Ársrit Ræktunarfélags Norðurlands - 01.01.1962, Blaðsíða 33
33
Ytri óhreinindi eins og áburðarslettur á að skola vel af
áður en þvottur vélarinnar hefst, svo þau óhreinindi með
sínum aragrúa af bakteríum óhreinki ekki uppþvottavatnið.
Þvottur og burstun. Alla þá hluti vélarinnar, sem mjólk
fer um, á að þvo úr 40°— 50° C heitu vatni, sem í hefur
verið blandað viðurkenndu þvottaefni. Nota þarf við hrein-
gerninguna bursta, sem sérstaklega eru gerðir í þessum til-
gangi og eigi má nota til annars. Ekki má gleyma að hreinsa
lokþéttir, hanaþoll og gagnhana. Nauðsynlegt er að hafa
góða aðstöðu við þvottastörfin og næga birtu.
Brennisteinsmenguð þvottaefni, svo sem sulfosdpu, má
ekki nota við hreingerningu á mjaltavélum. Þau eru gerð
úr olíusamböndum, sem eyðileggja gúmmíið. Auk þess eru
þau bakteríunærandi og því oft menguð sýklagróðri. Þau
eru með öllu ónothæf við hreingerningu á mjaltaáhöldum.
Góð þvottaefni eiga að leysa upp fitu og eggjahvítusam-
bönd, er setjast í mjólkurleiðslur og fötur og helzt að
hamla móti útfellingu á mjólkursteini.1)
Aðalsogslangan og greinar hennar flytur ekki mjólk.
Samt sem áður þarf hún að hreinsast daglega, því mjólkur-
ýringur og mjólkurgufa sogast í gegnum slönguna og þétt-
ast á innra borði hennar. Sé hreingerning á slöngunni van-
rækt, getur farið svo, að rotnandi mjólkurleifar drjúpi frá
henni niður í mjaltafötuna (líka meðan á mjöltun stendur),
því hanar þeir, sem eiga að hindra bakrennsli í slöngunni,
eru sjaldan fullkomlega þéttir.
Þvottatœki. Þurfi daglega að hreinsa margar vélar, geta
þvottatæki, sem soga þvottavatnið með aðstoð sogkerfisins
fram og aftur gegnum mjaltatækin (spenahylki, miðkerfi og
slöngur), komið að miklum notum. Séu tækin þannig gerð,
1) Hentug efni til þessa fást hvarvetna á Norffurlöndum. Ganga
undir ýmsum nöfnum, þótt þau séu aff mestu eins. F.itt þeirra er frain-
leitt á Akureyri og gengur undir nafninu „Blik“. O. J.
3