Ársrit Ræktunarfélags Norðurlands - 01.01.1962, Page 28
28
mjaltahæfni kýrinar bezt, gefur stytztan mjaltatíma og bezt
afköst bæði á mínútu hverri og í heild. Þegar mjaltarinn
hefur tíma til að gera allt, sem gera þarf, getur hann unnið
í rólegheitum og þó náð að mjólka 16—18 kýr á klukku-
stund.
2. Það er nokkuð algengt, að tveir mjaltarar noti þrjár
vélar, en þá verður samstarf þeirra að vera mjög gott og ná-
kvæmt. Sá, sem fer með mjaltavélarnar, verður einnig að
undirbúa kýrnar til þess að geta fylgzt nógu vel með því
hvenær á að setja vélarnar á. Sá, sem hreytir, ber mjólkina
líka burtu. Jafnvel þótt hægt sé á þennan hátt að ná ágæt-
um árangri, mun mjaltatíminn á hverja einstaka kú verða
lengri en við fyrstnefndu aðferðina.
3. Mjög er algengt, að einn mjaltari noti tvær vélar. Það
er sérkennilegt við þessa aðferð, að þrátt fyrir tvær vélarn-
ar taka mjaltirnar á ákveðinni tölu af kúm næstum jafn-
langan tíma eins og hjá þeim, sem aðeins notar eina vél.
Það sýnir, að mjaltatíminn á hverja einstaka kú er næstum
tvöfaldaður. Ástæðan er einfaldlega sú, að einn mjaltari
nær ekki að gera það, sem gera þarf, rétt og á réttum tíma,
ef hann á að þjóna tveimur vélum.
Mjaltarar með tvær vélar í gangi verða oft að sleppa
hreytunum, ef þeir geta ekki sætt sig við að nota aðeins
eina vél. Þetta er hvergi nærri gott, en þó skárra heldur en
að láta vélarnar tómmjalta.
Ný kerfi, svo sem mjólkurleiðslur, sem flytja mjólkina
beint frá kúnni í mjólkurhúsið, losa mjaltarann við mjólk-
urburðinn og gera honum þess vegna léttara fyrir að þjóna
tveimur vélum. Sama má segja um sérstök mjaltafjós, sem
notuð eru í sambandi við hjarðfjós og þar sem aðeins fáar
kýr eru mjólkaðar í einu.
Það er þó alltaf mjaltahæfni kýrinnar, sem ákveður
mjaltahraðann, og ef við mælum mínútumjólkina fsjá 8.
mynd) fáum við góða hugmynd um, hve hratt er hægt að
mjólka kúna og þá möguleika á að nýta.