Ársrit Ræktunarfélags Norðurlands - 01.01.1962, Page 14
14
Þegar hreytt er, þá er bezt að taka fyrir tvo júgurhluta í
einu, t. d. afturjúgur sér og framjúgur sér. Með opnum
höndum er júgurhlutunum þrýst saman og upp að kviðn-
um, svo mjólk, sem enn þá situr í mjólkurgöngunum, þrýst-
ist niður í spenaholin. Hendurnar strjúka því næst niður
eftir júgrinu og sambandinu milli spena og júgurs er lok-
að með þumal- og vísifingri, meðan hinir þrír fingurnir
tæma spenana, báða samtímis. Þetta er endurtekið þar til
spenarnir hætta að gefa fulla boga, þá er hreytunum lokið.
Hraðmjaltir.
Það er hægt að rannsaka mjaltirnar með svokölluðum
hraðmjaltamæli (sjá 7. mynd). Mjólkurfatan er hengd upp
í fjaðurvog, sem gefur til kynna mjólkurmagnið, sem í föt-
una kemur á mínútu hverri, og séu niðurstöðurnar færðar
í stuðla fæst lærdómsríkt línurit af mjöltunum.
Hraðmjaltir eru talsvert notaðar við mjaltakennslu, t. d.
á eftirfarnadi hátt: Mjaltakennarinn fer eftir samkomulagi
út á bóndabýli með tæki sín og framkvæmir rannsókn á
mjaltahraðanum. Það er að segja, hann rannsakar hve