljósi öskurannsókna, og má nefna þetta greinar-
korn mitt athugasemdir eða hugleiðingar um framanskráða
ritgerð, eftir því hvort hentara þykir.
Ritgerð Sigurðar er á margan hátt fróðleg, þótt hún sé
í raun og veru neikvæð, þar sem hún fjallar, eins og fleira,
sem um þetta mál hefur verið ritað, aðeins um orsakir en
ekki um úrbætur. Höfundurinn reynir að færa að því rök,
með aðstoð öskurannsókna, að áfok og uppblástur hafi hér
á landi fyrst færzt verulega í aukana eftir að landið var num-
ið. Margt, sem höfundurinn segir um þetta, er athyglisvert
og þó einkum það, sem snýr að öskulagarannsóknum og
hagnýtri þýðingu þeirra. Þó langar mig til að gera við þetta
dálitlar athugasemdir og láta í ljós nokkurn efa um sumt
í útfærslunni og niðurstöðunum.
Fyrst og fremst vakti ritgerðin hjá mér sultarkennd og
slíkt hið sama hafa fleiri ritgerðir S. Þ., um hliðstætt efni,
gert. Eg finn það alltaf betur og betur hvílíkur bagi það er
og vöntun, að eiga ekki völ á hagkvæmum og handhægum
leiðarvísi um öskulögin í íslenzkum jarðvegi, einkenni