Ársrit Ræktunarfélags Norðurlands - 01.01.1961, Blaðsíða 74
74
hafa til, reyna með öllu móti að komast yfir erlendan gjald-
eyri og verzla síðan með hann á svörtum markaði, eða hag-
nýta hann til kaupa erlendis, án þess að standa bönkunum
reikningsskil.
5. Opinber skráning. Endrum og eins ranka stjórnarvöld-
in við sér, sjá í hvílík óefni er komið með pukrinu og sýnd-
armennskunni og taka rögg á sig, viðurkenna staðreyndir
og skrá gjaldeyrinn á réttu gengi. Það er nefnilega alltaf
stór hluti þjóðarinnar, sem kýs að lifa í blekkingum og
aldrei vill viðurkenna staðreyndir, ef þær ekki samrímast
trúarskoðun hans og óskhyggju.
Hrein afdráttarlaus verðskráning gjaldeyris hefur þó
margt til síns ágætis. Hún dregur úr braskinu, skriffinnsk-
unni og spillingunni, sem ætíð fylgir hinni fölsku verð-
skráningu, og hún sýnir þjóðfélagsþegnunum svart á hvítu
hvar við stöndum fjármálalega. Hvað langt er í algert hrun
efnahagsmálanna.
I þessu sambandi verðum við að gera okkur ljóst, að allt
það, sem eykur tilkostnað við framleiðsluna, fellir gjaldeyr-
inn beint eða óbeint. Þetta ætti að vera ennþá augljósara
hjá okkur en flestum öðrum vegna þess, hve viðskiptaþörf
okkar út á við er mikil. Til þess að komast hjá gengisfell-
ingu þrátt fyrir það, þótt tilkostnaðurinn við framleiðsluna
vaxi, verður framleiðslan annað hvort að aukast eða hækka
í verði á erlendum mörkuðum, eða erlendar vörur, sem við
þurfum, að lækka í verði. Sé ekkert af þessu til staðar, hlýt-
ur allur aukinn framleiðslukostnaður að verka sem bein
gengisfelling, sem að vísu má dulbúa með ýmsum króka-
leiðum, eins og bent hefur verið á hér að framan, en engu
að síður veikir efnahagsaðstöðu þjóðarinnar og þokar henni
í áttina til efnalegs 'hruns. Slíkar gerfiaðgerðir hafa það eitt
markmið að slá ryki í augu þjóðfélagsþegnanna, svo að hægt
sé að leiða íþá blindandi beint í opinn voðann.