Ársrit Ræktunarfélags Norðurlands - 01.01.1961, Blaðsíða 70
70
einstaklingshyggju og persónuleika og má furðulegt heita
hve vel þetta hefur tekizt, jafnvel þótt í skjóli vel skipu-
lagðs eftirlits, lögregluvalds og jafnvef hervalds sé. Engum
getur þó dulizt, að þetta stranga og stöðuga eftirlit, sem hið
kommúnistiska lögregluríki sífellt verður að hafa með þegn-
um sínum, kostar bæði of fjár og óhemju orku og er veik-
asti hlekkur skipulagsins, því það fæðir af sér stöðugan ótta
og tortryggni milli þegnanna innbyrðis annars vegar og
milli stjórnarvaldanna og þegnanna hins vegar.
Lang erfiðast viðfangsefnið í þessari keðju af þvingun-
um, sem miða að því að móta þegna ríkisins í formum á-
kveðinna lífsskoðana og kreddukenninga, verður þó trúin,
og róttækar tilraunir til að uppræta hana eru líklegastar
til að sprengja skipulagið. Því hvernig á að uppræta trúna
á guð og trúna á framhaidslíf? Þetta er mönnunum með-
fætt, hluti af þeim sjálfum, sem ieitar á þrátt fyrir allar and-
stæðar kenningar og uppeldi. Kemur eins og reiðarslag
þegar minnst varir (samanb. Pál postula).
iÞetta vissu og skildu frumherjar kommúnismans í Rúss-
landi. Þess vegna ákváðu þeir að framfylgja þessu stefnu-
atriði með gætni. Að vísu hafa þeir alltaf sýnt trúmálum
óvild og reynt að vinna gegn þeim af fremsta megni og að
sjáifsögðu reynt þar fyrst og fremst að beita uppeldislegum
áhrifum. Þetta mun þó ekki stoða til lengdar, því þeir hafa
ekkert að gefa í stað þess, sem tekið er, annað en andlegt
ófrelsi. Fyrr eða síðar finnur hinn trúlausi tómleika trú-
leysisins, finnur að án trúar er hann vanmátka og vonlaus,
þrátt fyrir allar þær tímanlegu vellystingar, sem kommún-
istaforsprakkarnir boða í skrumáætlunum sínum en aldrei
efna.
II. GENGI.
Gengisfelling getur orðið með ýmsu móti. Hún er engan
veginn ætíð hið skráða nafnverð peninganna, því gengis-
feliingu má dylja með ýmsum hætti. Það er hinn mesti mis-