Ársrit Ræktunarfélags Norðurlands - 01.01.1961, Blaðsíða 68
Astungur.
I. TRÚIN Á GUÐ EÐA-------?
„Sannur kommúnisti trúir ekki á Guð“. Þannig fórust
menntamálaráðherra Sovétríkjanna orð, er hann var hér á
íslandi ekki alls fyrir löngu. „Sannur kommúnisti l)iður
ekki til guðs“, sagði Gagarin geimfari, er hann sparn fótum
við Keflavíkurflugvöll nýskeð á leið sinni til Castro á Kúba
og fleiri landa, til þess að sýna sig sem lifand auglýsingu
um hugvit og magt Soviet og hins kommúnistiska skipu-
lags, sem reyndar er nú kunngert að eigi fyrst að koma til
framkvæmda næstu 20 árin. Allur er varinn góður!
Það lítur út fyrir, að þessi afdráttarlausu ummæli hafi
komið flatt upp á ýmsa hér heima. !Það er rétt eins og þeir
hafi verið búnir að steingleyma því, að kommúnistar hafa
frá öndverðu afneitað guðstrú, afneitað trúnni á líf eftir
þetta líf og alls staðar reynt af fremsta megni að uppræta
slíka villu, þótt þeir hins vegar hafi, af pólitískum ástæðum,
séð sér vænlegast að fylgja þessu stefnumáli ekki eftir með
hörku um stundarsakir, vegna þess, að þeim er það ljóst,
að trú manna er viðkvæmt mál og verður ekki upprætt með
valdboði einu saman.
Það er líka annað, sem hefði mátt vera flestum sæmilega
upplýstum mönnum ljóst fyrir löngu, sem er það, að komm-
únismi er öðrum þræði trú. Þeir hafa sína trúfræði, rit
Marx og Engels, er þeir telja jafn óhrekjanleg eins og kristn-
ir menn Biblíuna og Múhameðstrúarmenn Kóraninn, jirátt
fyrir það, þótt margt í hagfræðikenningum þessara góðu